پٹرول و ڈیژل کی قیمتیں بڑھ رہی ہیں تو مرکزی حکومت اس کے بارے میں ضرور سوچے گی: نتیش

پٹنہ: وزیر اعلیٰ جناب نتیش کمار نے آج وزیر اعلیٰ سیکرٹریٹ کمپلیکس، 4، دیش رتنا مارگ میں منعقدہ ‘جنتا کے دربار میں وزیر اعلی’ پروگرام میں شرکت کی۔ ‘جنتاکے دربار میں وزیر اعلی’ پروگرام میں وزیر اعلیٰ نے ریاست کے مختلف اضلاع سے پہنچے 132 لوگوں کے مسائل سنے اور متعلقہ محکموں کے افسران کو ان کے حل کے لیے مناسب کارروائی کرنے کی ہدایت دی۔

‘جنتا کے دربار میں وزیر اعلی’ پروگرام کے اختتام کے بعد وزیر اعلیٰ نے صحافیوں سے بات چیت کی۔ پٹرول اور ڈیزل کی بڑھتی قیمتوں کے تعلق سے صحافیوں کے سوال پر وزیر اعلیٰ نے کہا کہ ریاستی حکومت نے چند ماہ قبل پٹرول اور ڈیزل کی بڑھتی ہوئی قیمتوں میں راحت دی تھی۔ ریاستی حکومت کے پاس اتنے وسائل نہیں ہیں کہ وہ اس بارے میں فوری طور پر کچھ کہہ سکے۔ یہ پورے ملک کا مسئلہ ہے۔ مرکزی حکومت نے پٹرول اور ڈیزل کی بڑھتی ہوئی قیمتوں کو لے کر پہلے بھی فیصلہ لیا اور ریاستوں کو بھی ایسا کرنے کو کہا۔ بہار سمیت کئی ریاستی حکومتوں نے بھی اس بارے میں فیصلہ لیا۔ پیٹرول اور ڈیزل کی قیمتوں میں ایک بار پھر اضافہ ہورہا ہے تو اس سلسلے میں آگے مزید فیصلہ کیا جائے گا۔ ابھی ایسی کوئی صورتحال نہیں کہ اس پر فوری کوئی فیصلہ کیا جائے۔ اگر قیمتیں بڑھ رہی ہیں تو مرکزی حکومت اس کے بارے میں ضرور سوچے گی۔ فی الحال یہ کہنا مشکل ہے کہ پٹرول اور ڈیزل کی قیمتیں بڑھیں گی یا کم ہوں گی۔ اس سلسلے میں مرکز کی جانب سے ہی سب کچھ سامنے آئے گا۔ مہنگائی بڑھنے سے عوام کی مشکلات میں کچھ اضافہ ہو جاتا ہے۔ ہوسکتا ہے کہ کچھ دنوں بعد پیٹرول اور ڈیزل کی قیمتیں معمول پر آجائیں۔ اس حوالے سے فوری طور پر کچھ کہنا ممکن نہیں۔

بہار میں کورونا سے مرنے والے لواحقین کو 4 لاکھ کے علاوہ 50 ہزار روپے دیے جا رہے ہیں

