اقلیتوں کی فلاح کے لیے خصوصی کوششیں کی جارہی ہیں:نتیش

وزیر اعلی نے گورنمنٹ انجینئرنگ کالج سمستی پورکا افتتاح کیا
پٹنہ:وزیر اعلیٰ نتیش کمار نے سمستی پور ضلع کے سرائے رنجن بلاک کے رام نگر نرگھوگھی میں نو تعمیر گورنمنٹ انجینئرنگ کالج کا افتتاح نیم پلیٹ کی نقاب کشائی کرکے اور فیتہ کاٹ کر کیا۔ سرائے رنجن واقع سمستی پور گورنمنٹ انجینئرنگ کالج کے افتتاح کے بعد وزیراعلیٰ نے گورنمنٹ انجینئرنگ کالج کی عمارت کا معائنہ کیا اور وہاں کی تعلیمی سہولیات اور انتظامات کے بارے میں معلوم کیا۔
اس موقع پر منعقدہ پروگرام سے خطاب کرتے ہوئے وزیر اعلیٰ نے کہا کہ میں آپ سب کا دل کی گہرائیوں سے خیرمقدم کرتا ہوں۔ مجھے خوشی ہے کہ آج مجھے انجینئرنگ کالج کے افتتاح میں شرکت کا موقع ملا ہے۔ سال 2015 میں سات عزائم منصوبہ میں ہم نے فیصلہ کیا تھا کہ ہر ضلع میں انجینئرنگ کالج قائم کیے جائیں گے۔ سمستی پور میں اسی جگہ پر انجینئرنگ کالج کے ساتھ ساتھ میڈیکل کالج کے لیے جگہ دستیاب کرائی گئی ہے۔ نو تعمیر شدہ انجینئرنگ کالج کا آج افتتاح کیا جا رہا ہے۔ میڈیکل کالج اور اسپتال کی تعمیر کا کام بھی تیز رفتاری سے جاری ہے۔ اس کی تعمیر کا کام جلد مکمل کر لیا جائے گا۔ اس نوتعمیر شدہ انجینئرنگ کالج میں ہر قسم کی سہولیات فراہم کی گئی ہیں تاکہ طلباء کو پڑھائی میں کسی قسم کی تکلیف کا سامنا نہ کرنا پڑے۔ جن طلبا کا داخلہ ہوا تھا وہ مظفر پور میں پڑھ رہے تھے۔ اب وہ یہاں آکر پڑھائی شروع کریں گے۔
وزیر اعلیٰ نے کہا کہ ہم بہار کالج آف انجینئرنگ کے بھی طالب علم رہے ہیں، اس لیے طلبہ کے مسائل کو مدنظر رکھتے ہوئے ہر طرح کی سہولیات فراہم کرنے کی کوشش کرتے ہیں۔ بہار کالج آف انجینئرنگ ملک کے قدیم ترین کالجوں میں سے ایک تھا۔ یہ ملک کے چار پانچ اہم انجینئرنگ کالجوں میں سے ایک رہا ہے۔ قابل احترام اٹل جی کی حکومت میں، جب ہم مرکز میں وزیر تھے، ہم نے بہار کالج آف انجینئرنگ کو این آئی ٹی کا درجہ دیا۔ انہوں نے کہا کہ ہر ضلع میں انجینئرنگ کالج قائم ہو چکے ہیں اور کئی جگہ میڈیکل کالج بھی بنائے گئے ہیں۔ ہم لوگوں نے سوچا ہے کہ اب ہر ضلع میں میڈیکل کالج اور ہسپتال بنائیں گے تاکہ لوگوں کو علاج میں زیادہ سے زیادہ سہولتیں مل سکیں۔ بھوجپور بکسر اور کٹیہار میں میڈیکل کالج کا کام چل رہا ہے۔ تمام اضلاع میں پولی ٹیکنیک انسٹی ٹیوٹ قائم کیے گئے ہیں۔ پولی ٹیکنیک انسٹی ٹیوٹ میں طلبہ کے لیے پڑھائی کی سہولیات کے ساتھ ساتھ ہاسٹل کا بھی انتظام کیا گیا ہے۔

