نتیش نے ”جنتا کے دربار میں وزیراعلیٰ “پروگرام میں 167 فریادوں کے مسائل کوسنا ،افسران کو مسائل کے حل کی ہدایت دی

پٹنہ:وزیر اعلیٰ نتیش کمار نے آج 4دیش رتن مارگ واقع وزیر اعلیٰ سکریٹریٹ احاطہ میں منعقد ’جنتا کے دربار میں وزیر ا علیٰ‘پروگرام میں شامل ہوئے ۔ جنتا کے دربار میں وزیر اعلیٰ پروگرام میں وزیر اعلیٰ نے ریاست کے متعدد اضلاع سے پہنچے 167 لوگوں کے مسائل کو سنا اور متعلقہ محکموں کے افسران کو حل کے لیے مکمل کارروائی کی ہدایت دی ۔
آج کے ”جنتا کر دربار میں وزیر اعلیٰ“ پروگرام میں جنرل اڈمنسٹریشن محکمہ ، داخلہ محکمہ ، صحت محکمہ ، تعلیم محکمہ ،سماجی فلاح محکمہ ، پسماندہ ،انتہائی پسماندہ طبقہ بہبود محکمہ ، فائننس محکمہ ، ایس سی ، ایس ٹی فلاح محکمہ ، اقلیتی فلاح محکمہ ، سائنس و ٹیکا لوجی محکمہ ، فن و ثقافت اور نوجوان امور محکمہ ، لیبر وسائل محکمہ اور آفات مینجمنٹ محکمہ کے معاملوں پر سماعت ہوئی ۔
وزیر اعلیٰ نتیش کمار نے جنتا کے دربار میں حاضر ہو کر لوگوں کی شکایتوں کو سنا ۔ جنتا دربار میں آئے تروینی گنج سپول کے اندر بھوشن پرساد نے تروینی گنج ڈویزنل اسپتال میں بد عنوانی کی شکایت کی ۔ملازمین میں تال میل کی بات کہی تو وہیں موتی پور ،مظفر پور کے نندلال کمار نے اپنی شکایت میں کہا کہ میری بیوی جو ایک سال سے آنگن باڑی سویکا کے طور پر کام کررہی تھی ڈی پی او کے ذریعہ مانگی گئی رقم نہیں دینے کے سبب انہیں سازش کے تحت ہٹا دیا گیا ۔ وزیر اعلیٰ نے متعلقہ محکمہ کو شکایت کنندہ کے کی شکایت کے حل کی ہدایت دی ۔

چھوراہی بیگو سرائے سے ارون کمار سنگھ نے شکایت کرتے ہوئے کہا کہ سرکاری ہائی اسکول چھوراہی ،مٹہانی کے کھیل میدان کو ہاٹ میں تبدیل کر دیا گیا ہے ۔ وہیں ہلاس گنج کے مسٹر منٹو کمار نے جھارو بگہا میں پرائمری اسکول قائم کیے جانے کے بارے میں وزیر اعلیٰ سے اپنا مطالبہ رکھا ۔ وزیر اعلیٰ نے محکمہ تعلیم کو پوری کارروائی کر نے کی ہدایت دی ۔
سونپور ،سارن کے ادئے کمار نے فیزیکل ٹیچر کی بحالی کے سلسلہ میں اپنا مطالبہ رکھا تو پٹنہ صدر کے کیول نارائن مشر نے ریٹارمنٹ سروس کے فوائدکی ادائیگی نہیں ہو پائی ہے ۔ وہیں دربھنگہ کے مسٹر پپوکمار نے جی این ایم کی بحالی میں مردوںکو بھی شامل کیا جائے ، پرائیوٹ جی این یم انسٹی ٹیوشن میں فیس کم کرنے کے مطالبات رکھے ۔ وزیر اعلیٰ نے اس بارے میں محکمہ کو مکمل کارروائی کر نے کو کہا ۔
کچھ طلبا اور طالبات نے وزیر اعلیٰ سے شکایت کر تے ہوئے کہا کہ میٹرک پاس کر نے کے بعد بھی آج تک انہیں حوصلہ افزارقم نہیں ملی ۔ وزیر اعلیٰ نے محکمہ تعلیم کو پورے معاملے کو دیکھ کر مناسب قدم اٹھانے کو کہا ۔ وہیں ایک معذورنے وہیل چیئر پر آکر وزیر اعلیٰ سے کہا کہ حضور آج تک ’آیوشمان ہیلتھ کارڈ ‘نہیں ملا۔ اس پر وزیر اعلیٰ نے حیرت کا اظہار کیا اور صحت محکمہ کو ضروری ہدایت دی ۔
یوگ پٹی مغربی چمپارن کے ونود کمار نے وزیر اعلیٰ سے فریاد کر تے ہوئے کہا کہ ان کے بیٹے اور بیٹی کی پانی میں ڈوبنے سے موت ہو گئی تھی ۔ معاوضہ کے لیے رقم بھی آئی لیکن آفس کے ملازمین مجھے رقم دینے کے عوض ایک لاکھ روپے کامطالبہ کررہے ہیں ۔ اس کے بعد وزیر اعلیٰ نے کہا کہ جس نے بھی پیسے کا مطالبہ کیا ہے اس پر مقدمہ درج ہوگا ۔وزیر اعلیٰ نے فوری طور پر آفات مینجمنٹ محکمہ کے سیکریٹری کوجانکاری لے کر جس نے بھی پیسے کا مطالبہ کیا ہے اس پر قانونی کارروائی کر نے کی ہدایت دی ۔

