ذات پر مبنی مردم شماری سے لوگوں کی معاشی حالت معلوم ہوگی اور ہوگی ترقی:نتیش

پٹنہ: وزیر اعلیٰ نتیش کمار نے آج سمادھان یاترا کے دوران سیتامڑھی اور شیوہر اضلاع میں مختلف محکموں کے تحت جاری ترقیاتی اسکیموں کا جائزہ لیا۔وزیر اعلیٰ نے شیوہر ضلع میں واقع پپراہی بلاک کے شیخ بسہیا گاو ¿ں کے وارڈ نمبر 11 میں جاری ترقیاتی کاموں کا معائنہ کیا۔ معائنہ کے دوران وزیراعلی نے گلشن جیویکاسیلف ہیلپ گروپ کی مدد سے کھولے گئے رافعہ جنرل اسٹور، انٹیگریٹڈ چائلڈ ڈیولپمنٹ پروجیکٹ پپراہی، وزیراعلی رورل سولر اسٹریٹ لائٹ اسکیم، اسمارٹ پری پیڈ میٹر وغیرہ جیسے ترقیاتی کاموں کے بارے میں افسران سے مکمل معلومات لیں۔ "بہار مہادلت ڈیولپمنٹ مشن” کے تحت چلائے جانے والے "شاردا کشوری گروپ "سے وابستہ خواتین،گاﺅں کے لوگ اور مختلف معذور افراد نے اپنے مسائل وزیر اعلیٰ کے سامنے پیش کیے، جس کے لیے وزیر اعلیٰ نے متعلقہ محکموں کے افسران کو انہیں حل کرنے کی ہدایت دی۔
وزیر اعلیٰ نے تختی کی نقاب کشائی اور ربن کاٹ کر گورنمنٹ انجینئرنگ کالج شیوہر (چھتونا وشن پور) کا افتتاح کیا۔ افتتاح کے بعد وزیراعلیٰ نے گورنمنٹ انجینئرنگ کالج کا معائنہ کیا۔ معائنہ کے دوران وزیر اعلیٰ نے کلاس روم، ایڈمنسٹریٹیو بلاک،انوائرنمینٹ انجینئرنگ لیبارٹری، گرلز ہاسٹل، میس وغیرہ کودیکھا اور افسران کو کئی ہدایات دیں۔ انہوں نے کہا کہ اس گورنمنٹ انجینئرنگ کالج کیمپس میں طلبا اور طالبات کے لئے کھیلوں کی سہولیات ،ہر ہفتہ اور اتوار کو فلم دیکھنے کی سہولیات کو یقینی بنایا جائے۔ کھیل بہت ضروری ہے، اس سے نوجوانوں کی جسمانی اور ذہنی نشوونما میں مدد ملتی ہے۔ مین روڈ سے اس انجینئرنگ کالج تک آسان آمدورفت کے لیے سڑک بنائیں۔ کالج کی عمارت کی باقاعدہ صفائی اور مینٹننس ہونی چاہیے۔ طلبہ کلاس روم میں آرام سے بیٹھ کر پڑھ سکیں، اس بات کا خاص خیال رکھیں، پروفیسرز اور اسٹاف کے ساتھ ساتھ طلبہ کی پڑھائی اور رہائش کا بھی انتظام ہونا چاہئے۔مقامی لوگوں کے مطالبہ پر وزیراعلی نے گورنمنٹ انجینئرنگ کالج شیوہر کے قریب واقع خواتین کے صنعتی ٹریننگ انسٹی ٹیوٹ میں گرلس ہاسٹل اور شیوہر پولی ٹیکنک انسٹی ٹیوٹ کی چہار دیواری تعمیر کرنے کی افسران کو ہدایت دی۔ وزیر اعلیٰ نے گورنمنٹ انجینئرنگ کالج شیوہر کے احاطے میں پودا لگایا۔ مقامی عوامی نمائندے اورلیڈروں نے وزیر اعلیٰ کو پھولوں کا ہار پہنا کر خوش آمدید کہا۔

