بہار میں ہم لوگوں نے کافی اچھے کام کئے ہیں جس کا تذکرہ نہیں ہوتا:نتیش

پٹنہ، : وزیر اعلیٰ نتیش کمار نے آج بہار اینیمل سائنس یونیورسٹی احاطہ میں 889.26 کروڑ روپے کی بہار اینمل سائنس یونیورسٹی کی نئی عمارتوں کے نیم پلیٹ کی نقاب کشائی کر کے سنگ بنیاد رکھ کر کام کی شروعات کی ۔

وزیر اعلیٰ نتیش کمار نے 889.26 کروڑ روپے کی بہار اینیمل سائنس یونیورسٹی کی عمارتوں کا سنگ بنیاد رکھا اور کام کی شروعات کی

اس موقع پر دشرتھ مانجھی انسٹی ٹیوٹ آف لیبر اینڈ امپلائمنٹ اسٹڈیز کے آڈیٹوریم میں منعقد پروگرام کو خطاب کر تے ہوئے وزیر اعلیٰ نے کہا کہ آج کے اس پروگرام میں موجود تمام لوگوں کا میں خیر مقدم کر تا ہوں ۔ بہار ایمنل سائنس یونیورسٹی کی عمارتوں کا آج سنگ بنیاد رکھا گیا ہے ،مجھے اسکی خوشی ہے ۔ انہوں نے کہا کہ ملک میں کہیں بھی مویشیوں کی کوئی یونیورسٹی نہیں تھی ۔ مویشیوں کے نام پر ہم لوگوں نے بہار اینمل سائنس یونیورسٹی بہار میں بنائی ہے ۔ اب سن رہے ہیں کہ کئی مقامات پر اس پر کام ہونے لگا ہے۔ بہت لوگ کہتے ہیں کہ بہار میں کوئی کام نہیں ہورہا ہے ، جبکہ ہم لوگوں نے بہار میں کئی اچھے کام کیے ہیں ، جس کا ذکر نہیں ہو پاتا ہے ۔ کئی اچھی عمارتیں کی تعمیر کرائی گئی ہیں ۔انہوں نے کہا کہ یہاں کی عمارت کی تعمیر سے متعلق جو پرزنٹیشن دیا گیا گیا ہے امید ہے کہ اسی کے مطابق بہتر طریقہ سے عمارت بنائی جائے گی ۔