مدھو بنی کے جھنجھارپور کے نروا سے آئے ستیش کمار منڈل نے کہا کہ 2019میں سیلاب میں 52 کنبے بے گھر ہو گئے تھے ۔پوری زمین اور مکان کملا ندی میں سما گیا تھا ۔ شکایت کنندہ نے وزیر اعلیٰ سے کہا کہ آپ نے ہی تمام 52 کنبوں کو گھر کے لیے زمین کے کاغذات دیے تھے ۔2019سے آج تک صرف کاغذ ہی ملا لیکن زمین آج تک نہیں مل پائی ہے ۔ آج بھی تمام کنبے پولیتھن لگا گر کسی طرح گزر بسر کرر ہے ہیں ۔اس پر وزیر اعلیٰ نے کہا کہ ہم آپ کے گاﺅںمیں گئے تھے مجھے یاد ہے ۔ اس کے بعد وزیر اعلیٰ نے آفات مینجمنٹ محکمہ کو فون کر کے کہا کہ ڈی ایم سے بات کیجئے کہ ابھی تک بے گھر کنبوں کو زمین نہیں ملی ہے ۔ ہم وہاں گئے تھے اور زمین دینے کی بات ہم نے کہی تھی ۔لیکن یہ بتا رہے ہیں کہ ابھی تک زمین فراہم نہیں کرائی گئی ہے ۔ اس کو دیکھ کر شکایت دور کیجئے ۔
جنتا کے دربار میں مسلسل آنگن باڑی سیویکاﺅں کی بحالی سے متعلق کئی شکایتیں سامنے آنے پر وزیر اعلیٰ نے کہا کہ بڑے پیمانے پر آنگن باڑی سیویکا کی بحالی کی شکایت مل رہی ہے ۔ اب تک مدھو بنی سے مسلسل چار شکایتیں آچکی ہیں ۔ اس کے بعد وزیر اعلیٰ نے سماجی فلاح محکمہ کے ایڈیشنل چیف سیکریٹری کو فون کر کے کہا کہ چار شکایتیں پہنچ گئی ہیں ۔ یہ کیا ہو رہا ہے اس معاملہ کو دیکھئے ، مسلسل گڑبڑی کی شکایت مل رہی ہے ۔
”جنتا کے دربار میں وزیر اعلیٰ“ کے پروگرام میں نائب وزیر اعلیٰ تارکشور پرساد ، نائب وزیر اعلیٰ مسز رینو دیوی ، تعلیم کے وزیر وجئے کمار چودھری ،صحت کے وزیر منگل پانڈے ، سماجی فلاح کے وزیر مدن سہنی ، ایس سی ایس ٹی بہبود کے وزیر سنتوش کمارسومن ، سائنس و ٹیکنا لوجی کے وزیر سمیت کمار سنگھ ، فن و ثقافت اور نوجوان امور کے وزیر آلوک رنجن ، لیبر وسائل کے وزیر جیویش کما ر ، اقلیتی فلاح کے وزیر زماں خان ، وزیر اعلیٰ کے پرنسپل سیکریٹری دیپک کمار ، چیف سیکریٹری مسٹر تریپوراری شرن ، ڈی جی پی مسٹر ایس کے سنگھل ، متعلقہ محکموں کے ایڈیشنل چیف سیکریٹری، پرنسپل سیکریٹری ، سیکریٹری ، وزیر اعلیٰ کے سیکریٹری مسٹر انوپم کمار ، وزیر اعلیٰ کے او ایس ڈی مسٹر گوپال سنگھ ، پٹنہ ڈی ایم مسٹر چندر شیکھر سنگھ اور ایس ایس پی مسٹر اوپندر شرما موجودتھے ۔