کوہلی اور بورڈ آمنے سامنے

جوہانسبرگ: ویراٹ کوہلی کی کپتانی اور ٹیم میں ان کا برقرار رہنا جنوبی افریقہ کے ٹیسٹ دورے میں ان کی کامیابی پر منحصر ہوگا۔ جنوبی افریقہ کے دورے پر روانہ ہونے سے قبل ممبئی میں پریس کانفرنس میں وراٹ نے بی سی سی آئی کے خلاف جو بیان دیا وہ یقیناً ان کے لئے پریشانی کا سبب بن سکتا ہے۔
ایک کپتان کے طور پر، ویراٹ اپنے فیصلوں کے بارے میں کبھی بھی دوہرا ذہن نہیں رکھتے۔ قیادت کا سب سے مشکل کام ہوتا ہے ،دوسروں کے لیے فیصلے کرنا اور پھر ان فیصلوں کا بوجھ ساتھ لے کر چلنا ۔ کپتان کے طور پر اپنے پہلے ٹیسٹ میچ میں وراٹ نے روی چندرن اشون کی جگہ کرن شرما کو ٹیم میں شامل کیا۔حریف ٹیم کے تجربہ کار آف اسپنر نے اس میچ میں 12 وکٹیں حاصل کیں اور اپنی ٹیم کو فتح سے ہمکنار کیا۔ دوسری طرف، لیگ اسپنر کرن کو دوبارہ کبھی ہندوستان کے لیے کھیلنے کا موقع نہیں ملا۔یہ ایک ایسا فیصلہ ہے جو کسی بھی کپتان کو زندگی بھر کے لیے پریشان کر سکتا ہے، ڈرا سکتا ہے اور مستقبل میں مشکل فیصلوں کو روک سکتا ہے۔ "اگر میں اپنے لیڈنگ اسپنر کو کھیلتا تو کیا چوتھی اننگز میں ہدف چھوٹا ہوتا؟ کیا اس نوجوان لیگ اسپنر کا کیریئر مختلف ہوتا اگر میں اسے پوری طرح تیار ہونے پر ہی میدان پر اتارتا ؟ ‘‘ ایسے سوالات آپ کو پریشان کر سکتے ہیں۔
ویرات باقی سب سے تھوڑا مختلف ہیں۔ اگر وہ جانتے ہیں کہ ان کا فیصلہ ٹیم کے مفاد میں کیا گیا ہے تو پھر وہ اس پر سوال نہیں اٹھاتے۔ ان کے مطابق ہچکچاہٹ آپ سے میدان میں غلطیاں کروا دیتی ہیں۔ جب ان سے پوچھا گیا کہ کیا ان کی ‘بیسٹ الیون’ کھلانے پر میچ کا نتیجہ کچھ اور ہوتا ، تب انہیں بہت غصہ آتا ہے۔ان کے مطابق اس کا مطلب یہ ہے کہ انہوں نے جان بوجھ کر اپنی بہترین ٹیم کو میدان میں نہیں اتارا۔
اپنے پورے کیرئیر میں وراٹ نے کچھ ایسے قدم اٹھائیں ہیں جو باہر بیٹھے لوگوں کو خطرناک لگ سکتے ہیں۔ ایک وقت پر انہوں نے ٹیم کے ہیڈکوچ اور لیجنڈری لیگ اسپنر انیل کمبلے کے ساتھ کام کرنے سے انکار کر دیا تھا۔ وہ بھی اس وقت جب عوام کی ہمدردیاں اور پرانے کھلاڑیوں کی حمایت کمبلے کے ساتھ تھی۔
اس دوران وراٹ اکیلے ہی سب سے ٹکر اگئے تھے۔ سوربھ گانگولی اور وی وی ایس لکشمن کرکٹ ایڈوائزری کمیٹی میں ان کے اس فیصلے کے خلاف تھے۔ انہیں بتایا گیا کہ کمبلے کے ساتھ وہ ظہیر خان اور وریندر سہواگ کے ساتھ بھی کام کرنے سے انکار کر رہے تھے، جنہیں سپورٹ اسٹاف کے طور پر منتخب کیا گیا تھا۔ یہ انگاروں پر چلنے کے مترادف تھا اور اگر اس کے بعد وہ نتیجہ نہیں دیتے تو یہ ان کے لیے خودکشی کے مترادف تھا۔
اگر ویراٹ کو کمبلے کا وہ پورا واقعہ یاد ہے تو وہ جان لیں گے کہ بورڈ نے وہی کام کیا جس سے وہ آج ناراض ہیں: آدھی سچائی، افواہیں اور ان کی شبیہ کو خراب کرنے کی کوشش۔ تاہم اس دوران نہ تو

انہوں نے کمبلے کے خلاف کبھی کوئی غلط بات کہی اور نہ ہی کمبلے نے ان کے خلاف کوئی بات کہی۔