وزیر اعلیٰ نے کہا کہ پوسا کے راجندر ایگریکلچر یونیورسٹی کو مرکزی یونیورسٹی بنایا گیا جس کے لیے ہم لوگوں نے بہت کوشش کی تھی ۔سال 2010 میں بھاگلپور کے سبورمیں ایگریکلچر یونیورسٹی شروع کی گئی ۔ کئی مقامات پر کئی انسٹی ٹیوشن کی تعمیر کرائی گئی ۔ پٹنہ میں ایک ویٹنری کالج پہلے سے تھا ، اس کے علاوہ کشن گنج میں ڈاکٹر اے پی جے عبد الکلام صاحب کے نام پر ایک ایگریکلچر کالج بنا یا گیا ، جس میں فیشریز کالج اور ویٹنری کالج بھی بنا یا گیا ہے ۔ یہ سب بہار اینیمل سائنس یوینورسٹی کے تحت ہیں ۔
وزیر اعلیٰ نے کہا کہ بہار اینیمل سائنس یونیورسٹی میں بڑی تعداد میں طلبا و طالبات زیر تعلیم ہیں ۔ ویٹرنری کے علاج کا بھی کام کیا جارہا ہے ۔ ہم لوگوں نے زراعت کی ترقی کو لے کر زراعت کے ماہرین اور کسانوں کی صلاح سے ایگریکلچر روڈ میپ بنا یا ہے ۔ ابھی تیسرا ایگریکلچر روڈ میپ نافذ ہے ۔ انہوں نے کہا کہ عمارت کی تعمیر اچھی طریقہ سے جلد کرائیں تاکہ پڑھنے والے اور پڑھانے والوں کو سہولت ہو ۔ بہار اینمل سائنس یونیوسٹی کی عمارتوں کی تعمیر کے تحت اکیڈمک اور انتظامی عمارت ، جدید ویٹرنری اور جانوروں کی افزائش سینٹر ، کسان ٹریننگ سینٹر اور طلبا وطالبات کے لیے ہاسٹل اور کھیل احاطہ کی تعمیر کرائی جائے گی ۔ یونیورسٹی کے پروگراموں کے لیے رہائشی احاطہ کی تعمیر کرائی جائے گی تاکہ انہیں کوئی دشواری نہ ہو ۔ انہوں نے کہا کہ طلبا و طالبات کو پڑھائی کے ساتھ ساتھ بہتر طریقہ سے رہنے اور کھیلنے کی بھی سہولت کا خیال رکھا گیا ہے ۔ عمارت تعمیرات محکمہ تعمیر کے کام کے تعلق سے خصوصی توجہ دے اور تیزی سے کام کو مکمل کرے ۔
وزیر اعلیٰ نے کہا کہ ہم لوگوں نے طلبا و طالبات کو زراعت کی تعلیم دینے کے لیے راغب کیا ۔ پہلے ایگریکلچر کی تعلیم کے لیے بڑی تعداد میں طلبا و طالبات ریاست کے باہر پڑھنے جاتے تھے ۔ اب ریاست کے نوجوانوں میں زراعت کے تئیں دلچسپی بڑھی ہے ۔ انہوں نے کہا کہ لڑکے لڑکیوں کو ہر ماہ 2ہزار روپے کی مدد اور کتاب کاپی کے خرچ کے لیے سالانہ 6ہزار روپے کی مدد حکومت کے ذریعہ دی جارہی ہے ۔ کورونا کے دور میں ہم لوگوں نے سب کی مدد کی ۔بہار کے لوگ جو باہر پھنسے ہوئے تھے ان کی مدد کی گئی ۔ حکومت طلبا و طالبات کو جو مدد دے رہی ہے اس میں کوئی کمی نہیں لائیں ۔ انہوں نے کہا کہ سائیکل منصوبہ کی شروعات کی گئی اور اب پڑھنے والی لڑکیوں کی تعداد میں اضافہ ہوا ہے ۔ سائیکل منصوبہ کے سبب پڑھنے والی لڑکیوں کی تعداد بڑھی ہے اور اب میٹرک کے امتحان میں لڑکوں سے تھوڑا زیادہ لڑکیاں شامل ہو رہی ہیں ۔ سول سروس کے امتحان میں بھی اچھی تعداد میں لڑکیاں کامیاب ہو رہی ہیں ۔