وزیر اعلیٰ نے کہا کہ 13 اکتوبر 2022 کو ہوئی کابینہ کی میٹنگ میں سمستی پور ضلع کے کلیان پور اور اجیار پور میں ڈاکٹر بھیم راو ¿ امبیڈکر ریسیڈنشیل ہائی اسکول قائم کرنے کا فیصلہ کیا گیا ہے۔ ہم لوگوں نے میڈیکل کالجوں اور انجینئرنگ کالجوں کے لیے الگ الگ یونیورسٹیاں بھی بنائی ہیں۔ تمام میڈیکل کالجز اورانجینئرنگ کالجوں میں لڑکیوں کے لیے ایک تہائی نشستیں مختص کی گئی ہیں۔ ہم لڑکیوں اور خواتین کی بہتری کے لیے مسلسل کام کر رہے ہیں۔ ہم نے جیویکا گروپ بنا کر خواتین کی بہتری کے لیے بھی بہت کام کیا ہے۔ پنچایتی راج اداروں اور بلدیاتی انتخابات میں خواتین کو 50 فیصد ریزرویشن دیا گیا۔ سال 2007-08 میں لڑکیوں کے لیے سائیکل اور ڈریس اسکیم شروع کی گئی جس کی وجہ سے لڑکیوں کی بڑی تعداد اسکول جانے لگی اور اب میٹرک کے امتحان میں لڑکوں اور لڑکیوں کی تعداد تقریباً برابر ہو گئی ہے۔ لڑکی پڑھے گی توسماج مزید ترقی کرے گا۔
وزیر اعلیٰ نے کہا کہ ایک سروے میں یہ بات سامنے آئی ہے کہ اگر شوہر اور بیوی میں بیوی میٹرک پاس ہے تو ملک میں زچگی کی شرح 2 تھی اور بہار کی بھی زچگی کی شرح 2۔ اگر شوہر اور بیوی میں بیوی انٹر پاس ہے تو ملک کی زچگی کی شرح 1.7 تھی اور بہار کی زچگی کی شرح 1.6 تھی۔ لڑکیاں تعلیم حاصل کریں گی توزچگی کی شرح کم ہو جائے گی۔ ہم نے ہر پنچایت میں 10+2 کی تعلیم شروع کی۔ ریاست کی زچگی کی شرح پہلے 4.3 تھی جو اب گھٹ کر 2.9 ہوگئی ہے۔ کچھ عرصے میں شرح پیدائش 2 تک آ جائے گی۔ لڑکیاں صحیح طریقے سے تعلیم حاصل کریں گی تو سماج بدل جائے گا۔
وزیر اعلیٰ نے کہا کہ ہم تمام طبقات کی بہتری کے لیے مسلسل کام کر رہے ہیں۔ اقلیتی طبقہ کی بہتری کے لیے خصوصی کوششیں کی جارہی ہیں۔ ہم لوگ درج فہرست ذات، درج فہرست قبائل، پسماندہ، انتہائی پسماندہ طبقات اور اقلیتوں کے ساتھ ساتھ سماج کے تمام طبقات کے لیے کام کرتے ہیں۔ ہم لوگ سماج میں محبت اور بھائی چارے کو بڑھانے کے لیے مسلسل کام کر رہے ہیں۔ پہلے ہم بی جے پی کے ساتھ تھے لیکن اب ہم ان سے الگ ہو گئے ہیں۔ قابل احترام اٹل بہاری واجپائی جی، ایل کے اڈوانی جی اور مرلی منوہر جوشی بی جے پی کے بانی اور سرکردہ رہنما رہے ہیں، جن کے ساتھ ہم نے مرکزی حکومت میں بھی کام کیا۔ 1998 میں اٹل جی نے ہمیں اپنی حکومت میں وزیر بنایا۔ ہم نے تین محکموں کی ذمہ داریاں نبھائی ہیں۔ اس وقت بہتر طریقے سے کام ہوتا تھا۔ وہ مجھے بہت پیار دیتے تھے۔ اب لوگ کسی کی نہیں سنتے۔ ہم سب سوشلسٹ اب ایک ساتھ آگئے ہیں۔ ہم لوگ مل کر بہار کے ساتھ ملک کی ترقی کریں گے۔