کورونا سے مرنے والوں کے لواحقین کو معاوضہ اور خصوصی سہولیات دینے کے سوال پر وزیراعلیٰ نے کہا کہ سال 2020 میں جب لوگوں کی کورونا کی وجہ سے موت ہونی شروع ہوئی، اسی وقت اپریل کے مہینے میں ہم لوگوں نے 4 لاکھ روپے معاوضہ دینے کا فیصلہ کیا۔ اس وقت سے معاوضہ دیا جا رہا ہے۔ اس کے بعد جب مرکزی حکومت نے 50 ہزار روپے دینے کا اعلان کیا تو بہار میں 4 لاکھ کے علاوہ 50 ہزار روپے دیے جا رہے ہیں۔ محکمہ صحت اس بات کی نگرانی کرتا ہے کہ کوئی بھی معاوضے کی رقم کی ادائیگی سے محروم نہ رہے۔ آج بھی بہت سے لوگوں نے بتایا ہے کہ میرے خاندان میں کورونا کی موت ہوئی لیکن معاوضہ نہیں ملا۔ محکمہ صحت ان تمام چیزوں کا جائزہ لے گا تاکہ کوئی بھی معاوضہ کی رقم سے محروم نہ رہے۔ ہماری کوشش ہے کہ کورونا سے متاثرہ تمام خاندانوں کو 4.50 لاکھ روپے کی امداد ضرور ملے۔ یہ عمل مسلسل جاری رہے گا۔ کورونا کی صورتحال پہلے جیسی سنگین نہیں ہے۔ کورونا کے تیسرے مرحلے کے دوران اس کا اثر کم تھا اور یہ مرحلہ بہت جلد ختم ہو گیا۔ بہار میں بڑی تعداد میں کورونا ٹیسٹ کیے جا رہے ہیں۔ بہار میں ملک کی اوسط سے زیادہ کورونا ٹیسٹنگ ہو رہی ہے۔ بہار میں فی 10 لاکھ آبادی کی اوسط جانچ زیادہ ہو رہی ہے۔ ریاستی حکومت کی طرف سے لوگوں کو کورونا ٹیسٹنگ کے حوالے سے مسلسل ترغیب دی جا رہی ہے۔ بہار میں بہت سے لوگوں کو ٹیکے لگائے گئے ہیں۔ کورونا کے علاج کے حوالے سے کہیں بھی کوئی مسئلہ نہیں ہے۔ کورونا کے حوالے سے لوگوں کو متنبہ کیا جاتا ہے کہ اگر کورونا سے متعلق کوئی مسئلہ سامنے آئے تو فوری طور پر ہسپتال جا کر اس کا علاج کروائیں۔ لوگ اب کورونا کے حوالے سے پر اعتماد ہیں لیکن کچھ جگہوں پر کورونا کے معاملے میں اضافہ دیکھا گیا ہے۔ اس حوالے سے سب کو ہوشیار رہنا ہوگا۔ ابھی وزیر اعظم کا بیان بھی آیا ہے کہ سب کو کورونا سے ہوشیار رہنا ہوگا ورنہ خطرہ ہوسکتا ہے۔ کورونا کے لیے ہماری تیاریاں مسلسل جاری ہیں۔ ہم کورونا کے ٹیسٹ کے حوالے سے بھی الرٹ ہیں۔ ہر روز اس کی رپورٹ میرے پاس آتی ہے۔ کچھ دن پہلے، پٹنہ میں کم ٹیسٹنگ ہو رہی تھی، ہم نے جانچ بڑھانے کی ہدایت دی تھی۔

پارلیمنٹ میں منظور شدہ کریمنل پروسیزر (آئیڈنٹی فکیشن) بل کے غلط استعمال سے متعلق ایک سوال کے جواب میں وزیر اعلیٰ نے کہا کہ قانون بنانے کا اختیار مرکزی حکومت اور پارلیمنٹ کے پاس ہے۔ جہاں تک اس قانون کے غلط استعمال کا سوال ہے، پولیس اور انتظامیہ اس پر توجہ دے گی۔ اب اگر قانون میں ترمیم کی بات آئی تو اس کی گائیڈ لائن اور مکمل ہدایات جاری کی جائیں گی۔ آج نئی ٹیکنالوجی آگئی ہے۔ اگر کوئی جرم کرتا ہے تو اس کے بارے میں مکمل جانکاری رکھنی چاہئے، اس سے پتہ چل جائے گا کہ کوئی غلط کام تو نہیں کر رہا۔ انتظامیہ کے لوگ اس پر کاروائی کرتے ہیں۔ اگر انہوں نے اس حوالے سے قواعد میں ترمیم کی ہے تو یہ مرکزی حکومت کا حق ہے۔ یہ اس کے دائرہ میں ہے۔ یہ ریاست کا معاملہ نہیں، جو ایکٹ بنے گا وہ پورے ملک کے لئے ہے۔

دریائے گنگا کی صفائی سے متعلق سوال کے جواب میں وزیر اعلیٰ نے کہا کہ ہم اس میں لگے ہوئے ہیں، ہم اس کا جائزہ لیتے رہتے ہیں۔ بچپن میں جب ہم گنگا میں نہانے بختیار پور جاتے تھے تو وہاں سے پینے کے لیے پانی لاتے تھے۔ ہر طرف سے گندے پانی کے بہاؤ کی وجہ سے آج کل گنگا ندی کے پانی میں خرابی پیدا ہوگیا ہے۔ ہم نے جائزہ لیا ہے کہ کہیں سے گندا پانی گنگا میں نہ جائے تاکہ اس پر تیزی سے کام کیا جاسکے۔ ہم چاہتے ہیں کہ پانی میں کوئی خلل نہ پڑے اور پانی صاف ہو۔ ہم نے گنگا کے پانی کو تین سے چار مقامات تک لے جانے کا منصوبہ بنایا ہے اور کام تیزی سے جاری ہے۔ بارش کے موسم میں گنگا کا پانی تین سے چار مقامات پر چار مہینوں تک ذخیرہ کیا جائے گا، جسے صاف کرکے پینے کے پانی کے طور پر فراہم کیا جائے گا۔ بودھ گیا، گیا، راجگیر اور نوادہ میں پانی کا مسئلہ ہے، اس لیے ان تمام جگہوں کے لیے یہ کام کیا جا رہا ہے۔ لوگ اتنے نیچے سے پانی نکال رہے ہیں، اگر اس سے چھٹکارا مل جائے تو پانی کا لیبل ٹھیک ہو جائے گا۔ ابھی کچھ جگہوں پر شروع کیا گیا ہے، اگر یہ کامیاب ہوا تو مستقبل میں پٹنہ کے لیے بھی اس کا انتظام کیا جائے گا۔

