اشٹ لکشمی: ترقی کے راستے پر گامزن شمال مشرق

شمال مشرقی خطے (این ای آر) کی آٹھ ریاستوں کو اشٹ لکشمی کے نام سے جانا جاتا ہے اور یہ خطہ آج پہلے سے کہیں زیادہ پر امن خطہ ہے ۔ علیحدگی پسندی سمیت شورش، قانون و انتظام کے مسائل قصہ پارینہ بن چکے ہیں۔ اس کا بیشتر سہرا موجودہ حکومت کو جاتا ہے جس نے اس خطے میں بنیادی ڈھانچہ کی تعمیر اور صلاحیت سازی کی ہے۔ حکومت نے اس خطے کی کنکٹیوٹی کو بہتر بنانے اور سماجی۔ اقتصادی ترقی کے لئے متعدد پہل قدمیاں انجام دی ہیں ۔ این ای آر میں چند اہم جاری بنیادی ڈھانچہ پروجیکٹوں میں اہم سڑک کنکٹیویٹی ، اہم ریل کنکٹیویٹی، اہم فضائی کنکٹیویٹی، بجلی، ٹیلی مواصلات، پٹرولیم اور قدرتی گیس وغیر شامل ہیں۔ ایکٹ ایسٹ پالیسی کے تحت اہم ترجیح شمال مشرقی خطے اور ہم سایہ ممالک یعنی میانمار، بنگلہ دیش، وغیرہ کے ساتھ کنکٹویٹی میں اضافے کے پہلو کو دی جا رہی ہے۔ اس سلسلے میں تین اہم بین الاقوامی پروجیکٹ یعنی کلادان ملٹی موڈل ٹرانزٹ ٹرانسپورٹ پروجیکٹ، بھارت۔ میانمار۔تھائی لینڈ سہ سطحی شاہراہیں اور اگرتلہ۔اکھاورا ریل رابطہ (بنگلہ دیش کی جانب)  شامل ہیں۔ ان میں سے بیشتر بنیادی ڈھانچہ پروجیکٹ 2023۔24 تک مکمل کیے جانے ہیں، جس کے نتیجے میں این ای آر میں ترقی کے نمونوں کو مزید تقویت حاصل ہوگی۔ 10 فیصد مجموعی بجٹی امداد (جی بی ایس) کو شمال مشرقی خطے کے لئے مقرر کیا گیا ہے اور اس میں 2014۔15 سے لے کر 2020۔21 کے دوران خاطر خواہ اضافہ کیا گیا ہے یعنی پہلے 27359 کروڑ روپئے کے وسائل مختص کیے گئے تھے جنہیں بڑھا کر 51270 کروڑ روپئے کر دیا گیا۔ نظرثانی شدہ تخمینے کے تحت اصل اخراجات کی فیصد 2020۔21 کےد وران 94.72 فیصد کے بقدر رہی ۔ رواں مالی سال یعنی 2021۔22 کے دوران این ای آر کی ترقی کے لئے 10 فیصد کے بقدر کی جی بی ایس تخصیص کے تحت 68020 کروڑ روپئے کی رقم منظور کی گئی ہے۔

