’مونو کلچر‘ کاشتکاری کے مسائل کا حل نہیں، اس میں تنوع کی ضرورت ہے: مودی

گوتم بدھ نگر: وزیر اعظم نریندر مودی نے عالمی برادری سے کاشتکاری کے سائنسی اور روایتی طریقوں کو اپناتے ہوئے زراعت کے شعبے کو متنوع طریقے سے آگے بڑھانے کی اپیل کرتے ہوئے کہا ہے کہ ایک ہی طریقہ کار پرمبنی ’مونوکچر‘ کاشتکاری کے مسائل کاحل نہیں ہے۔

پیر کو اتر پردیش کے گوتم بدھ نگر کے گریٹر نوئیڈا میں منعقدہ بین الاقوامی ڈیری سمٹ کا افتتاح کرتے ہوئے مودی نے کہا کہ کھیتی باڑی کے مسائل کا واحد حل مونو کلچر نہیں ہے، بلکہ اس میں تنوع کی بہت ضرورت ہے۔ انہوں نے کہا کہ یہ بات مویشی پروری پربھی لاگو ہوتی ہے۔

اس موقع پر اتر پردیش کے وزیر اعلیٰ یوگی آدتیہ ناتھ، ماہی پروری اور حیوانات کے مرکزی وزیر پرشوتم روپالا اور بین الاقوامی ڈیری فیڈریشن کے نمائندے اور مختلف ممالک کے ماہرین بھی موجود تھے۔ چار دن تک جاری رہنے والی اس کانفرنس کا ہندوستان میں 48 سال بعد انعقادہورہا ہے۔

50 ممالک کے مندوبین سے خطاب کرتے ہوئے وزیر اعظم مودی نے کہا، "زراعت میں مونو کلچر ہی واحد حل نہیں ہے، بلکہ تنوع بہت ضروری ہے۔ یہ جانور پالنے پر بھی لاگو ہوتا ہے۔ اس لیے آج ہندوستان میں مقامی نسلوں اور ہائبرڈ نسلوں، دونوں پر توجہ دی جا رہی ہے۔ اس دوران انہوں نے ہندوستان میں سخت ترین موسمی حالات میں آسانی سے پالنے لائق دودھ دینے والے جانوروں کی مقامی نسلوں کا ذکر کرتے ہوئے گجرات کے کچھ علاقے کی بنّی بھینسوں کی خوبیوں کا ذکر کیا۔

انہوں نے کہا کہ عالمی سطح پر ڈیری سیکٹر، نہ صرف عالمی معیشت کو مضبوط کرتا ہے بلکہ کروڑوں خاندانوں کی روزی روٹی کو بھی تقویت دیتا ہے۔ مودی نے کہا کہ ہندوستان کے ڈیری سیکٹرکی شناخت بڑے پیمانے پر دودھ کی پیداوار (ماس پروڈکشن) کرنے سے زیادہ، کثیرتعداد میں لوگوں کے ذریعہ دودھ پیداکرنے (پروڈکشن بائی ماسس) والے ملک کی ہے۔ اس لئے ہندوستان کا ڈیری سیکٹرکوآپریٹو ماڈل پر مبنی ہے جس کی مثال دنیا میں کہیں نہیں ملتی۔ اس کی وجہ سے ثالثیوں کی غیرموجودگی میں ہندوستان کے دودھ پیداکرنے والوں کو زیادہ فائدہ حاصل ہوپاتا ہے۔

وزیر اعظم مودی نے ہندوستان کے مویشی پالنے کے شعبے میں خواتین کی طاقت کے اہم شراکت کو عالمی سطح پر لے جانے کی ضرورت پر زور دیا۔ انہوں نے کہا، "ہندوستان کے ڈیری سیکٹر میں 70 فیصد خواتین کی طاقت کی نمائندگی ہے۔ ہندوستان کے ڈیری سیکٹر کی حقیقی رہنما خواتین ہیں۔ یہی نہیں، ہندوستان میں ڈیری کوآپریٹیومیں بھی ایک تہائی سے زیادہ ارکان خواتین ہیں۔ انہوں نے کہا کہ اس شعبے میں ناری شکتی کے تعاون کو پوری دنیا میں مناسب پہچان دلانے کی ضرورت ہے۔