معائنہ کے بعد شیوہر میں نامہ نگاروں سے بات کرتے ہوئے وزیر اعلیٰ نے کہا کہ ہم لوگوں نے بہار کے تمام اضلاع میں انجینئرنگ کالج کھولنے کا فیصلہ کیا تھا۔ اسی سلسلے میں شیوہر میں ایک انجینئرنگ کالج بن کر تیار ہوگیاہے۔ ہم یہاں دیکھنے کے لئے آئے ہیں شیوہر میں انجینئرنگ کالج بہت اچھی طرح سے بنایا گیا ہے۔ انجینئرنگ کالج کا معائنہ کرنے کے بعد ہم نے حکام کو کچھ چیزوں کے بارے میں مشورہ دیا ہے۔ یہاں پر تعلیم حاصل کرنے والے لڑکوں اور لڑکیوں کے لیے ہر قسم کی سہولتیں ہونی چاہئے۔ کھیلوں کا انتظام بھی ضروری ہے۔ عمارت کا مینٹیننس بھی ہوتے رہنا چاہئے تاکہ کسی کو کسی قسم کی پریشانی کا سامنا نہ کرنا پڑے۔ ہم نے مشورہ دیا ہے کہ بچے اور بچیوں کے فلم دیکھنے کا انتظام کیمپس میں ہی کرا دیجئے۔نوجوانی کی عمر میں ہی لوگوں کوفلمیں دیکھنے کی عادت ہوتی ہے، اس لیے کسی کو اس کے لیے باہر نہیں جانا پڑے، وہ وہ یہیں پر دیکھ لیں۔ ہفتہ اور اتوار کو ہی فلمیں دیکھنے کا انتظام کیجئے۔جب ہم پڑھتے تھے تو فلمیں دیکھنے جایا کرتے تھے۔ہم لوگ پہلے سے بھی یہاں آکر ایک ایک چیز کو دیکھتے رہے ہیں۔ ہم نے طے کیا کہ ایک بار پھر چل کر دیکھ لیں کہ ترقیاتی کام کیسے چل رہا ہے۔
ریگا شوگر مل بند ہونے سے کسانوں کو درپیش مسائل کے سوال پر وزیراعلیٰ نے کہا کہ ہم لوگ چاہتے ہیں کہ مل دوبارہ شروع ہو۔ مل کے مالک چلے گئے ہیں، اس لیے ہم چاہ رہے ہیں کہ نئے لوگ اسے چالو کریں۔ ہم نے اس سلسلے میں انتظامی افسران کو بھی ہدایات دے دی ہیں۔ شوگر مل بند ہونے سے کسانوں کو شدید پریشانی ہوجاتی ہے۔گنے کو دوسری جگہوں پر جاکر فروخت کرنے کے لیے حکومت کی طرف سے انتظامات کرنا الگ بات ہے۔ پہلے ریگا شوگر مل بہت اچھی طرح سے چلتی تھی لیکن اب اس کا مالک بھاگ گیا ہے۔ ہم لوگ چاہ رہے ہیں ہے کہ دوسرا کوئی اس مل کو شروع کرے۔ وزیر اعلیٰ نے کہا کہ بیلوا پشتہ کی تعمیر کا کام بھی چل رہا ہے۔ ڈیم کے اوپر سڑک بنائی جائے گی تاکہ لوگوں کو آنے جانے میں آسانی ہو۔
بہار میں کل سے ذات پر مبنی مردم شماری شروع کرنے کے سوال پر، وزیر اعلیٰ نے کہا کہ ذات کی بنیاد پر مردم شماری کل سے شروع ہو رہی ہے۔ ذات کی شماری بہتر طریقہ سے ہو اس حوالے سے ملازمین کو ٹریننگ دی گئی ہے۔ گنتی کے کام میں مصروف تمام ملازمین ہر گھر میں جائیں گے اور ہر چیز کے بارے میں معلومات حاصل کریں گے۔ کئی بار لوگ ذات کی بجائے اپنی ذیلی ذات بتاتے ہیں۔ ایسی صورتحال میں اس کے بغل میں رہنے والے شخص سے ذات کے متعلق معلومات حاصل کی جائیں گی۔ اگر تمام لوگ اپنی ذات کے حوالے سے صحیح معلومات دیں تو اس کی شماری بہتر طریقہ سے ہو سکتی ہے۔ ذات کا حساب بہت اچھا ہو گا۔ ہم نے کہا ہے کہ اگر یہاں کا کوئی شخص باہر رہ رہا ہے تو اس کے ساتھ بھی مناسب رابطہ ہونا چاہیے۔ اس سے تمام ذاتوں کی تعداد صحیح معنوں میں شمار ہوگی۔ اس کے ساتھ پوری ریاست کی آبادی شمار کی جائے گی۔ حکومت کو عوام کی معاشی حالت سے بھی آگاہ کیا جائے گا۔ لوگوں کی معاشی حالت جاننے سے ان کی ترقی کے منصوبے شروع کرنے میں مدد ملے گی، اس سے لوگوں کو فائدہ ہوگا اور علاقے کی ترقی ہوگی۔اگر کوئی غریب ہے تو اس کے لیے کیا کیا جائے؟ یہ تمام معلومات ہوجائے گی۔ نہ صرف ذات کی گنتی کی جا رہی ہے بلکہ ان کی معاشی حالت کا بھی سروے کیا جائے گا۔ اس سے حکومت کو ہر ایک بات کا پتہ چل جائے گا کہ مستقبل میں اور کون سے کام کرنے چاہئیں تاکہ تمام لوگوں کی ترقی ہو سکے۔ ہم چاہتے تھے کہ قومی سطح پر ذات پر مبنی مردم شماری ہو لیکن وہ لوگ راضی نہیں ہوئے، اس لیے ہم لوگوں نے اپنی سطح سے بہار میں مردم شماری کرانے کا فیصلہ کیا۔ یہاں ذات پر مبنی مردم شماری مکمل ہونے کے بعد ہم مرکز کو بھی مطلع کریں گے۔ یہ ملک کی ترقی اور سماج کے ہر طبقے کی ترقی میں بہت مدد ملے گی۔
شیوہر ضلع میں معائنہ کے بعد، وزیر اعلیٰ نے سیتامڑھی ضلع کے تحت بلاک ڈمرا میں راگھو پور بکھری میں واقع سرکاری امبیڈکر رہائشی اسکول کا معائنہ کیا۔ معائنہ دوران وزیراعلیٰ نے بوائز ہاسٹل، لائبریری، اسمارٹ کلاس، میس، کلاس روم وغیرہ کو دیکھا۔ وزیراعلیٰ نے زیر تعلیم طلبائ سے ملاقات کی اور ان کی تعلیم، رہائش اور دستیاب دیگر سہولیات کے بارے میں مکمل معلومات حاصل کیں۔ وزیراعلیٰ نے کہا کہ اس بات کا خاص خیال رکھا جائے کہ طلبائ کو کسی قسم کی پریشانی کا سامنا نہ کرنا پڑے۔
اسکول کی ٹیچرس نے وزیر اعلیٰ کو مدھوبنی پینٹنگ پیش کر کے ان کا استقبال کیا۔ وزیر اعلیٰ نے وزیراعلی رہائش منصوبہ (دیہی) کے دو مستفیدین پھول کماری دیوی اور مسٹر رنجیت کمار کو سرٹیفکیٹ دیا۔

صحافیوں سے بات کرتے ہوئے وزیر اعلیٰ نے کہا کہ مہادلت برادری کے بچوں کو ہاسٹل میں رکھا جاتا ہے اور یہاں تعلیم دی جاتی ہے۔ بانکا ماڈل کی بنیاد پر بچوں کوا سمارٹ کلاسز میں پڑھایا جاتا ہے۔ اس رہائشی اسکول میں تعلیم کے بہتر انتظامات کیے گئے ہیں یہ دیکھنے ہم آئے ہیں۔ اس قسم کے اسکول دیہی علاقوں کی تصویر بدل دیں گے۔ بچے پڑھیں گے تب ہی ان کے پاس علم ہوگا اور وہ آگے بڑھیں گے۔ ہم ہمیشہ کہتے رہتے ہیں کہ بچوں کو پڑھانا بہت ضروری ہے۔ لڑکوں کے ساتھ لڑکیوں کو بھی پڑھانا ہے۔ پہلے تو کچھ نہیں تھا لیکن اب یہاں کتنی اچھی پڑھائی ہو رہی ہے۔مجھے یہ دیکھ کر مجھے اچھا لگ رہا ہے۔
