سابق مرکزیوزیر آسکر فرنانڈیز کا انتقال

منگلور: سینئر کانگریس لیڈر اور سابق مرکزی وزیر آسکر فرنانڈیز کا پیر کے روز انتقال ہوگیا۔ وہ 80 برس کے تھے۔
مسٹر فرنانڈیز کا جولائی میں ایک حادثے میں زخمی ہونے کے بعد یہاں کےینی پویا اسپتال میں علاج چل رہا تھا۔ وہ آئی س یو میں داخل تھے۔
ان کے کنبے میں اہلیہ اور دو بچے ہیں۔
مسٹر فرنانڈیز کی پیدائش 27 مارچ 1941 میں ہوئی تھی۔ ان کے والد کا نام راک فرنانڈیز اور ماں کا نام لیونسا فرنانڈیز تھا۔ ا ن کی ماں غیر منقسم جنوبی کنڑ ضلع کی پہلی خاتون بنچ مجسٹریٹ تھیں۔
سیاست میں آنے سے قبل انہوں نے لائف انشورنس کارپوریشن آف انڈیا میں کچھ وقت تک نوکریکی۔ اس کے بعد وہ منی پال میں ایک صنعت سے بھی وابستہ ہوئے۔
مسٹر آسکر کانگریس صدر سونیا گاندھی اور پارٹی لیڈر راہل گاندھی کے کافی قریبی تھے۔ انہوں نے سابق وزیراعظم راجیوگاندھی کے پارلیمانی سکریٹری کے طور پر بھی خدمات انجام دیں۔
انہوں نے منموہن سنگھ کابینہ میں ٹرانسپورٹ اور محنت کے محکمے کے وزیر کے فرائض ادا کئے۔ وہ کانگریس کی انتخابی کمیٹی کے صدر بھی رہے۔
انہوں نے کرناٹک کانگریس کے صدر کے طور پر دوباراپنی خدمات دیں۔
انہیں 1998 اور 2004 میں راجیہ سبھا کا رکن منتخب کیا گیا۔ انہوں نے مرکزی وزیر کے طور پر 2004 سے لیکر 2009 تک اپنی خدمات انجام دیں۔ اس دوران انہوں نے وزیر کےطور پر شماریات، نوجوانوں اور کھیل اور مؤثر ہندوستانی امور کےعلاوہ دیگر محکموں کی ذمہ داری سنبھالی۔
مسٹر فرنانڈیز مختلف کھیلوں میں بھی ماہر تھے۔ وہ کچی پڑی رقص اور باصلاحیت میوزیکل انٹرومینٹ پلیئر تھے۔ وہ ہارمونیم بھی کافی اچھا بجاتے تھے۔ کی بورڈ اور طبلہ نوازہونے کے ساتھ ہی وہ کویتائیں بھی لکھتے اور گاتے بھی تھے۔
انہوں نے سینٹ سیسلی کانونٹ اسکول اور ایم جی ایم کالج، اڈوپی سےتعلیم حاصل کی۔

پارٹی اپنے سرپرست اور مرشدسے محروم ہوگئی: کانگریس

کانگریس کے سابق صدر راہل گاندھی، پارٹی کے جنرل سکریٹری کے سی وینوگوپال اور اتر پردیش کی انچارج جنرل سکریٹری پرینکا گاندھی نے پارٹی کے سینئر لیڈر آسکر فرنانڈیز کے انتقال پر اظہار تعزیت کرتے ہوئے کہا کہ پارٹی اپنے ایک عظیم رہنما، سرپرست اور مرشد سے محروم ہوگئی۔
مسٹر راہل گاندھی نے کہا کہ "میں مسٹر آسکر فرنانڈیز کے خاندان اور دوستوں کے تئیں تعزیت کا اظہار کرتا ہوں۔ یہ میرے لیے ذاتی خسارہ کی مانندہے۔ وہ کانگریس پارٹی میں بہت سے لوگوں کے مرشد اور سرپرست تھے۔ ہم انہیں ہمیشہ یاد رکھیں گے اور کانگریس کو آگے لے جانے میں اپنے کردار کے لیے انہیں یاد رکھا جائے گا۔
کانگریس کے جنرل سکریٹری کے سی وینوگوپال نے کہا کہ "کانگریس کےسینئر لیڈر آسکر فرنانڈیز کے انتقال کی خبر سن کر بہت دکھ ہوا۔ وہ تنظیم کے بہت محنتی لیڈر تھے اور ان کے گزرنے سے پیدا ہونے والی خلاء پر ہونا دشوار ہوگا۔ آسکر جی نے ملک اور پارٹی کے لیے بہت بڑا کردارا ادا کیا ہے۔ ان کے اہل خانہ، دوستوں اور حامیوں کے تئيں میری تعزیت۔ "
محترمہ پرینکا گاندھی نے کہا کہ”آسکر جی کے خاندان کے ساتھ قلبی تعزیت۔ آپ ہمارے دل میں ہیں۔ وہ کانگریس پارٹی کے بہترین اور انتہائی وفادار سپاہیوں میں سے تھے۔
کانگریس کے میڈیا سیل کے سربراہ رندیپ سنگھ سورجے والا نے کہا کہ "آسکر فرنانڈیز جی بے مثال مرشد اور سرپرست تھے اور کانگریس کارکنوں سے وابستہ اور ان سے محبت کرتے تھے۔ کانگریس پارٹی کا ایک برگد کا درخت گر گیا۔ شاید ہی کوئی ان جیسا ہو۔ اس عظیم کانگریس لیڈر کو قلبی خراج عقیدت”۔