مرکزی سیاست میں شمولیت کے حوالے سے صحافیوں کے سوالوں کے جواب میں وزیر اعلیٰ نے کہا کہ ان باتوں کا کوئی مطلب نہیں ہے۔ آپ جانتے ہیں کہ ہم نجی دورے پر جا رہے ہیں۔ ہم 16 سال سے ریاست کی خدمت کر رہے ہیں۔ جن لوگوں نے ہمیں بہت پہلے سپورٹ کیا ہے، ہم نے اندر سے محسوس کیا کہ جس نے اتنا آگے بڑھایا، ایم پی بنایا، ان سے جاکر ملیں۔ کام تو ہم لوگ پورے بہار کے لئے کام کرتے ہیں، لیکن میری خواہش تھی کہ ہم ایک بار ان سے ملیں۔ درمیان میں کورونا کا تیسرا دور آگیا تھا جس کی وجہ سے تاخیر ہوئی۔ ہم چلچلاتی گرمی میں بھی سفر کر رہے ہیں۔ ہم اپنا سارا کام کرتے رہتے ہیں اور اسی کے ساتھ گھومتے رہتے ہیں۔ سفر کا ایک فائدہ یہ ہے کہ ہم لوگوں کی بڑی تعداد سے ملتے ہیں۔ لوگ بھی خوش ہیں، ہمیں بھی اچھا لگتا ہے۔ کچھ لوگ اس میں اپنے مسائل بھی بتاتے ہیں، ہم سب کی باتیں سنتے ہیں۔ کسی بھی علاقے کی ترقی کے لیے اور بھی کوئی بات  سامنے آتی ہے تواسے دیکھتے ہیں۔ آپ نے دیکھا کہ ہم کتنا آگے بڑھ رہے ہیں۔ آپ میں سے کچھ لوگ وہاں بھی جائیں، ان سے پوچھیں کہ کتنے لوگوں سے ملتے ہیں، کتنا وقت لگتا ہے، لوگ شدید گرمی میں بھی کھڑے ہیں۔ ہم مل کر کام کر رہے ہیں، یہ سب باتیں بیکار ہیں۔ ہم نے یہ بھی نہیں دیکھا کہ کون کیا اور کہاں کی باتیں کرتا رہتا ہے۔ ان سب باتوں پر توجہ دینے کی ضرورت نہیں۔ ان سب کو نظر انداز کریں، یہ کوئی خاص بات نہیں ہے۔

راہل گاندھی جو کام کر رہے ہیں اس حساب سے تو آپ دیکھ ہی رہے ہیں کہ وہ کہاں جا رہے ہیں

کانگریس پارٹی کے لیڈر راہل گاندھی کے ذریعہ کہ انہیں اقتدار میں کوئی دلچسپی نہیں ہے، سوال کا جواب دیتے ہوئے وزیر اعلیٰ نے کہا کہ اپنی پارٹی چلانا ان کا کام ہے۔ اپنی پارٹی کے بارے میں کوئی کیا سوچتا ہے اس میں ہمیں کیا دخل ہے۔ وہ جو کام کر رہے ہیں اس حساب سے تو آپ دیکھ ہی رہے ہیں کہ وہ کہاں جا رہے ہیں۔ جس کو جو من سوکرے. میرا اس پر کوئی ردعمل نہیں ہے۔ جس کو اپنی پارٹی کے بارے میں جو خواہش ہو، جوکرنے کا من کرے سو کرے اس میں ہم کیا کمنٹ کریں گے۔

ذات پات کی مردم شماری کے سوال پر وزیراعلیٰ نے کہا کہ ہم لوگوں کی آپس میں بات چیت ہوئی ہے، سب مصروف تھے۔ ہم پہلے ہی اس کے بارے میں بات کر چکے ہیں۔