وزیر اعظم مودی نے سمیلن سے خطاب کرتے ہوئے کہا کہ ڈیری سیکٹر کی استطاعت نہ صرف دیہی معیشت کو رفتار دیتا ہے بلکہ یہ دنیا میں کروڑوں لوگوں کی روزی روٹی کا بھی اہم ذریعہ ہے۔ ہندوستان میں ڈیر ی شعبے میں الگ پہچان کا ذکر کرتے ہوئے مودی نے کہا کہ دنیا کے دیگر ترقی یافتہ ممالک سے الگ ہندوستا میں ڈیری سیکٹر کی اصلی طاقت چھوٹے کسان ہیں۔ ہندوستان کے ڈیری سیکٹر کی پہچان کثیر مقدار میں دودھ پیدا کرنے والے ملک(ماس پروڈکشن) سے زیادہ زیادہ لوگوں کے ذریعہ دودھ پیدا کرنے(پروڈکشن بائی ماسس) کرنے والے ملک کی ہے۔
ہندوستان میں ڈیری سیکٹر میں کامیاب کوآپریٹیو ماڈل کو مودی نے دنیا کے لئے مثالی قرار دیا۔ انہوں نے کہا’آج ہندوستان میں ڈیری کوآپریٹیو کا ایک ایسا بڑا نیٹ ورک ہے جس کی مثال پوری دنیا میں ملنا مشکل ہے یہ ڈیر کوآپریٹو ملک کے دو لاکھ سے زیادہ گاؤں میں ، تقریبا دو کروڑ کسانوں سے دن میں دو بار دودھ جمع کرتی ہیں اور اسے صارفین تک پہنچاتی ہیں۔
انہوں نے کہا کہ اس پورے عمل میں بچولیے نہیں ہوتے ہیں۔ صارفین سے جو پیسہ ملتا ہے اس کا 70فیصدی سے زیادہ کسانوں کے جیب میں ہی جاتا ہے۔ کسانوں کو اس براہ راست صارف سے اتنے زیادہ تناسب میں پیسہ ملنے کا طریقہ کسی اور ملک میں دیکھنے کو نہیں ملتا ہے۔
گذشتہ آٹھ سالوں میں ہندوستان کے ڈیری سیکٹر میں آئی تبدیلیوں کا ذکر کرتے ہوئے وزیر اعظم مودی نے کہا’سال 2014 کے بعد سے ہماری حکومت نے ہندوستان کے ڈیری سیکٹر کی استطاعت کو بڑھانے کے لئے لگاتار کام کیا ہے۔ آج اس کا نتیجہ دودھ پروڈکشن سے لے کر کسانوں کی آمدنی میں بھی نظرآرہا ہے۔ انہوں نے کہا کہ 2014 میں ہندوستان میں 146 ملین ٹن دودھ کا پروڈکشن ہوتا تھا اب یہ بڑھ کر 210ملین ٹن تک پہنچ گیا ہے۔ یعنی تقریبا 44فیصدی کا اضافہ ہوا ہے۔
اس دوران مودی نے ہندوستان کے ڈیری سیکٹر میں ہورہے تکنیک کے استعمال کو اس تبدیلی کا سہرا دیا۔ انہوں نے کہا’ہندوستان دودھ دینے والے مویشیوں کا سب سے بڑا ڈیٹا بیس تیار کررہا ہے۔ ڈیری سیکٹر سے جڑے ہر مویشی کی ٹگنگ ہورہی ہے۔ جدید ٹیکنالوجی کی مدد سے ہم مویشیوں کی بائیو میٹرک پہنچان کررہے ہیں۔ ہم نے اسے نام دیا ہے’پشو آدھار‘۔ اس کے علاوہ انہوں نے ہندوستان میں مویشیوں کو بیماریوں سے نجات دلانے کے لئے جاری’یونیورسل ویکسینیشن‘مہم کو بھی آگے بڑھانے کی جانکاری دی۔
انہوں نے کہا کہ ہندوستان نے عزم کیا ہے کہ سال 2025 تک سبھی مویشیوں کو’فٹ اینڈ ماوتھ‘ اور برسلاسس بیماری سے نجات دلانے کے لئے ٹیکہ لگایا جائے گا۔ انہوں نے کہا کہ اس دہائی کے آخر تک ان بیماریوں سے پوری طرح سے نجات کا ہدف لے کر ہندوستان آگے بڑھ رہا ہے۔
اس موقع پر مودی نے گایوں میں پھیل رہے لمپی وائرس کی بیماری کا بھی ذکر کیا۔ انہوں نے کہا کہ گذشتہ کچھ وقت میں ہندوستان کے متعدد ریاستوں میں لمپی وائرس کے انفکشن سے مویشیوں کا نقصان ہوا ہے۔ مختلف ریاستی حکومتوں کے ساتھ مل کر مرکزی حکومت اسے قابو میں کرنے کی کوشش کررہی ہے۔
انہوں نے کہا کہ ہندوستان کے سائنسدانوں نے لمپی وائرس کے انفکشن کو روکنے کے لئے سودیسی ٹیکہ بھی تیار کیا ہے۔ وزیر اعظم مودی نے سمیلن میں شرکت کررہے ہیں ہندوستان کے کسانوں اور ماہرین سے اپیل کی کہ وہ چار دن تک چلنے والے’مہا منتھن‘ میں جمع ہوئے ڈیری سیکٹر کے پوری دنیا سے آئے ماہرین کے تجربات سے پورا فائدہ اٹھانے کی کوشش کریں۔