تمام شعبوں اور سبھوں کی ترقی کے لیے ہم لوگ مسلسل کر رہے ہیں کام : نتیش

پٹنہ: وزیر اعلیٰ نتیش کمار نے آج سمستی بور ضلع کے مورواں بلاک کے اندر بارا میں شمع روشن کر کے بابا کیول دھام سرکاری میلہ 2022 کا افتتاح کیا۔
اس موقع پر منعقد پروگرام کو خطاب کر تے ہوئے وزیر اعلیٰ نے کہا کہ بابا کیول دھام سرکاری میلہ کے اس پروگرام میں آپ تمام لوگوں کا خیر مقدم کر تا ہوں۔ رام نومی کے اس موقع پر آپ سبھوں کو مبارکباداور نیک خواہشات کا اظہار کر تا ہوں۔ بابا کیول دھام سرکاری میلہ کے اس افتتاحی پروگرام میں شامل ہو کر مجھے بہت خوشی ہو رہی ہے۔ پہلی مرتبہ 2010 میں اور دوسری مرتبہ 2016 میں اور تیسری مرتبہ آج یہاں پروگرام میں مجھے شامل ہو نے کا موقع ملا۔ آپ کے درمیان آکر بہت خوشی ہو رہی ہے۔ بابا کیول جی مہاراج کی پیدائش اندربارا گاو ¿ں میں آج ہی کے دن رام نومی کو ہوئی تھی۔ بابا کیول جی مہا راج کے تئیں لوگوں کی بہت عقیدت، اور اعتماد ہے۔ مختلف مقامات سے تمام ذات اور فرقہ کے لوگ یہاں آتے ہیں۔ بابا کیول دھام کا 35فٹ کااونچامجسمہ یہاں بنا ہوا ہے جس کے نزدیک تمام لوگ جاکر پوجا کر تے ہیں۔ ہمیں بھی یہاں آکر پوجا کر نے کا موقع ملا ہے۔ کچھ ہی دوری پر حضرت شیوراجگہ بابا،امرسنگھ کے تپسیاکی جگہ ہے۔ وہاں سے ہو تے ہوئے نومی کے دن لوگ کیول دھام پہنچتے ہیں۔ بابا امر سنگھ جی بابا کیول جی مہاراج کے قریب کے دور میں تھے،بابا کیول مہاراج کے مقام کو نئے سیاحتی مقام کی شکل میں شناخت ملی۔ یہ علاقہ نون ندی کے اثرات سے متاثر ہے۔ اس سے بچاو ¿ کے لیے بائیں اور دائیں پشتہ کی مضبوطی اور بلندی کا کام کا کیا گیا۔ سڑکوں کی اینٹ سولنگ کی گئی۔ اس پر ریاستی حکومت کے ذریعہ 26 کروڑ 71لاکھ روپے خرچ کیے گئے۔ سیلاب سے متاثر 2لاکھ 72ہزار ہیکٹئر علاقہ اور 11لاکھ آبادی کو اس سے محفوظ کیا۔