وزیر اعلیٰ نے سیتامڑھی ضلع کے ڈومرا بلاک میں واقع برواس پنچایت میں چل رہے ترقیاتی کاموں کا معائنہ کیا۔ اس دوران "وکاس جیویکا مہیلا گرام سنگٹھن "برواس سے وابستہ جیویکا دیدیوں میں مسلسل روزگار منصوبہ اسکیم کی کٹ تقسیم کی۔ وزیراعلی نے” وزیراعلیٰ اقلیتی روزگار قرض” اسکیم کے 4 مستفیدین کو علامتی چیک سونپا۔ وزیر اعلیٰ نے برواس پنچایت میں چلائی جارہی مختلف اسکیموں کے تحت سہولیات کے بارے میں گاو ¿ں والوں سے جانکاری حاصل کی اور ان کے مسائل بھی سنے۔ وزیر اعلیٰ نے ضلع مجسٹریٹ کو گاو ¿ں والوں کے مسائل حل کرنے کی ہدایت دی۔ڈسٹرکٹ گیسٹ ہاو ¿س سیتامڑھی میں مقامی عوامی نمائندوں اور لیڈروں نے وزیر اعلی کو گلدستے پیش کر کے استقبال کیا۔
اس موقع پر بہار قانون ساز کونسل کے چیرمین دیوش چندر ٹھاکر، مالیات،کمرشیل ٹیکس اور پارلیمانی امور کے وزیر وجے کمار چودھری، آبی وسائل کے وزیر سنجے کمار جھا، عمارت تعمیرات کے وزیر اشوک چودھری، اقلیتی فلاح کے وزیراور سیتامڑھی اور شیوہر ضلع انچارج وزیرمحمد زمان خان، سائنس اور ٹیکنالوجی کے وزیر سمیت کمار سنگھ، ایم پی سنیل کمار پنٹو، ایم ایل اے پنکج کمار مشرا، ایم ایل اے دلیپ رائے، ایم ایل اے چیتن آنند۔ ، ایم ایل سی رامیشور مہتو، ایم ایل سی خالد انور، ایم ایل سی محترمہ ریکھا کماری، سابق وزیر مسزرنجو گیتا، سابق ایم پی رام کمار شرما، وزیر اعلی کے پرنسپل سکریٹری مسٹر دیپک کمار، ڈی جی پی مسٹر آر ایس ایس۔ بھٹی، ڈیولپمنٹ کمشنر مسٹر وویک کمار سنگھ، وزیراعلیٰ کے پرنسپل سکریٹری ڈاکٹر ایس سدھارتھ، ماحولیات، جنگلات اور آب و ہوا کی تبدیلی کے پرنسپل سکریٹری، مسٹر اروند کمار چودھری،وزیراعلی کے سکریٹری انوپم کمار، سکریٹری سائنس اور ٹیکنالوجی مسٹر لوکیش کمار سنگھ، سکریٹری تعمیرات مسٹر کمار روی، سکریٹری ایس سی ، ایس ٹی بہبود مسٹر دیوش سہرا، سکریٹری دیہی ترقیات مسٹر بالا مروگن، وزیراعلی کے اوایس ڈی مسٹر گوپال سنگھ، کمشنر ترہت ڈویژن مسٹر گوپال مینا،ڈی ایم سیتامڑھی مسٹر منیش کمار مینا، ڈی ایم شیوہر مسٹر مکل کمار گپتا، ایس پی سیتامڑھی مسٹر ہرکیشور رائے، ایس پی شیوہر مسٹر اننت کمار رائے اور دیگر معززین اور سینئر افسران موجود تھے