ایم ایل اے فلیٹ کی تعمیرکو جلد ازجلد مکمل کرائیں:نتیش

پٹنہ: وزیر اعلیٰ نتیش کمارنے آج گردنی باغ میں زیر تعمیر ’وزراءکی رہائش گاہ‘ کا معائنہ کیا ۔ معائنہ کے دوران وزیر اعلیٰ نے کہا کہ وزرا کی رہائش بہتر تعمیر ہوئی ہے ۔ پورے احاطہ میں ہریالی کا منظر رہے اس سلسلہ میں چہار دیواری کے قرب و جوار میں پودے بھی لگائے جائیں ۔ اس رہائش میں رہنے کی تمام سہولتیں ہیں ۔ ساتھ ہی احاطہ میں ہی سکیورٹی گارڈ اور اسٹاف کے بھی رہنے کا انتظام کیا گیا ہے ۔ انہوں نے کہا کہ اس کو جلد سے جلد حوالے کریں ۔

وزیراعلیٰ نتیش کمار عدالت گنج تالاب میں لیزر شو سےلطف اندوز ہوئے

اس کے بعد وزیر اعلیٰ نے گردنی باغ میں زیر تعمیر ’باپو ٹاور‘کا معائنہ کیا ۔ معائنہ کے دوران وزیر اعلیٰ کو تعمیر کے کام سے متعلق تفصیلی معلومات فراہم کرائی گئی ۔ افسران نے بتا یا کہ مئی 2022 تک اسے مکمل کر لیا جائے گا ۔ وزیر اعلیٰ نے معائنہ کے دوران کہا کہ باپو ٹاور کی تعمیر جلد مکمل کرائیں ۔ اس کی تعمیر جلد مکمل ہو نے سے باپو کے بارے میں ہم لوگ ایک ایک چیزوں کو نئی نسل کو بتا سکیں گے ۔ اس احاطہ میں سبز علاقہ بھی ڈپولپ کریں ۔ انہوں نے کہا کہ جب باپو ٹاور بن کر تیار ہو جائے تو بہت بہتر نظر آئے گا اور لوگ یہاں آکر باپو کے بارے میں دیگر معلومام حاصل کر سکیں گے ۔
باپو ٹاور کے معائنہ کے بعد وزیر اعلیٰ نے زیر تعمیر ایم ایل اے فلیٹ کا معائنہ کیا ۔ وزیر اعلیٰ نے ہدایت دیتے ہوئے کہا کہ 1سے 243 اسمبلی علاقوں کی تعداد کے مطابق تمام ممبران اسمبلی کو رہائش الاٹ کی جائے گی ۔ اس میں ہر طرح کی سہولتیں مہیا ہوں گی ۔ ایم ایل اے فلیٹ کی تعمیر تیزی سے مکمل کرائیں ۔
ایم ایل اے فلیٹ کے معائنہ کے بعد وزیر اعلیٰ حسن کاری کیے گئے عدالت گنج تالاب پہنچے اور وہاں کیے گئے ترقیاتی کاموں کی معلومات حاصل کی ۔وزیر اعلیٰ نے کہا کہ کل ہی اسکا افتتاح ہوا ہے ۔ مجھے بہت اچھالگا اس لیے میں آج یہاں آیا ہوں ۔ وزیر اعلیٰ نے عدالت گنج تالاب احاطہ میں لیزر شو کا لطف لیا ۔ وزیر اعلیٰ نے شہری ترقیات محکمہ کے افسران کو ہدایت دیتے ہوئے کہا کہ اس تالاب میں صاف پانی کا انتظام رکھیں اور اس کی مقدار اور بڑھائیں ۔ جو گندا ہو جاتا ہے ، اسے باہر نکالنے کا انتظام کریں ۔احاطہ میں لوگوں کے ٹہلنے کا انتظام کریں ۔
معائنہ کے دوران تعلیم کے وزیر وجئے کمار چودھری ، عمارت تعمیرات کے وزیر اشوک چودھری، وزیر اعلیٰ کے پرنسپل سیکریٹری مسٹر دیپک کمار ، وزیر اعلیٰ کے پرنسپل سیکریٹری مسٹر چنچل کمار ، شہری ترقیات و رہائش محکمہ کے پرنسپل سیکریٹری مسٹر آنند کشور ،وزیر اعلیٰ کے سیکریٹری مسٹر انوپم کمار ، وزیر اعلیٰ کے او ایس ڈی مسٹر گوپال سنگھ ،ڈی ایم مسٹر چندر شیکھر سنگھ ، ٹاؤن کمشنر مسٹر انیمیش پراشر ، ایس ایس پی مسٹر اوپندر شرما سمیت دیگر سینئر حکام موجود تھے ۔