وزیراعلیٰ نے کہا کہ یہاں آنے والی سڑک کو چوڑا کیا جائے گا تاکہ لوگوں کو آمد و رفت میں سہولت ہو۔ ہم عوام کی خدمت کرتے ہیں۔ اپنے لیے کچھ نہیں سوچتے ہیں۔آپ نے موقع دیا ہے تو آپ کی خدمت کرنا ہمارا مذہب ہے۔ مجھے سمستی پور سے خاص لگاو ¿ ہے،ہم گزشتہ مرتبہ سیلاب میں کتنی بار آئے۔ ہمیں جننائک آنجہانی کرپوری ٹھاکر جی سے خاص لگاو ¿ رہا ہے۔
انجینئرنگ کالج میں اساتذہ اور اہلکاروں کی ضرورت کے سلسلے میں وزیر اعلیٰ نے افسران کو ہدایت دی کہ اساتذہ اور اہلکاروں کی تعداد کو پورا کیا جائے تاکہ طلباءکو پڑھائی میں کسی قسم کی دشواری کا سامنا نہ کرنا پڑے۔ انجینئرنگ کالج کی نو تعمیر شدہ عمارت کی دیکھ بھال اور صفائی کا خاص خیال رکھیں۔ انہوں نے کہا کہ بہار اور ملک کس طرح ترقی کس طرح ہو ہم لوگ رات دن اس بارے میں سوچتے ہیں اور اس پر کام کررہے ہیں۔
وزیر اعلیٰ کا استقبال سکریٹری عمارت تعمیرات محکمہ مسٹر کمار روی نے سبز پودا اور سمستی پور کے ڈی ایم مسٹر یوگیندر سنگھ نے مومینٹو پیش کر کے کیا۔ اس پروگرام کووزیر خزانہ اور پارلیمانی امور کے وزیر وجے کمار چودھری، محصولات اور زمینی اصلاحات کے وزیر آلوک کمار مہتا، بہاراسمبلی کے ڈپٹی اسپیکر مہیشور ہزاری، عمارت کی تعمیرات کے وزیر اشوک چودھری، سائنس اور ٹیکنالوجی کے وزیر سمیت کمار سنگھ، رکن پارلیمنٹ رام ناتھ ٹھاکر، سکریٹری سائنس اور ٹیکنالوجی لوکیش کمار سنگھ اور سکریٹری محکمہ تعمیرات، شری کمار روی نے بھی خطاب کیا۔
اس موقع پر سمستی پور ضلع کے انچارج و دیہی ترقیات کے وزیر شرون کمار، رکن اسمبلی اشوک کمار منا، رکن اسمبلی اختر الاسلام شاہین، رکن اسمبلی مسٹر رنوجے ساہو، رکن اسمبلی وریندر کمار، رکن قانون ساز کونسل مسٹر ترون چودھری اور دیگر عوامی نمائندے، محکمہ صحت کے نمائندے۔ ایڈیشنل چیف سکریٹری مسٹر پرتیے امرت، وزیراعلی کے پرنسپل سکریٹری ڈاکٹر ایس سدھارتھ، دربھنگہ ڈویڑن کے کمشنر مسٹر منیش کمار، دربھنگہ ریجن کے انسپکٹر جنرل پولیس مسٹر للن موہن پرساد، سمستی پورکے ڈی ایم مسٹر یوگیندر سنگھ، سمستی پور کے ایس پی مسٹر ہردئے کانت سنگھ اور دیگر اعلیٰ افسران، اساتذہ، طلبائ اور معززین موجود تھے۔
پروگرام کے بعد، وزیر اعلیٰ نے سمستی پور ضلع کے سرائیرنجن بلاک میں رام نگر نرگوگھی میں زیر تعمیر شری رام جانکی میڈیکل کالج اور اسپتال کا معائنہ کیا۔ معائنہ کے دوران محکمہ صحت کے ایڈیشنل چیف سکریٹری مسٹر پرتیے امرت نے تعمیراتی کاموں کے بارے میں تفصیلی جانکاری دی۔ معائنہ کے دوران وزیر اعلیٰ نے افسران کو ہدایت دی کہ وہ اس میڈیکل کالج و اسپتال کے تعمیراتی کام کو جلد مکمل کریں۔ اس کی بیرونی چہار دیواری کو اونچی کریں اور چہار دیواری کے اطراف میں شجرکاری کریں۔