نائیڈو ، مودی ، راہل نے آسکر فرنانڈیز کے انتقال پر اپنے رنج وغم کا اظہار کیا

نئی دہلی: نائب صدر ایم وینکیا نائیڈو ، وزیر اعظم نریندر مودی ، کانگریس کے سابق صدر راہل گاندھی اور سابق وزیر اعظم منموہن سنگھ نے سابق مرکزی وزیر اور کانگریس لیڈر آسکر فرنانڈیز کو پبلک لیڈر قرار دیا۔ ان لوگوں نے ان کی موت پر ان کے اہل خانہ سے اظہار تعزیت کیا۔
مسٹر فرنانڈیز کا طویل علالت کے بعد پیر کو کرناٹک کے منگلورو میں انتقال ہوگیا۔ ان کی عمر 80 سال تھی۔ اس کے سر پر چوٹ لگنے سے خون جم گیا تھا۔
نائب صدر ایم وینکیا نائیڈو نے راجیہ سبھا کے سینئر رکن آسکر فرنانڈیز کے انتقال پر تعزیت کرتے ہوئے پیر کو ایک پیغام میں مسٹر نائیڈو نے کہا کہ وہ کرناٹک کے ایک مقبول لیڈر تھے اور اپنے فرائض کو ایمانداری سے نبھایا۔
انہوں نے بتایاکہ”راجیہ سبھا کے سینئر رکن مسٹر آسکر فرنانڈیز کے انتقال کے بارے میں سن کر انہیں بہت دکھ ہوا۔ آپ کرناٹک کے ایک مقبول لیڈر تھے جنہوں نے اپنے پارلیمانی فرائض کو ایمانداری سے نبھایا۔ سوگوار خاندان کے اراکین سے دلی تعزیت ۔ "
ممبر پارلیمنٹ مسٹرآسکر فرنانڈیز کے انتقال پر تعزیت کرتے ہوئے مسٹر مودی نے ٹویٹ کیا۔ دکھ کی اس گھڑی میں میری تعزیت اور دعائیں ان کے اہل خانہ کے ساتھ۔ ایشور ان کی آتما کو شانتی دے۔‘‘
مسٹر راہل گاندھی نے کہا کہ "میں مسٹر آسکر فرنانڈیز کے خاندان اور دوستوں کے ساتھ تعزیت کا اظہار کرتا ہوں۔ یہ میرے لیے ذاتی نقصان ہے۔ وہ کانگریس پارٹی میں بہت سے لوگوں کے رہنما اور سرپرست تھے۔ ہم انہیں ہمیشہ یاد رکھیں گے اور کانگریس کو آگے لے جانے میں ان کی شراکت کے لیے انہیں یاد رکھا جائے گا۔
ڈاکٹر منموہن سنگھ نے کہا کہ "ہمارے پیارے لیڈر آسکر فرنانڈیز کی اچانک اور بے وقت موت کے بارے میں سن کر بہت دکھ ہوا۔ وہ بہت محنتی ، خوش مزاج اور مقبول تھے اور اس کی وجہ سے وہ کرناٹک میں کانگریس پارٹی کے ایک عظیم لیڈر بن گئے۔ انہوں نے کانگریس کے اہم فیصلوں میں اہم کردار ادا کیا ہے۔ ملک اور خاص طور پر کرناٹک کے لیے ان کی خدمات کو ہمیشہ یاد رکھا جائے گا۔