سری نگر: بھارت جوڑو یاترا جمعے کی صبح بانہال سے شروع ہوئی جس دوران کانگریس لیڈر راہل گاندھی نے یاترا کشمیر میں داخل ہوتے ہی سیکورٹی انتظامات کمزور ہونے کا الزام لگایا۔تاہم پولیس نے اس الزام کو رد کرتے ہوتے ہوئے کہا کہ یاترا کے لئے مکمل سیکورٹی انتظامات کئے گئے تھے۔

ادھر نیشنل کانفرنس کے صدر اور سابق وزیر اعلیٰ عمر عبداللہ نے ٹویٹ کرتے ہوئے بتایا کہ جوں ہی یاترا قاضی گنڈ کے قریب پہنچی تو وہاں پر سیکورٹی فورسز کے اہلکار راہل گاندھی کے ارد گرد گھیرا برقرار نہیں رکھ پائے۔

تفصیلات کے مطابق راہل گاندھی کی قیادت میں بھارت جوڑو یاترا جمعے کی صبح بانہال سے شروع ہوئی۔ اور اس یاترا میں نیشنل کانفرنس کے نائب صدر اور سابق وزیر اعلیٰ عمر عبداللہ نے بھی شرکت کی۔یاترا کے دوران جموں وکشمیر پردیش کانگریس کے سابق صدر غلام احمد میر اور نائب صدر رمن بلہ اور دیگر کئی لیڈران کے علاوہ لوگوں کی اچھی تعداد راہل گاندھی کے ہمراہ تھی۔

اس دوران راہل گاندھی نے اننت ناگ کے کھنہ بل علاقے میں ایک پریس کانفرنس سے خطاب کے دوران کہا کہ جب ہم نے ٹنل پار کی تو وہاں میرے استقبال لوگوں کا ہجوم جمع تھا جس کے بعد سیکورٹی انتظامات کمزور ہوگئے۔ان کا کہنا تھا: ’جو ہجوم کو قابو کرنے کے لئے پولیس تھی وہ یا تو چلے گئے یا دکھے ہی نہیں‘۔انہوں نے کہا: ’مجھے معلوم نہیں ہے کہ ایسا کیوں ہوا لیکن آنے والے دنوں کل اور پرسوں ایسا نہیں ہونا چاہئے‘۔

مسٹر گاندھی نے کہا کہ اس صورتحال کو دیکھ کر میرے سیکورٹی گارڈرس نے مجھے آگے نہ جانے کا مشورہ دیا اس لئے ہم آگے نہیں چل پائے۔انہوں نے کہا کہ انتظامیہ کی ذمہ داری ہوتی ہے کہ ہجوم کو کنٹرول کرنے کے لئے پولیس کی تعیناتی کو یقینی بنائیں۔کانگریس لیڈر نے کہا: ’مجھے امید ہے کہ میرے مستقبل کے پروگراموں کے لئے سیکورٹی کے وسیع تر انتظامات کئے جائیں گے۔

دریں اثنا پولیس نے ان الزامات کو رد کرتے ہوئے کہا کہ یاترا کے لئے سیکورٹی کے مکمل انتظامات کئے گئے ہیں۔

کشمیر زون پولیس نے سلسلہ وار ٹویٹس میں کہا: ’یاترا کے راستے کی طرف صرف ان ہی با اختیار لوگوں کو جانے کی اجازت دی گئی جن کی منتظمین نے شناخت کی بھارت جوڑو یاترا کے منتظیمن نے بانہال سے یاترا میں شامل ہونے والے بڑے اجتماع کے بارے میں کوئی اطلاع نہیں دی تھی جو نقطہ آغاز پر جمع ہوا تھا‘۔

پولیس نے اپنے دوسرے ٹویٹ میں کہا کہ سیکورٹی کے مکمل انتظامات کئے گئے تھے۔

انہوں نے ایک اور ٹویٹ میں کہا: ’منتظمین نے ایک کلو میٹر یاترا کے انعقاد کے بعد جموں وکشمیر پولیس کے ساتھ یاترا معطل کرنے کے فیصلے کے بارے میں کوئی مشورہ نہیں کیا‘۔