وزیر اعلیٰ نے کہا کہ ایگریکلچر روڈ میپ کے سبب ریاست میں چاول ، گیہوں ،مکا اور دودھ کی پیدا وار میں اضافہ ہوا ہے ۔انڈے کی پیداوار تقریبا ڈھائی گنے ہو گئی ہے ۔ گوشت کی پیداواردو گنے سے بھی زیادہ ہو گئی ۔ مچھلی پیداوار کا نشانہ 8لاکھ میٹرک ٹن کا رکھا تھا ،جس میں سے 7لاکھ 61ہزار میٹرک ٹن مچھلی کی پیداوار ہو رہی ہے ۔ بہار میں باہر سے مچھلی نہ کے برا بر آتی ہے ۔ اب مچھلی بہار سے باہر بھی بھیجی جارہی ہے ۔ انہوں نے کہا کہ سبزی کی پیداوار میں بھی اضافہ ہوا ہے ۔ شراب بندی کے سبب سبزی کی زیادہ کھپت ہو رہی ہے اور لوگ اچھا کھانا کھارہے ہیں ۔ خواتین کی ترقی کے لیے کئی کام کیے گئے ہیں۔
وزیر اعلیٰ نے کہا کہ 7عزائم 2کے تحت 8سے 10 پنچایتوں کے لیے ایک ویٹرنر ی اسپتال بنا نے کافیصلہ کیا گیا ہے تاکہ جانوروں کو کسی طرح کا مسئلہ نہ ہو ۔ جانوروں کے لیے طبی سہولیات ، ٹیکا کاری ، مصنوعی حمل ، کیڑے نکالنے ، ڈور اسٹیپ ڈیلیوری وغیرہ کے کام کا انتظام کیا جارہا ہے ۔ ہم لوگوںکا مقصد ہے کہ صحیح معنیٰ میں لوگوں کی صحت بہتر ہو ، سلوک بہتر ہو ، بہار کی ترقی ہو ۔ انہوں نے کہا کہ بہار اینمل سائنس یونیورسٹی کی عمارت بہتر طریقہ سے بنے گی تو جو بھی باہر سے آکر دیکھیں گے وہ اس سے متاثر ہو ں گے ۔ یہاں تعلیم حاصل کر نے والے اچھے طریقہ سے تعلیم حاصل کریں گے ۔ یونیوسٹی کو کسی طرح کی مدد کی ضرورت ہو گی تو مدد کی جائے گی ۔ بہار کا رقبہ کم ہے آبادی زیادہ ہے پھر بھی ترقی کے کئی کام کیے جارہے ہیں ۔ انہوں نے کہا کہ بہار ترقی کر رہا ہے اور آئندہ بھی بڑھتا رہے گا ۔
پروگرام سے قبل بہار اینمیل سائنس یونیورسٹی احاطہ میں عمارت تعمیرات محکمہ کے سیکریٹری مسٹر کمار روی نے وزیر اعلیٰ کو تعمیر کرائی جانے والی عمارت کے ڈمی آرکیٹکٹ کے توسط سے ماسٹر پلان کی جانکاری دی ۔
پروگرام سے قبل وزیر اعلیٰ نے دشرتھ مانجھی انسٹی ٹیوٹ آف لیبرایمپلائمنٹ اسٹڈیز میں دشرتھ مانجھی جی کے مجسمہ پر گلپوشی کر کے خراج عقیدت پیش کیا ۔
پروگرام کی شروعات میں وزیر اعلیٰ کا خیر مقدم مویشی و ماہی وسائل محکمہ کے سیکریٹری مسٹر این سرون کمار نے پودا اور مومینٹو پیش کر کے کیا ۔
پروگرام کے دوران نائب وزیر اعلیٰ و مویشی و ماہی وسائل کے وزیر تارکشور پرساد ،عمارت تعمیرات کے وزیر اشوک چودھری ، ایگریکلچر و مویشی و ماہی وسائل محکمہ کے سیکریٹری مسٹر این سرون کمار ، عمارت تعمیرات محکمہ کے سیکریٹری مسٹر کمار روی ، بہار اینمل سائنس یونیورسٹی کے وائس چانسلر ڈاکٹر رامیشور سنگھ نے خطاب کیا ۔
اس موقع پر ممبر اسمبلی سنجیو چورسیا ، وزیر اعلیٰ کے پرنسپل سیکریٹری مسٹر دیپک کمار ، وزیر اعلیٰ کے او ایس ڈی مسٹر گوپال سنگھ ، مویشی و ماہی وسائل محکمہ کے اسپیشل سیکریٹری کیشویندر کمار ، کمفیڈ کی مینیجنگ ڈائریکٹر مسز شکھا سریواستو ، بہار اینمل سائنس یونیوسٹی کے رجسٹرار کیپٹن بندوپادھیائے سمیت اساتذہ ، اینمل ماہرین ، ویٹرنری ڈاکٹر اور طلبا وطالبات موجودتھے ۔