بہار اسٹیٹ مدرسہ ایجوکیشن بورڈکے فوقانیہ ومولوی امتحانات کے نتائج کااعلان ، کامیاب طلباءو طالبات کو چیئر مین مسٹر سلیم پرویز نے مبارکباد پیش کی

پٹنہ : فوقانیہ امتحان(مساوی میٹرک) اور مولوی امتحان (مساوی انٹرمیڈیٹ)کے نتائج کاآج مسٹر سلیم پرویز چیئر مین مدرسہ بورڈ نے بورڈ کی ویب سائٹ ۔www.bsmeb.orgپر جاری کیا۔اس موقع پر مسٹر سلیم پرویز چیئر مین مدرسہ بورڈ نے کہا کہ مدرسہ بورڈ نے پہلی مرتبہ جدید ترمیم شدہ نصاب تعلیم کے مطابق فوقانیہ اور مولوی سائنس، مولوی کامرس ،مولوی آرٹس اور مولوی اسلامیات اسٹریم کے امتحانات کا انعقاد خوشگوار ماحول میں سخت حفاظتی انتظامات میں کرایا۔ مدرسہ بورڈ کا نصب العین ہے کہ مدارس میں زیر تعلیم طلبا و طالبات کو تدریسی امور سے متعلق تمام تر سہولیات فراہم کئے جائیں۔
مسٹر سلیم پرویز چیئر مین مدرسہ بورڈ نے تفصیلی طور پر بتایا کہ درجہ فوقانیہ امتحان 2023 میں کل طلبا و طالبات کی تعداد58364 ہے جس میں طلبا کی تعداد 19600اور طالبات کی تعداد38764ہے۔ان میںسے کامیاب طلبا و طالبات کی تعداد52896(90.63%)ہے اور ناکام طلبا و طالبات کی تعداد561ہے ۔ واضح ہو کہ فوقانیہ امتحان میں غیر مسلم(ہندو) طلبا و طالبات کی کل تعداد16ہے جس میں سے کل13 امیدوار کامیاب ہوئے۔
فرسٹ ڈویزن سے کامیاب ہونے والے امیدواروں کی تعداد16606(31.39%)ہے۔ جس میں طلبا کی تعداد5918(34.95%)اور طالبات 10688 (29.72%)ہے۔ سکنڈ ڈویزن سے کامیاب امیدواروں کی تعداد36134 (68.31%)ہے جس میں طلباکی تعداد10969 (64.79%)طالبات کی تعداد۔25165(69.97%) ہے جب کہ تھر ڈ ڈویزن سے کامیاب ہونے والے امیدواروں کی تعداد156ہے۔
درجہ مولوی امتحان 2023 چار اسٹریم (مولوی اسلامیات، مولوی آرٹس ،مولوی سائنس اور مولوی کامرس)پر مشتمل ہے جن میں اسلامیات اسٹریم میں کل طلبا و طالبات کی تعداد8408ہے ، جس میں کامیاب طلبا و طالبات کی تعداد7834(93.17%)ہے۔ فرسٹ ڈویزن سے کامیاب ہونے والے امیدواروں کی تعداد1835(23.42%)،سکنڈ ڈویزن سے کامیاب امیدواروں کی تعداد5873 (74.97%)ہے۔جب کہ تھر ڈ ڈویزن سے کامیاب ہونے والے امیدواروں کی تعداد126ہے۔
آرٹس اسٹریم میں کل طلبا و طالبات کی تعداد25577ہے ، جس میں کامیاب طلبا و طالبات کی تعداد23671(% 92.55)ہے۔ فرسٹ ڈویزن سے کامیاب ہونے والے امیدوار کی تعداد7517(31.76%)،سکنڈ ڈویزن سے کامیاب امیدواروں کی تعداد15989(67.55%)ہے۔جب کہ تھر ڈ ڈویزن سے کامیاب ہونے والے امیدواروں کی تعداد165ہے۔
سائنس اسٹریم میں کل طلبا و طالبات کی تعداد3516ہے ، جس میں کامیاب طلبا و طالبات کی تعداد3206(91.18%)ہے۔ فرسٹ ڈویزن سے کامیاب ہونے والے امیدواروں کی تعداد2281(71.15%)،سکنڈ ڈویزن سے کامیاب امیدواروں کی تعداد925(28.85%)ہے