ٹویٹ کہا گیا: ’باقی یاترا پر امن طریقے سے جاری رہی یاترا میں بالکل کوئی سیکورٹی چوک نہیں تھی، ہم یاترا کے لئے فول پروف سیکورٹی فراہم کریں گے‘۔

نیشنل کانفرنس کے صدر اور سابق وزیر اعلیٰ عمر عبداللہ نے ٹویٹ کرتے ہوئے بتایا کہ جوں ہی یاترا قاضی گنڈ کے قریب پہنچی تو وہاں پر سیکورٹی فورسز کے اہلکار راہل گاندھی کے اردگرد گھیرا برقرار نہیں رکھ پائے۔

انہوں نے ٹویٹ میں کہا کہ جمعے کے روز گیارہ کلومیٹر پیدل چلنا تھا لیکن سیکورٹی کے پختہ انتظامات نہ ہونے کے باعث یاترا کو منسوخ کرنا پڑا۔

بتادیں کہ کنیا کماری سے 7 ستمبر کو شروع ہونے والی یہ یاترا 30 جنوری کو سری نگر میں اختتام پذیر ہوگی۔

قاضی گنڈ میں سیکورٹی فورسز کے اہلکار غائب تھے اور میں اس بات کا گواہ ہوں:عمر عبداللہ

جموں وکشمیر نیشنل کانفرنس کے نائب صدر عمر عبداللہ نے الزام لگایا ہے کہ بھارت جوڑویاترا جمعے کے روز جوں ہی قاضی گنڈ پہنچی تو وہاں پر سیکورٹی کا کوئی انتظام نہیں تھا۔
انہوں نے بتایا کہ سیکورٹی فورسز کے اہلکار غائب تھے اور میں اس بات کا گواہ ہوں۔
عمر عبداللہ نے ٹویٹ کے ذریعے جانکاری دیتے ہوئے بتایا کہ جوں ہی یاترا قاضی گنڈ کے قریب پہنچی تو وہاں پر سیکورٹی فورسز کے اہلکار راہول گاندھی کے اردگرد گھیرا برقرار نہیں رکھ پائے ۔
انہوں نے کہاکہ جمعے کے روز گیارہ کلومیٹر پیدل چلنا تھا لیکن سیکورٹی کے پختہ انتظامات نہ ہونے کے باعث یاترا کو منسوخ کرناپڑا۔
بتاد یں کہ نیشنل کانفرنس کے نائب صدر اور سابق وزیر اعلیٰ عمر عبداللہ نے جمعے کو بانہال علاقے میں پہنچ کر راہل گاندھی کی قیادت میں جاری بھارت جوڑو یاترا میں شرکت کی۔
کنیا کماری سے 7 ستمبر کو شروع ہونے والی یہ یاترا 30 جنوری کو سری نگر میں اختتام پذیر ہوگی۔

آج ہی عمر عبداللہ نے کی تھی بھارت جوڑو یاترا میں شرکت

نیشنل کانفرنس کے نائب صٓدر اور سابق وزیر اعلیٰ عمر عبداللہ نے جمعے کو بانہال علاقے میں پہنچ کر راہل گاندھی کی قیادت میں جاری بھارت جوڑو یاترا میں شرکت کی بانہال میں شبانہ درجہ حرارت محض 0.6 ڈگری سینٹی گریڈ ریکارڈ ہونے کے با وصف عمر عبداللہ نے بھی صرف سفید رنگ کی ٹی شرٹ زیب تن کی تھی۔

تفصیلات کے مطابق بھارت جوڑو یاترا جمعے کی صبح بانہال ریلوے اسٹیشن سے شروع ہوئی اور آج ہی ویسو اننت ناگ پہنچے گی۔

یاترا کے دوران جموں وکشمیر پردیش کانگریس کے سابق صدر غلام احمد میر اور نائب صدر رمن بلہ اور دیگر کئی لیڈران کے علاوہ لوگوں کی اچھی تعداد راہل گاندھی کے ہمراہ ہے۔

دریں اثنا انتظامیہ نے اس یاترا کے لئے سیکورٹی کے مثالی انتظامات کئے ہیں۔

کنیا کماری سے 7 ستمبر کو شروع ہونے والی یہ یاترا 30 جنوری کو سری نگر میں اختتام پذیر ہوگی۔