نتیش نے مگدھ مہیلا کالج کے نو تعمیر گرلس ہاسٹل کا افتتاح کیا

پٹنہ: وزیر اعلیٰ نتیش کمار نے آج پٹنہ یونیورسٹی کے مگدھ مہیلا کالج کے نو تعمیر گرلس ہاسٹل کا فیتا کارٹ کراور نیم پلیٹ کی نقاب کشائی کر کے افتتاح کیا ۔ افتتاح کر نے کے بعد وزیر اعلیٰ نے نوتعمیر گرلس ہاسٹل (جی پلس 7) کے متعدد کمروں ، جم ، کامن روم ، ڈائننگ ہال وغیرہ کا معائنہ کیا ۔ اس موقع پر منعقد پروگرام کا شمع روشن کر کے وزیر اعلیٰ نے افتتاح کیا ۔
پروگرام کو خطاب کر تے ہوئے وزیر اعلیٰ نے کہا کہ آج کے اس پروگرام میں آپ تمام لوگوںکا استقبال کر تا ہوں ۔مجھے خوشی ہے کہ آج مگدھ مہیلا کالج کے نو تعمیر گرلس ہاسٹل کے افتتاح کر نے کا موقع ملا ہے ۔مجھے سال 2019 میں یہاں دو مرتبہ آنے کا موقع ملا تھا ۔ پہلی مرتبہ یہاں آنے کے دوران یہاں کی طالبات نے گرلس ہاسٹل کی خراب حالت کے بارے میں مجھے بتا یا تھا ۔ اسی وقت یہ بات کی گئی تھی کہ ہم لوگ یہاں ایک اچھے گرلس ہاسٹل کی تعمیر کرائیںگے۔ مگدھ مہیلا کالج ، پٹنہ یونیورسٹی کا ایک اہم کالج ہے ، اس کی خاص اہمیت ہے ۔ سال 2019 کے ہی ستمبر ماہ میں اس گرلس ہاسٹل کا سنگ بنیاد رکھا گیا تھا ۔ اس کی تعمیر پہلے ہی ہو جاتی لیکن کورونا کے سبب اس میں تھوڑی تاخیر ہوگئی ۔ موقع بہ موقع ہم اس کی تعمیر کے بارے میں معلومات حاصل کررہے تھے ۔ کچھ دن قبل جے پی گنگا سیتو کی تعمیر کے کام کی رفتار کا معائنہ کر رہے تھے ، اس دوران اس گرلس ہاسٹل کے متعلق جانکاری لی تھی ۔ اس گرلس ہاسٹل کی تعمیر ہو جانے سے مجھے خوشی ہوئی ہے ۔ یہ گرلس ہاسٹل بہت بہتر بنا ہے ۔ اس کی تعمیر سے طالبات کو بہت سہولت ہو گی ۔ ہم نے پورا ہاسٹل دیکھا ۔ ہر کمرے میں تین طالبات کے رہنے کا انتظام ہے ۔قدیم ہاسٹل کی طالبات اس نئے ہاسٹل میں منتقل ہوں گی ۔ اس نئے گرلس ہاسٹل میں 600 طالبات کے رہنے کی سہولت ہو گی ۔ طالبات کے لیے یہاں ضروری سب کچھ انتظام کیا کیا ہے ۔ یہاں طالبات کو کسی طرح کی کوئی دقت نہ ہو اس کا خیال رکھا گیا ہے ۔

وزیراعلیٰ نے کہا کہ یہاں کے پرنسپل نے لبارٹری سائنس ، امتحان کی عمارت ، آڈیٹوریم ، کی تعمیر کے بارے میں بات رکھی ہے ۔ تعلیم کے وزیر کے ساتھ یہاں کے تمام عہدیداران بیٹھے ہیں ۔ اس کام کو مکمل کریں ۔ انہوں نے کہا کہ مگدھ مہیلا کالج سے میرا قدیم رشتہ ہے ۔ ہم لوگ پٹنہ یوینورسٹی میں پڑھے ہیں ۔ اس کالج کے ساتھ میرے کنبہ کا بھی رشتہ ہے ۔ میری چھوٹی بہن اور اہلیہ نے بھی یہیں تعلیم حاصل کی ہے ۔ انہوں نے کہا کہ پہلے لڑکیاںکم پڑھتی تھیں ۔ جب سے کام کر نے کا موقع ملا ہے ہم نے لڑکیوں کی تعلیم کے لیے کئی کام کیے ۔ لڑکیوں کے لیے سائیکل منصوبہ اور پوشاک منصوبہ چلا یا گیا ۔ کچھ لوگوں نے تنقید کر تے ہوئے کہا تھا کہ لڑکیوں کو سائیکل دینے سے مسئلہ پیدا ہو گا ،لیکن کہیں کوئی مسئلہ نہیں ہو اور لڑکیوں کو اس کا فائد ہ ملا ۔
