گزشتہ 24 گھنٹے کے دوران دنیا بھرمیں کورونا وائرس کے چھ لاکھ سے زائد نئے متاثرین

واشنگٹن / ریو ڈی جنیرو / نئی دہلی:دنیا بھر میں گزشتہ 24 گھنٹے کے دوران کورونا وائرس (کووڈ- 19) کے 6 لاکھ 62 ہزار 800 نئے متاثرین کی تصدیق ہونے کے ساتھ ہی متاثرہ افراد کی تعداد بڑھ کر 22.70 کروڑ سے زائد ہوگئي ہے۔
امریکہ کی جان ہاپکنز یونیورسٹی کے شعبہ سائنس و انجینئرنگ (CSSE) کی طرف سے جاری ہونے والے تازہ ترین اعداد و شمار کے مطابق دنیا کے 192 ممالک اور خطوں میں متاثرہ افراد کی تعداد بڑھ کر 22 کروڑ 70 لاکھ 19 ہزار 435 ہوچکی ہے جبکہ 46 لاکھ 69 ہزار 895 لوگ اس کی زد میں فوت ہوچکے ہيں۔
دنیا میں سپر پاور سمجھے جانے والے امریکہ میں کورونا وائرس کے انفیکشن کا پھیلاؤ جاری ہے۔ یہاں متاثرین کی تعداد 4.17 کروڑ سے تجاوز کرچکی ہے اور 6.69 لاکھ سے زیادہ لوگ مر چکے ہیں۔
ہندوستان دنیا میں کورونا وائرس کے انفیکشن کے لحاظ سے دوسرے اور مرنے والوں کے لحاظ سے تیسرے نمبر پر ہے۔ گزشتہ 24 گھنٹے کے دوران ملک میں کورونا وائرس کے 34403 نئے متاثرین کی تصدیق ہوئی ہے ، جس کی وجہ سے متاثرہ افراد کی تعداد 3 کروڑ 33 لاکھ 81 ہزار 728 ہو گئی ہے۔ اس دوران 37950 مریضوں کی صحت یابی کے بعد کورونا سے شفایاب ہونے والے لوگوں کی تعداد تین کروڑ 25 لاکھ 98 ہزار 424 ہو گئی ہے۔ زیر علاج مریضوں کی تعداد 3867 گھٹ کر تین لاکھ 39 ہزار 056 ہو گئی ہے۔ اس عرصے میں 320 مریضوں کی موت ہوجانے کی وجہ سے اموات کی تعداد بڑھ کر 444248 ہو گئی ہے۔
ملک میں زیر علاج مریضوں کی شرح اب 1.02 فیصد ہے ، صحت یابی کی شرح 97.65 فیصد ہے ، جبکہ اموات کی شرح 1.33 فیصد ہے۔

برازیل اب متاثرین کے لحاظ سے تیسرے نمبر پر ہے ، جہاں کورونا وائرس کے متاثرین پھر سے پھر بڑھنے لگے ہیں اور اب تک 2.10 کروڑ سے زائد لوگ اس سے متاثر ہو چکے ہیں جبکہ 5.89 لاکھ سے زائد مریض ہلاک ہو چکے ہیں۔ برازیل کورونا کے سبب اموات کے حوالے سے دنیا میں دوسرے نمبر پر ہے۔ برطانیہ نے وائرس کے معاملے میں روس اور فرانس کو پیچھے چھوڑ دیا ہے، جہاں کورونا سے متاثرہ افراد کی تعداد 73.73 لاکھ سے تجاوز کر گئی ہے اور 135134 مریض فوت ہو چکے ہیں۔ روس میں اب تک 71.10 لاکھ سے زائد افراد کورونا وائرس سے متاثر ہو چکے ہیں جبکہ 1.92 لاکھ سے زائد مریض ہلاک ہو چکے ہیں۔ فرانس میں کورونا وائرس سے متاثرہ افراد کی تعداد 70.21 لاکھ سے تجاوز کر گئی ہے اور اس کے انفیکشن سے 1.16 لاکھ سے زائد افراد فوت ہو چکے ہیں۔
ترکی میں کورونا وائرس سے متاثرہ افراد کی کل تعداد 67.66 لاکھ سے تجاوز کر گئی ہے اور 60903 افراد ہلاک ہو چکے ہیں۔ دریں اثناء ، ارجنٹینا میں متاثرہ افراد کی تعداد بڑھ کر تقریبا 52.34 لاکھ اور مرنے والوں کی تعداد بڑھ کر 114101 ہوگئی ہے۔

