ہم لوگ بہار کی ترقی کیلئے مسلسل کوشاں ہیں:نتیش

پٹنہ : وزیر اعلیٰ نتیش کمار نے دربھنگہ ضلع کے کوشیشوراستھان پہنچ کر کوشیشور استھان میں پانی جمع ہو نے سے نجات دلانے کے لیے کیے جارہے کام کی جگہ کا معائنہ کیا ۔ساتھ ہی پانی کے نکلنے کے لیے نریلا چور نالہ کی صفائی کے کام کا وزیراعلیٰ نے جائزہ لیا ۔ آبی وسائل محکمہ کے سیکریٹری مسٹر سنجیو ہنس نے کیے جارہے کام کے بارے میںوزیر اعلیٰ کو تفصیلی جانکاری دی ۔
وزیر اعلیٰ نے کوشیشور استھان مشرقی بلاک کے لیے مجوزہ زمین کا معائنہ کیا اور افسران کو تعمیر کا کام جلد مکمل کر نے کی ہدایت دی ۔معائنہ کے بعد وزیر ا علیٰ نے نند کشور ہائی اسکول ،ہرنی پہنچے اور وہاں لگائے گئے مختلف اسٹالوں کا معائنہ کیا ۔ اسٹال کے معائنہ کے بعد’ وزیر اعلیٰ جن سنواد پروگرام میں شامل ہوئے ۔
پروگرام کے دوران وزیر اعلیٰ کا خیر مقدم پودا ، مومینٹو ،شال ، پینٹنگ پیش کر کے کیا گیا ۔ وزیر اعلیٰ نے لوگوں کے درمیان جاکر ان کا خیر مقدم قبول کیا ۔جن سنواد پروگرام میں مسٹر مدھوکانت ساہ ، مسٹر منی کانت جھا ، شوبھم کمار جھا ، مسٹر وجئے کمار یادو ، مسٹر سنجے کمار جھا ،مسز ببیتا دیوی ، مسز کاجل کماری ، مسٹر راما نند شرما ، مسٹر دلپ کمار ائے ، مسٹر رنکو کمار یادو ، مسٹر سنتوش چوپال ، مسٹرمنٹو کمار ، مسٹر اشونی کمار اور ودیارتھی کمار سمیت دیگر لوگوں نے وزیر اعلیٰ سے بات کر کے وزیراعلیٰ کو اس علاقہ میں کیے گئے ک کام کے لیے شکریہ ادا کیا اور علاقہ کے کچھ مسائل سے بھی انہیں روشناش کرایا ۔وزیر اعلیٰ نے اس دوران ریموٹ کے ذریعہ کئی منصوبوں کے کاموں کی شروعات کی ۔
پرو گرام کو خطاب کر تے ہوئے وزیر اعلیٰ نے کہا کہ آپ تمام لوگوں کی موجودگی کے لیے آپ کا استقبال کر تا ہوں اور آپ تمام لوگوں کا شکریہ ادا کر تا ہوں ۔ آپ لوگوں نے مسٹر امن بھوشن ہزاری جی کو اسمبلی کے ضمنی انتخاب میں کامیاب بنا یا ہے اس کے لیے تما م لوگوں کا شکریہ ادا کر تا ہوں ۔ ان کے والد مسٹر ششی بھوشن ہزاری جی جو تین بار ممبر اسمبلی تھے ، ان کی اچانک موت ہو گئی ۔ایک ماہ کے بعد ہی امن جی کی والدہ کی بھی موت ہو گئی ۔ ہم لوگوں نے این ڈی اے کی میٹنگ میں فیصلہ کیا تھا کہ کو شیشور استھان سے مسٹر امن بھوشن ہزاری جی کو ہی امید وار بنائیں اور ہم لوگوں نے انہیں امید وار بنا یا ۔ یہاں کے لوگوں نے انہیں منتخب کیا ۔ انتخاب کی تشہیر میں ہم دو مقامات پر آئے تھے اور اس وقت کہا تھا کہ آپ کے درمیان آئیں گے اور آپ کے مسائل کے بارے میں بات کریں گے ۔ پنچایت انتخاب مکمل ہو نے کے بعد آپ کے درمیا ن آج آپ کے مسائل کے حل کے لیے یہاں آئے ہیں اور آپ کی باتوں کو غور سے سنا ہے ۔