ڈونر کی وزارت اپنی فلیگ شپ اسکیم یعنی شمال مشرقی خصوصی بنیادی ڈھانچہ ترقیاتی اسکیم (این ای ایس آئی ڈی ایس) کے تحت آبی سپلائی، بجلی اور کنکٹیویٹی سے متعلق مخصوص شعبوں کے طبیعاتی بنیادی ڈھانچے میں واقع فصل کو پر کرنے کے لئے عملی دخل اندازی یعنی تعاون فراہم کر رہی ہےتاکہ سیاحت کو فروغ دیا جا سکے اور سماجی شعبے خصوصاً پرائمری اور ثانوی تعلیمی اور حفظانِ صحت کے شعبوں میں بنیادی ڈھانچہ کی تشکیل عمل میں آسکے۔ این ای ایس آئی ڈی ایس کے تحت 2452.62 کروڑ روپئے کے بقدر کے پروجیکٹ پہلے ہی یعنی 31 مارچ 2021 تک منظور کیے جا چکے ہیں۔ این ایل سی پی آر ۔ ریاستی اسکیم کے تحت اس کی ابتدا سے ہی 1635 پروجیکٹ جن کے تخمینہ اخراجات 16233.78 کروڑ روپئے کے بقدر تھے، انہیں مختلف این ای آر ریاستوں کے لئے منظوری دی گئی تھی جن میں سے 9433.29 کروڑ روپئے کی لاگت کے 1195 پروجیکٹ ان شعبوں مثلاً سڑک اور پلوں، بجلی، آبی سپلائی اور گندے پانی کی نکاسی، صحت، تعلیم وغیرہ میں مکمل کیے جا چکے ہیں۔ شمال مشرقی کونسل (این ای سی ) اپنی اسکیم کے تحت نقل و حمل اور مواصلات، بجلی ، انسانی وسائل ترقیات اور روزگار، آبپاشی اور سیلاب کی روک تھام وغیرہ کے شعبوں میں پروجیکٹوں کا نفاذ کر رہی ہے۔ فی الحال این ای سی بانس، خنزیر پروری ، علاقائی سیاحت، تعلیم، سہ سطحی حفظانِ صحت جس میں تعلیم اور پسماندہ طبقات کے لئے خصوصی امداد وغیرہ بھی شامل ہیں، روزی روٹی سے جڑے پروجیکٹ اور این ای آر میں تکنالوجی کی شکل میں امداد کی بہم رسانی کے مقصد سے مختلف النوع پروجیکٹوں کے نفاذ میں مصروف عمل ہے۔ ان اسکیموں کے تحت یعنی این ای سی میں 4227.88 کروڑ روپئے کے بقدر کے 650 پروجیکٹوں کو منظوری دی گئی اور 4809.66 کروڑ روپئے کے بقدر کے 752 پروجیکٹوں کو گذشتہ پانچ برسوں کے دوران مکمل کیا گیا۔ شمال مشرقی سڑک شعبہ ترقیات اسکیم (این ای آر ایس ڈی ایس) کے تحت این ای سی اہم اور کلیدی حیثیت کی حامل بین ریاستی سڑکوں کی حالت بہتر بنانے کا کام انجام دیتی ہے۔ 1566.75 کروڑ روپئے کی لاگت کے بقدر کے 24 پروجیکٹ پر کام شروع کیا گیا ہے۔ 87.86 کروڑ کی لاگت کے تین پروجیکٹ مکمل کیے جا چکے ہیں۔ این ای آر ایس ڈی ایس کے تحت 1478.89 کروڑ روپئے کی لاگت کے 21 پروجیکٹوں پر کام جاری ہے۔

