بہار اسمبلی میں 261885.40 کروڑ کا بجٹ پیش، تعلیم وصحت پر زور

پٹنہ، (شیث احمد): بہار کے وزیر خزانہ وجے چودھری نے منگل کو 24-2023 کا بجٹ پیش کیا۔ بجٹ کے حجم میں گزشتہ سال کے مقابلے میں 10 فیصد اضافہ کیا گیا ہے۔ اس بجٹ میں خواتین کو معاشی طور پر بااختیار بنانے کا اقدام اٹھایا گیا ہے جس میں نوجوانوں کو ملازمتوں اور ملازمتوں میں ترجیح دی گئی ہے۔
گزشتہ سال کی طرح اس مرتبہ بھی تعلیم حکومت کی ترجیح ہے۔ اس بار تعلیمی بجٹ کو بڑھا کر 40,450.91 کروڑ روپے کر دیا گیا ہے۔ پچھلی بار تعلیم کا بجٹ 39191.87 کروڑ روپے تھا۔ اگر اس بار پورے بجٹ میں تعلیم کے حصے کی بات کی جائے تو یہ 22 فیصد ہے۔

حاشیئے کے لوگوں تک ترقی کو پہنچانا حکومت کا عزم، نوجوانوں کے روزگار و خواتین اختیارکاری پر توجہ: وجے کمار چودھری

دوسری جانب محکمہ صحت کو تعلیم کے بعد دوسرے نمبر پر توجہ دی گئی ہے۔ صحت کے لیے اس بار 16966.42 کروڑ روپے کا بجٹ مختص کیا گیا ہے جو تقریباً پچھلے سال کے برابر ہے۔ اور اس بار محکمہ زراعت کا بجٹ آدھا کر دیا گیا ہے۔ پچھلی بار جہاں محکمہ زراعت کا بجٹ 7712.30 کروڑ تھا۔ اس بار اسے گھٹا کر 3639.78 کروڑ کردیا گیا ہے۔
اقلیتوں کے لئے کل 635.90 کروڑ روپئے کا بجٹ مختص کیا گیا ہے۔ جو کہ تقریبا گذشتہ سال کے برابر ہے۔

بجٹ میں نوجوانوں کو 10 لاکھ نوکریاں دینے کے عزم کا اعادہ

اقلیتوں کے لئے بجٹ میں کل 635.90 کروڑ روپئے مختص

) بہار کے وزیر خزانہ وجے کمار چودھری نے انصاف کے ساتھ ترقی کے ہدف کو حاصل کرنے کے لیے تعلیم، صحت، سڑک اور دیگر شعبوں پر زوردیتے ہوئے آج ریاستی قانون ساز یہ کے دونوں ایوانوں میں مالی سال 24-2023 کے لیے 2 لاکھ 61 ہزار 885.40 کروڑ روپے کا بجٹ پیش کیا۔

منگل کو مقننہ کے دونوں ایوانوں میں بجٹ پیش کرنے کے بعد مسٹر چودھری نے ایک پریس کانفرنس میں کہا کہ بہار حکومت انصاف کے ساتھ ترقی کے لئے پوری طرح پابند ہے اور بجٹ بھی اسی جذبے سے تیار کیا گیا ہے۔ بجٹ میں تعلیم، سڑکوں، توانائی، صحت، دیہی ترقی اور سماجی بہبود پر خصوصی توجہ دی گئی ہے۔ انہوں نے بتایا کہ مالی سال 2023-24 کے اخراجات کا کل تخمینہ 261885.40 کروڑ روپے ہے جو کہ مالی سال 2022-23 کے 237691.19 کروڑ روپے کے بجٹ تخمینہ سے 24194.21 کروڑ روپے زیادہ ہے۔

وزیر خزانہ نے کہا کہ مالی سال 24-2023 میں اسٹبلشمنٹ اور کمٹڈ اخراجات کا بجٹ تخمینہ 161855.67 کروڑ روپے ہے جو کہ مالی سال 23-2022 کے 137460.94 کروڑ روپے کے بجٹ تخمینہ سے 24394.72 کروڑ روپے زیادہ ہے۔ انہوں نے بتایا کہ مالی سال 24-2023 کے لیے سالانہ اسکیم کا کل بجٹ تخمینہ ایک لاکھ کروڑ روپے ہے، جو مالی سال 23-2022 کے بجٹ تخمینہ کے برابر ہے۔