وزیر اعلیٰ نے کہا کہ جب سے ہمیںکام کر نے کا موقع ملا ہے ہم لوگ بہا ر کی ترقی کے لیے مسلسل کام کر رہے ہیں ۔ بہار کے 28 اضلاع بارش اور سیلاب سے زیادہ متاثر رہتے ہیں ۔ ہم لوگوں نے آفات مینجمٹ کے لیے بہتر طریقہ سے کام شروع کیا اور اب آفات کے دوران لوگوں کو فوری راحت مہیا کرائی جاتی ہے ۔ ہمارا شروع سے ماننا ہے کہ ریاست کے خزانہ پر پہلا حق آفات متاثرین کا ہے ۔ ہم سال 2007 میں آئے سیلاب اور سال 2008 کوسی سانحہ میں لوگوں کے راحت کے لیے ہر طرح کام کیے گئے ۔ دربھنگہ بھی سیلاب متاثر علاقہ ہے اس میں کوشیشور استھان خاص طور سے متاثر ہے ۔ یہاں پانی کی نکاسی کے سلسلہ میں بھی منصوبہ بند طریقہ سے کام شروع کیا گیا ہے ۔ افسران نے بتا یاہے کہ آئندہ سال سیلاب آنے سے پہلے کام کو مکمل کیا جائے گا ۔ آج چار منصوبوں کا کام بھی شروع کیا گیا ہے ، جس میں روسڑا ،مبی ڈھالا ، سرہدھیا ، منگل گڑھ ،کالے ،راجگھاٹ ، شکتی گھاٹ روڈ کے (کل لمبائی 8.40کیلو میٹر)تو سیع اور مضبوطی کے کام کی شروعات ، پپرا گھاٹ روڈ کے 0کیلو میٹر سے 3.95کیلو میٹر میں توسیع اور مضبوطی کے کام کی شروعات ،کوشیشو ر استھان بلاک کے متعدد چوروں میں نصب 8عدد بحالی ، صاف صفائی کے کام کی شروعات اور باگمتی سیلاب مینجمنٹ منصوبہ فیز 3(کے تحت)سرنیہ ،پھوہیہ پشتہ کے 70.42سے 74.42 کیلو میٹر تک نئے پشتہ کی تعمیر اور 70.793کیلو میٹر تک اینٹی فلڈ سولوئیس کی تعمیر کے کام کی شروعات کی گئی ۔
وزیر اعلیٰ نے کہا کہ دربھنگہ میں ایمس کی تعمیر کا کام کرایا جا رہا ہے ۔سال 2015 میں بہار میں دوسرے ایمس کی تعمیر کی بات ہوئی تو دربھنگہ میں میں ایمس کی تعمیر کا تصور میرے ذہن میں تھا۔ ہم نے شروع سے ہی کہا ہے کہ دربھنگہ میں دوسرا ایمس بنے گا ۔ دربھنگہ میں ایمس کی تعمیر کے لیے زمین مہیا کرادی گئی ہے۔ دربھنگہ کی زمین اپج والی ہے ، زیادہ پانی جمع ہونے کی وجہ سے لوگ کھیتی نہیں کر پاتے ہیں ۔پانی نکاسی کا انتظام ہو جائے گا تو یہاں لوگ کھیتی کریں گے تو لوگوں کی آمدنی میں اضافہ ہو گا ۔ دربھنگہ میڈیکل کالج کی بھی ہم لو گ تو سیع کررہے ہیں ۔ کوشیشور استھان میں کئی طرح کے ترقیاتی کام کیے جارہے ہیں ۔ جو بنیادی مسائل بتائے گئے ہیں اس کا بھی حل ہم لوگ کر نے میں لگے ہیں ۔ بائی پاس کی تعمیر ، تھانے کی تعمیر ، بلاک و سرکل دفتر کی عمارت کی تعمیر وغیرہ کے کام کیے جارہے ہیں ۔ سیلاب کے دوران خاص طور پر اس علاقہ میں پانی کے جماﺅ کی صورتحال کو بہتر کر نا ہے تاکہ سڑکیں بھی بہتر رہیں ۔