حال ہی میں حکومت نے شمال مشرقی خطے پر جامع طور سے احاطہ کرتے ہوئے خوردنی تیلوں/ آئل پام کے لئے قومی مشن کو منظوری دی ہے۔ حکومت نے 77.45 کروڑ روپئے کے بقدر کے شمال مشرقی خطے کے زرعی مارکیٹنگ کارپوریشن کے احیاء کے پیکج کو اپنی منظوری دی ہے۔ احیاء کا یہ پیکج شمال مشرق کے کاشتکاروں کو منفعت بخش قیمتیں فراہم کرائے گا، بہتر کاشتکاری سہولتیں فراہم کرے گا، گروہوں کی شکل میں کاشتکاروں کی تربیت کا کام انجام دیا جائے گا۔ نامیاتی بیج اور کیمیاوی کھادیں فراہم کرائی جائیں گی۔ عالمی منڈیوں میں تقریبات میں شرکت، جی آئی مصنوعات کے رجسٹریشن، ایف پی او کے فروغ کے توسط سے شمال مشرقی کاشتکاروں کی مصنوعات کو فروغ دینے کے لئے قدم اٹھائے جائیں گے۔جہاں تک شمال مشرقی خطے میں سیاحت کو فروغ دینے کی بات ہے، اس سلسلے میں وسیع تر مضمرات موجود ہیں کیونکہ این ای آر قدرتی حسن اور سیاحت کے معاملے میں ایک منفرد حیثیت کا حامل خطہ ہے۔ یہ خطہ ایکو سیاحت، جنگلی جانوروں، کوہ پیمائی ، پہاڑوں پر سفر کرنے، چائے سیاحت، ثقافتی او ر نسلی سیاحت، مذہبی، علاقائی سیاحت، گولف اور متعدد دیگر سیاحتوں کے وسیع تر امکانات کا حامل ہے۔ یہ خطہ متعدد جنگلی جانوروں کی محفوظ پناہ گاہوں، مثلاً قاضی رنگا نیشنل پارک، مناس نیشنل پارک واقع آسام اور سکم میں کنچن چنگا کا حامل ہے۔ حکومت اس خطے میں سیاحت کو فروغ دینے کے لئے مختلف النوع پہل قدمیوں پر عمل کر رہی ہے ۔ اہم کنکٹیویٹی جن کا تعلق فضائی، ریل ، سڑک، ٹیلی مواصلات کی حالت بہتر بنانے ، موبائل کنکٹیویٹی کو بہتر بنانے اور اہم بجلی پروجیکٹوں سے ہے۔ اس کے سلسلےمیں مرکزی وزارت کے پروجیکٹ کام کر رہے ہیں اور یہ تمام تر پروجیکٹ تکمیل کے مختلف مراحل میں ہیں۔ ایک مرتبہ جب یہ پروجیکٹ  مکمل ہو جائیں گے تو این ای آر میں سیاحت کے شعبے کو مزید تقویت پہنچائیں گے۔

26 اگست 2021 کو ڈونر کی وزارت نے نیتی آیوگ کی شراکت داری ، نیز یو این ڈی پی ۔ بھارت کی تکنیکی امداد کے ساتھ اب تک کی نوعیت کا اولین ضلعی سطح کا ایس ڈی جی اشاریہ اور آٹھ شمال مشرقی ریاستوں کے لئے ڈیش بورڈ تیار کیا ہے۔ اس اشاریے اور ڈیش بورڈ میں ریاست وار، ضلعی اور ایس ڈی جی کے لحاظ سے موازناتی نکات اور تفصیلات کو شامل کیا گیا ہے۔ اعداد و شمار کی دستیابی کی بنیاد پر، یہ اشاریہ این ای ریاستوں کے 120 اضلاع میں سے 103 اضلاع کے لئے تیار کیا گیاہے ۔ درجہ بندی کے لحاظ سے سر فہرست ضلع سکم کا مشرقی سکم (75.87نمبر کے ساتھ)قرار پایا ہے اور ناگالینڈ میں واقع کفائر ضلع کو سب سے کم یعنی 53.00 نمبر حاصل ہوئےہیں ۔  یہ اشاریہ ایک منفرد پالیسی ٹول ہے جس میں ضلعی سطح کی ترقی کے تعین کے لئے وسیع ترمضمرات پنہاں ہیں۔ یہ اشاریہ واقع اہم فرق کو بھی نمایاں کرتا ہے اور وسائل کی تخصیص میں بھی مددگار ثابت ہوگا۔ اسے مستقبل کی ترقی کی منصوبہ بندی کے لئے بطور ایک ٹول استعمال کیا جا سکتا ہے۔

آج مکمل این ای آر کے لئے اعلیٰ نمو کے راستے کے تعین کا جامع خاکہ وضع کیا جا چکا ہے۔ حکومت این ای آر کی ریاستوں کو بھارت کی دیگر ترقی یافتہ ریاستوں کے برابر لانے کے لئے پابند عہد ہے اور اس کے لئے ان کے مکمل تغیر کے لئے خصوصی توجہ مرکوز کی جا رہی ہے۔

***