2018-19 میں، جب ہندوستان کی ٹیم نے چار تیز گیند بازوں کو شامل کیا جو بیٹنگ نہیں کر سکتے تھے اور پرتھ میں میچ ہار گئے، تو ان سے میچ کے بعد پوچھا گیا کہ کیا یہ فیصلہ انجری کی وجہ سے کیا گیا ہے۔ وراٹ نے واضح طور پر کہا کہ یہ فیصلہ ٹیم کے مفاد میں کیا گیا ہے۔ لیکن سابق کھلاڑی پھر بھی اس بات کی تنقید کر رہے تھے۔ پھر ایک ہفتے کے بعد روی شاستری نے سامنے آکر بتایا کہ جڈیجہ پوری طرح سے فٹ نہیں ہیں۔
ویرات خود ایک بلے باز ہونے کے باوجود میچ جیتنے کے لیے بلے بازی کے لئے مشکل کھڑی کرنے سے نہیں ہچکچاتے۔ وہ صرف پانچ بلے بازوں کے ساتھ جانے والے پہلے کپتان نہیں ہیں لیکن انہوں نے مستقل مزاجی کے ساتھ ایسا کیا ہے۔ خراب فارم سے لڑنے کے باوجود، وہ پہلے دن سے اسپن کرنے والی پچ مانگنے سے بھی نہیں ہچکچاتے۔
یہ سابق کپتانوں کو کم کرنے کے لیے نہیں ہے۔ انہیں اکثر وہ آزادی اور حمایت نہیں ملی جو انتظامیہ نے کوہلی کو دی تھی۔ مثال کے طور پر، مہندر سنگھ دھونی کو گھر پر کبھی بھی اپنی پسند کی پچ نہیں مل سکی، ساتھ ہی ان کی ٹیم میں ہمیشہ سینئر کھلاڑی ہوتے تھے، جنہیں سنبھالنا بذات خود ایک مشکل کام تھا۔ ایک اور مثال نئے کوچ راہل ڈراوڑ کی ہے جنہوں نے سازشوں کی وجہ سے کپتانی چھوڑ دی۔ وراٹ کو اس سب سے نہیں گزرنا پڑا۔
وراٹ نے ایک فارمیٹ سے استعفیٰ دیا، بورڈ نے اسے تسلیم کرلیا۔ پھر بورڈ کو محسوس ہوا کہ دونوں محدود اوورز کی ٹیموں کا ایک ہی کپتان ہونا چاہیے، تو انہوں نے وراٹ کو ہٹا دیا۔ وراٹ نے پھر کہا کہ ’ ٹھیک ہے‘۔ لیکن وراٹ نے ورلڈ کپ سے قبل اپنے حیران کن اعلان کے ساتھ گوگلی پھینکی تھی جس کے بعد بورڈ نے انہیں جلد بازی میں ریلیز کرنے کا فیصلہ کیا۔ انہوں نے ہمت کرکے انہیں ون ڈے کی کپتانی سے ہٹا دیا اور کہا کہ وہ اب ٹیم کو 2023 ورلڈ کپ کے لیے تیار کرنا چاہتے ہیں۔
بورڈ نے اب آگے بڑھ کر انہیں برطرف کر دیا، جو کہ بالکل درست کال تھی کیونکہ وراٹ نے خود اس سمت میں پہلا قدم اٹھایا تھا۔ لیکن جس انداز میں یہ قدم اٹھایا گیا وہ افسوس ناک تھا۔
وراٹ کے ساتھ بات چیت ٹھیک تھی۔ سلیکشن میٹنگ سے 90 منٹ قبل انہیں بتایا گیا کہ یہ سہولت عام طور پر ہندوستان میں کپتانوں کے لیے دستیاب نہیں ہے۔ لیکن اس دوران عوام میں جو پیغام گیا وہ بہت غلط تھا۔
گانگولی نے میٹنگ کی غیر رسمی تفصیلات کا انکشاف کیا، جہاں وراٹ نے انہیں مطلع کیا تھا کہ وہ ٹی ٹوئنٹی کپتان کے عہدے سے دستبردار ہو رہے ہیں۔ اس سے کوئی فرق نہیں پڑتا کہ یہ سچ تھا، جھوٹ یا آدھا سچ، لیکن وراٹ نے ایک بار پھر پرسکون اور سوچ سمجھ کر بورڈ کو یہ تسلیم کرنے کے لئے چھوڑ دیا کہ ان کا صدر جھوٹ بول رہا ہے یا پھر کپتان جھوٹ بول رہا ہے۔
اپنے کیرئیر کے آخری دنوں میں شاید ہی کوئی کھلاڑی بورڈ سے مقابلہ کرنا چاہتا ہو۔ بورڈ اس کا عادی نہیں ہے اور وہ بہت سکون سے بدلہ لیتا ہے۔ وراٹ ایک ایسی دنیا میں چل رہے ہیں جس کے وہ عادی نہیں ہیں۔ ان کے پاس رن کی کمی ہے، فارم بھی پہلی جیسی نہیں رہی ہے اور آسٹریلیا میں جیت کے بعد سے ہندوستانی کرکٹ نے زیادہ اچھا مظاہرہ نہیں کیا۔ ایسی صورتحال میں بورڈ کو چیلنج کرنا انہیں پریشانی میں ڈال سکتا ہے۔