وزیر اعلیٰ نے کہا کہ سال 2016 میں بابا کیول جی دھام کے نزدیک پٹوری دربامیں نوجوانو ںکے ہنر کے ڈیولپمنٹ کے لیے سات عزائم منصوبہ کے تحت 55کروڑ 42لاکھ روپے کی لاگت سے بابا کیول جی مہاراج کے نام پر بابا کیول مہاراج صنعتی ٹریننگ انسٹی ٹیوٹ کا قیام کیا گیا ہے۔ انہوں نے کہا کہ آج اندر بارا میں یاتریوں کے قیام کی جگہ کا افتتاح کیا گیا ہے۔ اس کے لیے زمین عطیہ دینے والے مسٹر لکشمیشور سہنی، مسٹر شیو چندر سہنی، مسٹر دنیش سہنی اور مسٹر منراج سہنی جی کا بھی شکریہ ادا کر تا ہوں۔ دور دراز سے آنے والے عقیدت مندوں کو اب یہاں رہنے میں سہولت ہو گی۔
وزیراعلی نے کہا کہ اندر بارا سے مریچا چوک کے 13 کیلو میٹر رابط سڑک کو اونچا کر نے کے کام کی منظوری دی گئی ہے۔ جس کی لاگت تقریبا 25کروڑ 16لاکھ روپے ہے۔ اسے اندر بارا سے شیورا پہنچانے میں آسانی ہو گی۔ بابا کیول دھام میں اضافی ہیلتھ سینٹر کا قیام کیا جائے گا۔ تاکہ لوگوں کو علاج کے لیے اور سہولت ہو گی۔
وزیر اعلیٰ نے اعلان کر تے ہوئے کہا کہ بابا امر سنگھ کی تپسیہ کے مقام شیورا میں منعقد ہو نے والے میلے کو سرکاری میلہ کی شکل میں منعقد کیا جائے گا۔ انہوں نے کہا کہ سال 2005 سے ہم لوگو لوگوں کے مفاد میں ترقیات کے لیے مسلسل کام کر رہے ہیں۔ ترقیاتی کام دیکھ کر لوگوں کے دل میں اور بھی نئی ترقی کے کام کی خواہش فطری طور سے ہو تی ہے۔ ان سبہوں کو بھی مکمل کر نے کے لیے ہم لوگ مسلسل کام کررہے ہیں۔ پہلے سڑکوں کی کیا حالت تھی؟ لاءاینڈ آرڈر کی کیا حالت تھی؟ لوگ شام کو گھر سے نکل نہیں پاتے تھے۔ لااینڈ آرڈر کو بہتر کیا گیا۔ اب دیر شب تک بھی لوگ کہیں آجا سکتے ہیں۔ گڑبڑی کر نے والوں پر سخت کارروائی ہو تی ہے۔ سڑک،پل،پلیا کی تعمیر کی گئی۔ پوشاک منصوبہ اور سائیکل منصوبہ چلا یا گیا۔ اس سے لڑکیاں اسکول میں لڑکوں کے برابر ہو گئیں۔ گزشتہ سال تو لڑکوں سے 300 لڑکیاں زیادہ میٹرک کے امتحان میں شامل ہوئی تھیں۔ خواتین استحکام کے لیے کئی کام کیے گیے۔ غریب غربا کی ترقی کے لیے کئی کام کیے گیے۔ پنچایت راج اور میونسپل انتخاب میں خواتین کو 50 فیصد ریزر ویشن دیا گیا۔ ہیلتھ اور تعلیم کے شعبہ میں بھی کئی کام کیے گیے۔ چوَر کی ترقی کے لیے 6 اضلاع میں کام شرو کیا گیا ہے۔ ایک حصہ میں تالاب بنانے اور دوسرے حصہ کو برابر کر کے کھیت کے کام کے لیے استعمال میں لایا جا رہا ہے۔ جس سے کسانوں کو بہت سہولت ہو رہی ہے۔ ہم لوگ تمام شعبوں اور سب کی ترقی کے لیے مسلسل کام کر رہے ہیں۔ مرکز ی حکومت و ریاستی حکومت کا لوگوں کی ترقی کے تئیں معاہدہ ہے۔ ریاست و ملک کو ترقی یافتہ ینانے کے لیے ہم لوگ کام کررہے ہیں۔ کسی کے ساتھ ہم لوگ امتیاز نہیں کر تے ہیں۔ سب کو آگے بڑھانے کے لیے کام کر تے ہیں۔

پروگرام سے قبل وزیر اعلیٰ نے بابا کیول دھام مندر میں بابا کیول جی مہاراج کی پوجا کی اور ریاست کی ترقی کے لیے دعا کی۔
پروگرام سے قبل وزیر اعلیٰ نے یاتری نواس کی نو تعمیر عمارت کے نیم پلیٹ کی نقاب کشائی کر کے افتتاح کیا۔ افتتاح کے بعد وزیر اعلیٰ نے یاتری نواس کی عمارت کا معائنہ بھی کیا اور وہاں کے انتظامات کی جانکاری لی۔
پروگرم کے دوران ڈی ایم یوگندر سنگھ نے وزیر اعلیٰ کا خیر مقدم سبز گلدستہ اور مومینٹو پیش کر کے کیا۔ وہیں بابا کیول دھام پوجا کمیٹی کے ارکان نے پھولوں کا بڑا ہار پہنا کر وزیر اعلیٰ کا خیر مقدم دیا۔
پروگرام کو مرکزی وزیر مملکت برائے داخلہ نتیا نند رائے، نائب وزیر اعلیٰ تارکشور پرساد، تعلیم کے وزیر وجئے کمار چودھری، سابق وزیررام آشرے سہنی، سابق وزیر ویدناتھ سہنی، سابق ممبر اسمبلی ودیا ساگر نشاد، سیاحت محکمہ کے پرنسپل سیکریٹری سنتوش کمار مل نے بھی خطاب کیا۔
اس موقع پر اسمبلی کے ڈپٹی اسپیکر مہشور ہزار ی، ممبر پارلیمنٹ رام ناتھ ٹھاکر، نو منتخب قانون ساز کونسل رکن ترن کمار، سابق ممبر اسمبلی رام چندر نشاد، سابق ممبر اسمبلی رام بالک سنگھ سمیت دیگر عوامی نمائندے موجود تھے۔ ساتھ ہی ڈویزنل کمشنر دربھنگہ مسٹر منیش کمار، ڈی جی پی دربھنگہ رینج للن موہن پرساد، ڈی ایم مسٹر یوگندر سنگھ، ایس پی مسٹر ہردئے کانت سمیت دیگر سینئر افسران و اہم شخصیات موجو د تھیں۔