پٹنہ یونیورسٹی کو سینٹرل یونیورسیٹی کا درجہ ملے : نتیش

پٹنہ: گورنر رمسٹرراجندر وشوناتھ آرلیکر اور وزیر اعلیٰ مسٹر نتیش کمار نے آج پٹنہ یونیورسٹی میں یوم اساتذہ کے موقع پر منعقدہ پروگرام کا شمع روشن کرکے افتتاح کیا۔ اس موقع پر گورنر اور وزیر اعلیٰ نے سابق صدرجمہوریہ ڈاکٹر سرو پلی رادھا کرشنن کی تصویر پر گلپوشی کر انہیں خراج عقیدت پیش کیا۔ گورنر اور وزیر اعلیٰ نے تختی کی نقاب کشائی کر کے نئے بنائے گئے ‘وہیلر سینیٹ ہال ‘کا افتتاح بھی کیا۔ یوم اساتذہ کے موقع پر منعقد اس پروگرام میں گورنر اور وزیر اعلیٰ نے 35 سبکدوش اساتذہ اور 21 اس وقت کام کر رہے اساتذہ اور ملازمین کو شال اور مومینٹو دے کر اعزاز سے نوازا۔ گورنر اور وزیر اعلیٰ نے پٹنہ یونیورسٹی کے وہیلر سینیٹ ہال میں منعقد پروگرام سے خطاب کیا۔
اس موقع پر منعقدہ پروگرام سے خطاب کرتے ہوئے وزیر اعلیٰ نے کہا کہ یوم اساتذہ کے موقع پر میں آپ سب کو اس پروگرام میں خوش آمدید کہتا ہوں۔ میں عظیم فلسفی، ماہر تعلیم اور ہندوستان کے سابق صدرجمہوریہ ڈاکٹر سرو پلی رادھا کرشنن کو خراج عقیدت پیش کرتا ہوں۔ یوم اساتذہ ہر سال 5 ستمبر کو منایا جاتا ہے۔ اس موقع پر میں تمام اساتذہ اور تعلیمی کارکنوں کو مبارکباد پیش کرتا ہوں۔ جس وقت ملک میں سات یونیورسٹیاں تھیں، اس وقت پٹنہ یونیورسٹی ان میں سے ایک تھی۔ یہ ملک کی ساتویں یونیورسٹی تھی جو 1917 میں قائم ہوئی اور اب اس کی عمر 106 سال ہو چکی ہے۔ پٹنہ یونیورسٹی کا تعلیم اور تحقیق میں بے مثال تعاون ہے۔ ہم ہمیشہ اس کی ترقی کے منتظر رہتے ہیں۔ ہم یہاں 1966 میں پڑھنے آئے تھے، اس کے بعد ہم نے بہار کالج آف انجینئرنگ سے انجینئرنگ کی تعلیم حاصل کی، اسی لیے مجھے پٹنہ یونیورسٹی سے زیادہ لگاو ¿ ہے۔ 1974 میں یہاں سے جے پی تحریک شروع ہوئی۔ ملک و دنیا کے بڑے بڑے لوگ یہاں آتے تھے اور ان کی تقریریں اور جلسے یہیں ہوا کرتے تھے۔ یہاں طلباءاور اساتذہ بھی موجودرہتے تھے۔ ہمیشہ باہر سے لوگ بلائے جاتے تھے، میں آپ کو بتاو ¿ں گا کہ جو لوگ ملک اور باہر سے تعلیمی میدان میں بہتر کام کر رہے ہیں انہیں یہاں بلایا جائے، اس سے طلباء اور اساتذہ کو بہت فائدہ ہوگا۔ اگر آپ انہیں بلائیں گے تو میں اسٹیج پر نہیں بیٹھوں گا بلکہ آپ کے درمیان آکر بیٹھوں گا۔