کولمبیا میں کورونا وائرس سے اب تک 49.36 لاکھ سے زیادہ لوگ متاثر ہوئے ہیں اور 125782 افراد اپنی جانوں سے ہاتھ دھو بیٹھے ہیں۔
اسپین میں اس عالمی وبا سے 49.26 لاکھ سے زائد لوگ متاثر ہوئے ہیں اور 85739 افراد ہلاک ہو چکے ہیں۔ اٹلی میں کورونا وائرس سے متاثرہ افراد کی تعداد 46.23 لاکھ سے تجاوز کر گئی ہے اور 130167 مریض اپنی جانوں سے ہاتھ دھو بیٹھے ہیں۔ دریں اثناء ، ایران میں متاثرہ افراد کی تعداد 53.78 لاکھ سے زیادہ ہوگئی ہے اور اموات کی تعداد 116072 تک پہنچ گئی ہے۔ جرمنی میں، کورونا وائرس سے متاثرہ افراد کی تعداد 41.27 لاکھ سے تجاوز کر گئی ہے اور اب تک 92906 افراد فوت ہو چکے ہیں۔
انڈونیشیا میں کورونا وائرس کے ڈیلٹا ویریئنٹ کے بہت تیزی سے پھیلنے کے سبب صورتحال بہت خراب ہو گئی ہے۔ وہاں کورونا وائرس کے متاثرین کی تعداد 41.81 لاکھ سے تجاوز کر گئی ہے جبکہ 139919 افراد ہلاک ہو چکے ہیں۔ پولینڈ میں کورونا وائرس سے 28.95 لاکھ سے زائد افراد متاثر ہوئے ہیں اور اس عالمی وبا کی وجہ سے 75464 افراد اپنی جانوں سے ہاتھ دھو بیٹھے ہیں۔

میکسیکو میں عالمی وباء کورونا وائرس 35.49 لاکھ سے زائد لوگ متاثر ہوئے ہیں اور اب تک اس وائرس کی وجہ سے 270348 لاکھ سے زائد افراد ہلاک ہو چکے ہیں۔ جنوبی افریقہ میں 28.73 لاکھ سے زیادہ لوگ متاثر ہوئے ہیں اور 85779 افراد فوت ہوئے ہیں۔ یوکرین میں متاثرہ افراد کی تعداد 24.35 لاکھ سے زیادہ ہے اور 58146 افراد اپنی جانوں سے ہاتھ دھو بیٹھے ہیں۔
پیرو میں کورونا وائرس سے متاثرہ افراد کی تعداد 21.64 لاکھ سے تجاوز کر گئی ہے جبکہ 198،891 افراد اپنی جانوں سے ہاتھ دھو بیٹھے ہیں۔ ہالینڈ میں اب تک 20.16 لاکھ سے زائد افراد کورونا سے متاثر ہوئے ہیں اور وہاں اس عالمی وبا کی وجہ سے 18484 افراد اپنی جانوں سے ہاتھ دھو بیٹھے ہیں۔
ہمسایہ ملک بنگلہ دیش نے کورونا وائرس سے متاثر ین کے معاملے میں پاکستان کو پیچھے چھوڑ دیا ہے۔ بنگلہ دیش میں اب تک 15.38 لاکھ سے زائد افراد کورونا وائرس سے متاثر ہوئے ہیں اور 27109 مریض فوت ہو چکے ہیں۔ پاکستان میں اب تک 12.18 لاکھ سے زائد افراد کورونا وائرس سے متاثر ہو چکے ہیں اور 27072 مریض مر چکے ہیں۔ سری لنکا میں کورونا وائرس سے 4.98 لاکھ سے زائد افراد متاثر ہوئے ہیں اور 11817 مریض ہلاک ہو ئےہیں۔ اس کے علاوہ ، دنیا کے دوسرے ممالک میں کورونا وائرس کی وجہ سے صورتحال بہت خراب ہے۔