نتیش کمار نے مندری نالے پر شروع کیے گئے ترقیاتی کام کا معائنہ کیا

دریں اثناء وزیر اعلیٰ نتیش کمارنے آج ہوٹل پاٹلی پتراشوکا کے بغل کے راستے ہوتے ہوئے مزار کے پاس سے نہرو روڈ ہو تے ہوئے مندری نالے کے علاقہ کا دورہ کیا ۔ وزیر اعلیٰ کے مندری علاقہ میں پہنچنے پر لوگوں میں زبر دست جوش و خروش نظر آیا اور نعرے لگاکر مندری علاقہ میں شروع کیے گئے ترقیاتی کام کے لیے وزیر اعلیٰ کا شکریہ ادا کیا ۔ وزیر اعلیٰ نے مندری نالے پر شروع کیے گئے ترقیاتی کام کا جائزہ لیا ۔ وزیر ا علیٰ نے مندری ڈرنیج پمپنگ پلانٹ کا معائنہ کر کے مندری نالے پر ہو نے والے سڑک کی تعمیر کے کام کے بارے میں شہری ترقیات و رہائش محکمہ کے پرنسپل سیکریٹری مسٹر آنند کشور سے تفصیلی معلومات حاصل کی ۔انہوں نے مندری نالے پر ہو نے والی سڑک کی تعمیر کے کام کے بارے میں بھی شہری ترقیات و رہائش محکمہ کے حکام کوئی کئی ہدایتیں دیں ۔ واضح رہے کہ وزیر اعلیٰ جناب نتیش کمار نے گزشتہ روز (کل) پٹنہ اسمارٹ سٹی مشن کے تحت مندری نالا کے ڈیولپمنٹ کے کام کے پروجیکٹ کا سنگ بنیاد رکھا تھا ۔
وزیر اعلیٰ نے افسران کو ہدایت دیتے ہوئے کہا کہ گنگا ندی میں شہر کا گندا پانی نہ جائے اس کا انتظام یقینی بنائیں ۔ مندری نالے کے پانی کو ٹریٹیڈ کر کے پائپ کے توسط سے شہر کے باہر آبپاشی کے کام کے لیے استعمال میں لایا جائے ۔ شہری ترقیا ت و رہائش محکمہ ،آبی وسائل محکمہ کے ساتھ مل کر اس پر تیزی سے کام شروع کریں ۔
وزیر اعلیٰ نے کہا کہ مندری نالے پر تعمیر ہو نے والی سڑک کو اشوک راج پتھ کے بعد ایلیویٹیڈ کر کے جے پی گنگا پتھ سے ملا دیا جائے گا ۔ اس کے جے پی گنگا پتھ سے جڑنے سے کئی روٹ کے لوگوں کے لیے آمدو رفت اور آسان ہو گی ۔ انہوں نے کہا کہ مندری نالے پر تعمیر ہو نے والی سڑک سے لوگوں کی آمدورفت میں بہت سہولت ہو گی اور اس علاقہ کی اور ترقی ہو گی ۔
معائنہ کے دوران وزیر اعلیٰ کے پرنسپل سیکریٹری مسٹر دیپک کمار ، وزیر اعلیٰ کے پرنسپل سیکریٹری مسٹر چنچل کمار ، شہری ترقیات و رہائش محکمہ کے پرنسپل سیکریٹری مسٹر آنند کشور ،وزیر اعلیٰ کے سیکریٹری مسٹر انوپم کمار ، وزیر اعلیٰ کے او ایس ڈی مسٹر گوپال سنگھ ،ڈی ایم مسٹر چندر شیکھر سنگھ ، ٹاؤن کمشنر مسٹر انیمیش پراشر ، ایس ایس پی مسٹر اوپندر شرما سمیت دیگر سینئر حکام موجود تھے ۔