وزیر اعلیٰ نے کہا کہ بہار کی آبادی بہت زیادہ ہے اور رقبہ کم ہے ۔ جب ہم لوگوں نے کام شروع کیا تھا تو ریاست کی شرح زچگی 4.3تھی ۔ اب 3 پر پہنچ گئی ہے اور اسے 2پر لے جائیں گے ۔ جب لڑکیاں پڑھیں گی تو زچکی کی شرح کم ہو گی ۔ اگر لڑکیاں انٹر پاس کریں گی تو 25ہزار روپے اور گریجویشن کر نے پر 50ہزار روپے دیا جائے گا ۔ میڈیکل اور انجینئرنگ کی پڑھائی میں بھی لڑکیوں کو کم کم 35 فیصد ریزرویشن دیا جارہا ہے ۔ میڈیکل اور انجینئرنگ کے شعبہ میں بڑی تعداد میں لڑکیاں آگے آرہی ہیں ۔ انہوں نے کہا کہ خواتین کے مطالبہ پر ہم نے شراب بندی نافذ کیا ۔ جہیز کی روایت اور کمسنی میں شادی کے خلاف مہم شروع کی گئی ۔ سماد سدھار مہم شرو ع کی گئی ہے ۔ جہیز لینے جرم ہے ۔ ہم نے کہہ دیا ہے کہ اگر کوئی شادی کی دعوت دیتا ہے اور اس کے کارڈ پر جہیز نہیں لینے کی بات لکھی ہو گی تو ہم اس شادی میں جائیں گے ۔ ہم لوگوں نے یہاں جیویکا گروپ بنا یا ۔جیویکا کے سے بہار میں بہت ترقی ہوئی ہے ۔ اس وقت کی مرکزی حکومت نے بعد میں اسی کو پورے ملک میں ’اجیویکا‘کے نام سے شروع کیا ۔ انہوں نے کہا کہ لڑکیا خوب اچھی طرح سے تعلیم حاصل کریں ، ساتھ ہی کمسنی میں شادی اور جہیز کے رواج کے خلاف بیدار رہیں اور لوگوں کو بیدار کریں ۔ تمامطالبات سے ہم کہیں گہ کہ کہیں بھی جہیز کے رواج اور کمسنی کی شادی نہیں ہو نے دیں ۔ خوب پڑھیے ، آگے بڑھیے ، کہیں جائیے تو سماج سدھار کا ذکر کیا کیجئے تو اس سے سماج آگے بڑھے گا ۔
اس موقع پر وزیراعلیٰ کے پرنسپل سکریٹری دیپک کمار ، محکمہ مالیات کے چیف سکریٹری ڈاکٹر ایس سدھارتھ ، محکمہ تعلیم کے ایڈیشنل چیف سکریٹری دیپک کمار سنگھ ، محکمہ تعلیم کے سکریٹری اسنگبا چوبا آﺅ ، وزیراعلیٰ کے خصوصی ایکزیکٹیو افسر مسٹر گوپال سنگھ ، پٹنہ یونیورسیٹی کے وائس چانسلر مسٹر کرنل کامیش کمار، نالندہ اوپن یونیورسیٹی کے وائس چانسلر کے سی سنہا ، پاٹلی پترا یونیورسیٹی کے وائس چانسلر مسٹر آرکے سنگھ ، مختلف یونیورسیٹیوں کے پرنسپل ، مگدھ مہیلا کالج کے آئی کیو اے ایس کی کوآرڈینیٹر مسز سہیلی مہتا سمیت دیگر اساتذہ ، اور طالبات موجود تھیں۔۔