وزیر اعلیٰ نے کہا کہ شروع سے ہی ہماری خواہش تھی کہ پٹنہ یونیورسٹی کو سنٹرل یونیورسٹی کا درجہ ملنا چاہیے۔ ہم نے انجینئرنگ کالج میں تعلیم حاصل کی ہے۔ پٹنہ یونیورسٹی کو سنٹرل یونیورسٹی کا درجہ نہیں ملا لیکن ہماری کوششوں سے انجینئرنگ کالج کو این آئی ٹی کا درجہ مل گیا۔ جب ہم عزت مآب اٹل جی کی حکومت میں مرکز میں وزیر تھے اور اس وقت ایچ آر ڈی کے وزیر مسٹر مرلی منوہر جوشی تھے، اس سلسلے میں ہم نے ان سے ملاقات کی، اس کے بعد ہماری بات مانی گئی اور بہار کالج آف انجینئرنگ کو این آئی ٹی کا درجہ مل گیا۔ این آئی ٹی بہت بہتر بنا ہے۔ پہلے ہم لوگوں کے وقت میں 500 طلبہ تھے، اب 4200 طلبہ کی گنجائش والا انجینئرنگ کالج بن گیا ہے۔ ہم لوگوں نے این آئی ٹی کے لیے 125 ایکڑ زمین الاٹ کیا تھا۔ جب ملک میں 6 انجینئرنگ کالج تھے، بہار کالج آف انجینئرنگ ان میں سے ایک تھا۔ انہوں نے کہا کہ پٹنہ میڈیکل کالج ہسپتال کو 5462 بستروں والا دنیا کا سب سے بڑا میڈیکل کالج اور ہسپتال بنایا جا رہا ہے۔ ہم نے پٹنہ یونیورسٹی کے تمام کالجوں کی حالت بہتر کی۔ مگدھ مہیلا کالج میں 600 طالبات کی رہائش کے لیے سات منزلہ ہاسٹل تعمیر کیا گیا ہے۔ بہار نیشنل کالج کی بھی توسیع کی گئی ہے۔ وہاں کی تعلیمی عمارت کی بھی جدید کاری کی گئی ہے۔سائنس کالج سے ہی ہماری پڑھائی شروع ہوئی، ہم سائنس کالج کو کبھی نہیں بھول سکتے۔ جو کمرہ ہمیں پڑھائی کے دوران ملا تھا، وہاں سے گزرتے وقت بھی ہمیں نظر آتا ہے۔ پڑھائی کے دوران بہت سہولت تھی۔ سائنس کالج کی توسیع کے لیے بھی کام کیا گیا۔ وہاں فزکس، بائیولوجی اور جیولوجی کی عمارتوں کی بھی تزئین و آرائش کی گئی۔ گورنرصاحب کو لے کر دکھائیں کہ پٹنہ یونیورسٹی میں کتنا اچھا کام ہوا ہے۔ ہم گورنرصاحب سے درخواست کرتے ہیں کہ پٹنہ یونیورسٹی کو سنٹرل یونیورسٹی کا درجہ دینے کی کوشش کریں۔
وزیر اعلیٰ نے کابینہ سکریٹری سے کہا کہ پٹنہ یونیورسٹی کے ترقیاتی کاموں سے متعلق تجویز کو آج ہی کابینہ میں لائیں، ہم اسے منظور کرائیں گے۔ ہم نے ہر جگہ مکمل کام کیا ہے۔ وزیر اعظم جب سال 2017 میں پٹنہ یونیورسٹی کی صد سالہ تقریبات میں آئے تھے تو ان سے پٹنہ یونیورسٹی کو سنٹرل یونیورسٹی کا درجہ دینے کی درخواست بھی کی گئی تھی لیکن وہ نہیں مانے۔ ہمارا شروع سے مطالبہ رہا ہے کہ پٹنہ یونیورسٹی کو مرکزی یونیورسٹی بنایا جائے۔ ہم پٹنہ یونیورسٹی کی بہتری کے لیے جو بھی ممکن ہو سکے کام کرتے رہیں گے۔ پٹنہ یونیورسٹی کو ملک کی ساتویں یونیورسٹی ہونے کا اعزاز حاصل ہے، اس لیے اسے بھی مرکزی سطح کی شناخت ملنی چاہیے۔

وزیراعلیٰ نے کہا کہ میں تمام اساتذہ سے درخواست کرتا ہوں کہ وہ طلباءکو اچھی طرح پڑھائیں۔ طلباءکو بھی بہتر پڑھائی کرنی چاہیے۔پڑھائی کے ساتھ ساتھ کھیلوں میں بھی دلچسپی لینی چاہیے۔ تمام طلبہ کو آپس میں محبت اور بھائی چارے کے ساتھ رہیں۔ ہم نے گنگا کے کناروں کو بھی دیکھنے کے قابل بنا دیا ہے،پڑھنے لکھنے کے بعد گنگا کے کنارے بھی گھومیں۔ ہم اس یونیورسٹی کی ترقی کے لیے کام کرتے رہیں گے۔ جب تک ہم زندہ ہیں، پٹنہ یونیورسٹی سے ہمارا لگاو ¿ رہے گا۔ آپ کے درمیان پروگرام میں موجودہوکر مجھے بہت خوشی محسوس ہو رہی ہے۔ پٹنہ یونیورسٹی کے وائس چانسلر پروفیسر گریش کمار چودھری نے بھی پروگرام سے خطاب کیا۔
پروگرام میں گورنر مسٹر راجندر وشواناتھ آرلیکر اور وزیر اعلیٰ نتیش کمار نے پٹنہ یونیورسٹی کی طرف سے شائع ہونے والے میگزین ‘ریفلیکشن’ کا اجرا کیا۔ پٹنہ یونیورسٹی کے وائس چانسلر پروفیسر گریش کمار چودھری نے گورنر راجندر وشواناتھ آرلیکر اور وزیر اعلیٰ نتیش کمار کوشال اورپودا اور پی ایس ایل وی کا ایک علامتی یادگار پیش کر کے ان کا خیرمقدم کیا۔
پروگرام میں طلباءنے استقبالیہ گیت اور پٹنہ یونیورسٹی کا ترانہ پیش کیا۔ پروگرام کے آغاز میں وزیر اعلیٰ نے این سی سی پریڈ کی سلامی بھی لی۔
اس موقع پر پٹنہ یونیورسٹی کے وائس چانسلر پروفیسر گریش کمار چودھری، نالندہ اوپن یونیورسٹی کے وائس چانسلر پروفیسر کے سی سنہا، پٹنہ یونیورسٹی کے پرووائس چانسلر پروفیسر اجے کمار سنگھ، پٹنہ یونیورسٹی کے رجسٹرار مسٹر کھگیندر کمار، پٹنہ یونیورسٹی کے سابق وائس چانسلر پروفیسر راس بہاری سنگھ، قانون ساز کونسل کے سابق رکن پروفیسر رنویر نندن،وزیراعلی کے پرنسپل سکریٹری ڈاکٹر ایس سدھارتھ، بہار اسٹیٹ ایجوکیشنل انفراسٹرکچر ڈیولپمنٹ کارپوریشن لمیٹڈ کے منیجنگ ڈائرکٹر مسٹر بی کارتکیہ دھنجی،وزیراعلی کے او ایس ڈی مسٹر گوپال سنگھ، پٹنہ کے سینئر سپرنٹنڈنٹ آف پولیس مسٹر راجیو مشرا اور دیگر اعلیٰ حکام، سابق اور موجودہ اساتذہ ، پرنسپلز، پروفیسرز، اسٹاف اور طلباءکی کثیر تعداد موجود تھی۔