کامرس اسٹریم میں کل طلبا و طالبات کی تعداد220ہے ، جس میں کامیاب طلبا و طالبات کی تعداد195(88.64%)ہے۔ فرسٹ ڈویزن سے کامیاب ہونے والے امیدوار وں کی تعداد67(34.36%)،سکنڈ ڈویزن سے کامیاب امیدواروں کی تعداد125(64.1%)ہے۔ واضح ہو کہ مولوی امتحان میں غیر مسلم(ہندو) طلبا و طالبات کی کل تعداد07ہے جس میںسبھی کامیاب ہوئے۔

مسٹر سلیم پرویز چیئر مین مدرسہ بورڈ نے کہا کہ وزیراعلیٰ نتیش کمار کا خواب ہے کہ ”پڑھے بیٹی ،بڑھے بیٹی “ جومدرسہ بورڈ کے ذریعہ فوقانیہ اور مولوی کے نتائج سے شرمندہ تعبیر ہورہے ہیں۔ فوقانیہ میں کامیاب طلبا کی تعداد 16931 جب کے طالبات کی تعداد 35965ہے وہیں مولوی میںکامیاب طلبا کی تعداد 10,526 اور طالبات کی تعداد۔24380 ہے جو طلبا کی تعداد سے تقریباً دوگنا سے زیادہ ہے۔
میری خواہش ہے کہ مدارس کے فارغین طلبا و طالبات قومی سطح پر مقابلہ جاتی امتحانات میں شریک ہوں، ڈاکٹر ،انجینئر،ایڈوکیٹ، بزنس ایڈمنسٹریٹر اور دیگر شعبہ جات میں کامیابی حاصل کریں۔ مزید انہوں نے کامیاب امیدواروں کو مبارکباد دیتے ہوئے ان کے سنہرے مستقبل کیلئے نیک خواہشات پیش کی ہے۔
محمد سعید انصاری سکریٹری مدرسہ بورڈنے بتایاکہ مدرسہ بورڈ پٹنہ کے ویب سائٹ www.bsmeb.org پر درجہ فوقانیہ اورمولوی امتحانات۔2023 کے نتائج طلبا و طالبات اور ذمہ داران حضرات کے لئے اپلوڈ کر دیاگیا ہے۔ اس کے علاوہ انہوںنے کہا کہ فوقانیہ اور مولوی امتحانات 2023 میں ڈی۔ ایم کے ذریعہ تعین کردہ امتحانات مراکزپر سخت حفاظتی اقدامات اورصاف ستھرے ماحول میں امتحانات لئے گئے ۔امتحان کے انعقاد کے دوران دفترمیں کنٹرول روم قائم کئے گئے تھے جس میں کنٹرولر آف اکزامنیشن کے زیر نگرانی متعلقین کو وقتاً فوقتاً ضروری ہدایات دیئے جاتے تھے اخیر میںچیئرمین مدرسہ بورڈ نے کہاکہ ڈی۔ ایم ، ایس پی، ایس ڈی او، ڈی ای اواور دیگر تمام سرکار ی افسران نے امتحانات کے انعقاد میں اور جوابی کاپیوں کی جانچ کے دوران اپناتعاون پیش کیا ہے وہ مبارکباد کے مستحق ہیں۔
نتیجہ جاری کرنے کے دوران مسٹر محمدسعیدانصاری سکریٹری مدرسہ بورڈ، ڈاکٹر محمدنور اسلام کنٹرولر آف اکزامنیشن اور رضوان الاسلام پی ایس ٹو چیئرمین کے علاوہ دیگر افسران وملازمین موجود تھے۔ سبھوں نے کامیاب طلبا وطالبات کے روشن مستقبل کیلئے نیک خواہشات پیش کئے اور ناکام امیدواروں کو نا امید نہ ہوتے ہوئے دوبارہ سال 2024 کے امتحان میں شریک ہوں اور کامیابی حاصل کریں اس لئے کہ کامیابی اسی کو ملتی ہے حوصلے جن کے پاس ہوتے ہیں۔