مسٹر چودھری نے بتایا کہ گڈ گورننس پروگرام 2020-2025 کے تحت، خود کفیل بہار کے سات عزئم – دو کے تحت، مالی سال 24-2023 میں مختلف محکموں کے لیے مجموعی طور پر پانچ ہزار کروڑ روپے کے بجٹ کا انتظام کیا گیا ہے۔ انہوں نے بتایا کہ اس بجٹ میں بھی تعلیم کے شعبے کے لیے سب سے زیادہ 39191.87 کروڑ روپے تجویز کی گئی ہے۔

نوجوانوں کو روزگار فراہم کرنے اور انہیں خود انحصار بنانے کی سمت میں بجٹ میں کئی اقدامات کیے گئے ہیں۔ حکومت نے ایک بار پھر بجٹ میں نوجوانوں کو 10 لاکھ نوکریاں دینے کے عزم کا اعادہ کیا ہے۔ حکومت نے اعداد و شمار جاری کرتے ہوئے بتایا ہے کہ اس سال ریاست کے تین کمیشنوں کے ذریعے مختلف اسکولوں اور کالجوں میں تقریباً 64 ہزار اور تقریباً 2.66 لاکھ نئی تقرریاں کی جائیں گی، جبکہ 13571 تقرریوں کا عمل جاری ہے۔

بجٹ کے اخراجات میں ایک بار پھر حکومت کی توجہ سی ایم نتیش کمار کے ڈریم پروجیکٹ سات نشچے (سات عزائم) پر ہے۔ اس میں بنیادی طور پر یوتھ پاور، خواتین کو بااختیار بنانا، ہر کھیت کو پانی، شفاف گاؤں، صاف شہر اور سب کے لیے صحت کو مرکز میں رکھا گیا ہے۔ خواتین کو بااختیار بنانے کے لیے خواتین کی کاروباری صلاحیت کو فروغ دینے کے لیے جیویکا کا دائرہ وسیع کیا گیا ہے۔
حکومت کے بجٹ میں اس بار کوئی بڑا نیا اعلان نہیں کیا گیا۔ جو اسکیمیں پہلے سے زمین پر ہیں ان کو ایک بار پھر دہرایا گیا ہے۔ چاہے وہ زراعت ہو، صنعت ہو یا انفراسٹرکچر۔ سب کی توجہ منصوبوں کی تکمیل پر مرکوز ہے۔

حکومت بہار نے بجٹ میں 10 لاکھ نوکریاں دینے کے وعدے کو دہرایا۔ وزیر خزانہ وجے چودھری نے بی پی ایس سی سے پولیس میں بمپر بھرتیوں کا اعلان کیا۔ وزیر خزانہ نے کہا کہ بی پی ایس سی میں 49 ہزار، بی ٹی ایس سی میں 12 ہزار اور بی ایس ایس سی میں 29 سو آسامیاں ہوں گی۔ پولیس میں مختلف آسامیوں پر 75 ہزار بھرتیاں کی جائیں گی۔ انہوں نے محکمہ تعلیم میں نئی بھرتیوں پر بھی بات کی۔
بجٹ میں روزگار، تعلیم، صحت اور خواتین پر توجہ دی گئی۔ اس بار وزیر خزانہ سرخ کی بجائے میرون رنگ کا سوٹ کیس لے کر اسمبلی پہنچے۔ انہوں نے بہار کو خصوصی درجہ دینے کا مطالبہ کیا۔
گزشتہ سال کے مقابلے 24 ہزار کروڑ کا زیادہ بجٹ پیش کیا گیا ہے۔ مالی سال 24-2023 میں 2 لاکھ 61 ہزار 885 کروڑ کا بجٹ پیش کیا۔ سال 23-2022 میں بجٹ 2,37,691 کروڑ تھا۔

بجٹ پیش کرنے کے بعد نامہ نگاروں کو خطاب کرتے ہوئے وزیرخزانہ وجے کمار چودھری نے بہار کو خصوصی ریاست کا درجہ دیئے جانے کی مانگ دہرائی اور کہا کہ مرکز سے تمام منصوبوں میں 90:10 کے تناسب سے ریاست کو حصہ ملنا چاہئے۔