وزیر اعلیٰ نے کہا کہ تعلیم کے شعبہ میں ترقی کے لیے بھی کئی کام کیے جارہے ہیں ۔ سات عزائم 1 کے تحت برول میں آئی ٹی آئی عمارت کی تعمیراور اے این ایم کے اسکول اور ہاسٹل کی تعمیر کرائی گئی ۔ سات عزائم 2 کے تحت ہر کھیت تک پانی پہنچانے کے لیے کام کیے جارہے ہیں ۔انہوں نے کہا کہ خواتین کے استحکام کے لیے بہت کام کیے جارہے ہیں ۔ لڑکیوں کے لیے پوشاک منصوبہ ، سائیکل منصوبہ چلایا گیا اور اب میٹرک میں پڑھنے والے لڑکے لڑکیوںکی تعداد برابر ہو گئی ہے ۔ ہم لوگ چاہتے ہیں کہ تمام لڑکیاں تعلیم حاصل کریں ۔ جب ہم لوگ حکومت میں آئے تھے ریاست میں زچگی کی شرح 4.3تھی ، جو اب کم ہو کر 3ہو گئی ہے ۔ ہم لوگ چاہتے ہیں کہ یہ زچگی کی شرح کم ہو کر 2ہو جائے۔ لڑکیوں کے تعلیم یافتہ ہو نے سے زچگی کی شرح میں اور کمی آئے گی ۔ ریاست کی آبادی زیادہ ہے اور رقبہ کم ہے ۔ ہم چاہتے ہیں کہ تمام لڑکے لڑکیوں کو پڑھانے کا انتظام کیا جائے ۔ الگ الگ لڑکے اور لڑکیوںکی تعلیم کا کوئی انتظام نہیں ہے ۔ بلکہ سب ایک ساتھ پڑھیں گے ۔ انہوں نے کہا کہ جیویکا گروپ کی تشکیل سے خواتین کی ترقی ہوئی ہے اور ان کی خوداعتمادی میں اضافہ ہوا ہے ۔ اب 1کروڑ 26 لاکھ خواتین جیویکا گروپ سے منسلک ہو گئی ہیں ۔ بہار میں خواتین بہت سرگرم ہیں ۔ بہار میں جو ترقی ہو رہی ہے ، اس میں خواتین کی فعالیت کا بڑا حصہ ہے ۔
ہم لوگوں نے سماج کے ہر طبقہ کی ترقی کے لیے کام کیا ہے ۔ خواتین کے ساتھ ساتھ ایس سی ، ایس ٹی ، اقلیت ، انتہائی پسماندہ تمام طبقوں کی ترقی کے لیے کام کیے گئے ہیں ۔ خواتین کی مانگ پرشراب بندی نافذ کی گئی ہے ۔ ہم جلد ہی شراب بندی کے حق میں بیداری مہم کے لیے نکلیں گے ۔ شراب کے استعمال سے کئی طرح کے نقصانات ہو تے ہیں ۔ ڈبلیو ایچ او کی آئی رپورٹ کے مطابق 20 سے 39 سال کے لوگوں کی جو موت ہوتی ہے اس میں 13.5فیصد موت شراب استعمال کے سبب ہو تی ہے ۔ دنیا میں جتنی موت ہو تی ہے اس کا 5.3فیصد موت شراب پینے سے ہوتی ہے ۔ شراب پینے کے سبب کئی اور امراض ہو تے ہیں ۔ وزیر اعلیٰ نے کہا کہ مسٹر امن بھوشن ہزاری ،جو نئے ممبر اسمبلی بنے ہیں و ہ آپ لوگوں کے درمیان رہ کر آپ کے مسائل کو جانیں گے اور خدمت کریں گے ۔ہم لوگ بھی آپ کے مسائل کے حل کے لیے مسلسل کام کر تے رہیں گے ۔
پرو گرام کو تعلیم کے وزیر وجئے کمار چودھری ، آبی وسائل کے وزیر سنجے کمار جھا ، اسمبلی کے ڈپٹی اسپیکر مہیشور ہزار ی ، ممبر اسمبلی امن بھوشن ہزاری ، ممبر اسمبلی مسز سنورنا سنگھ ، ممبر اسمبلی اجئے چودھری نے خطاب کیا ۔
اس موقع پر سابق ممبر اسمبلی فراز احمد ، سابق ممبر قانون ساز کونسل دلپ چودھری سمیت دیگر عوامی نمائندے ، تعلیم و سڑک تعمیرات محکمہ کے ایڈیشنل چیف سیکریٹری مسٹر پرتئے امرت ، جنرل ایڈمنسٹریشن محکمہ کے پرنسپل سیکریٹری مسٹر چنچل کمار ، چھوٹی آبی وسائل محکمہ کے پرنسپل سیکریٹری مسٹر روی منو بھائی پرمار ، دیہی ترقیات محکمہ کے پرنسپل سیکریٹری مسٹر سنجیو ہنس ، رورل ورک محکمہ کے سیکریٹری مسٹر پنکج کمار پال ، وزیراعلیٰ کے او ایس ڈی مسٹر گوپال سنگھ ، دربھنگہ کے ڈی ایم مسٹر تیاگ راجن ایس ایم ، ایس ایس پیٍ مسٹر بابو رام سمیت دیگر اہم شخصیات موجودتھیں ۔