اومیکرون کے ممکنہ خطرات کے پیش نظر حکومت پوری طرح الرٹ: نتیش

پٹنہ: جنتا کے دربار میں وزیر اعلیٰ پروگرام کے بعد وزیر اعلیٰ نے میڈیا اہلکاروں سے بات کی ۔ اور کورونا کے نئے ویریئنٹ او میکران کے سوال پر وزیر اعلیٰ نے کہا کہ کورونا کا خطرہ ابھی ٹلا نہیں ہے ۔ ایک بار پھر پوری دنیا میں یہ پھیل رہا ہے ۔ کورونا کی ممکنہ تیسری لہر کے بارے میں بہار حکومت پوری طرح سے الرٹ ہے ۔ اس کے بارے میں گائیڈ لائن بھی جاری کر دی گئی ہے ۔ صحت کے وزیر نے بھی اس بارے میں مکمل جانکاری دی ہے ۔ اس بارے میں ہم لوگوں نے جائزہ میٹنگ کی ہے ۔ تمام لوگ بیدار ہیں ۔ انہوں نے کہا کہ کورونا کی جانچ بھی تیزی سے چل رہی ہے ۔ کورونا کی جانچ میں پازیٹو آنے کے بعد وہ شخص اومیکرون سے انفیکٹیڈ ہے کہ نہیں یہ پتہ لگانے میں ابھی 5-7دن کا وقت لگ جاتا ہے ۔ بہار میں ابھی تک اومیکرون کا کوئی کیس سامنے نہیں آیا ہے ۔
غیر ممالک سے بہار واپس ہوئے کچھ لوگ کے ٹیسٹ نہیں ہو نے کے سوال پر وزیر اعلیٰ نے کہا کہ اس سلسلہ میں تمام اضلاع کے ڈی ایم کو ہدایت دے دی گئی ہے ۔ ایسے لوگوں کا پتہ لگا کر ان کی کورونا جانچ کرانا ضروری ہے ۔ انتظامیہ کے لوگ اس کام میں لگے ہیں ۔ اس بارے میں تمام لوگوں کی بیداری ضروری ہے ۔ دنیا کے ساتھ ہی اپنے ملک میں بھی اومیکرون کے کچھ معاملے سامنے آئے ہیں ۔ اس سلسلہ میں ہم تمام لوگوں کو پوری طرح سے بیدار اور ہوشیار رہنا ہے ۔ ہم لوگ اس کے لیے پوری طور پر بیدار ہیں ۔
سی اے جی کی رپورٹ پر پوچھے گئے سوال کا جواب دیتے ہوئے وزیر اعلیٰ نے کہا کہ اس کی جو رپورٹ آتی ہے وہ کابینہ سے ہو کر سیدھے اسمبلی اور قانون ساز کونسل میں سونپی جاتی ہے ۔اس کے بعد وہ شائع ہو تی ہے ۔ شائع ہو نے کے بعد اس پر ہم لوگ کوئی تبصرہ کر تے ہیں ۔ کسی بھی رپورٹ کو ہم لوگ روکتے نہیں ہیں ۔اگر کوئی بات آئے گی تو اس کو جانچ کر نے کے لیے ،دیکھنے کے لیے ہاﺅس میں بھی کمیٹی بنتی ہے ، اس لیے میرے لیے ان سب پر تبصرہ کر نا مناسب نہیں ہو گا ۔ اگر آپ لوگ اس کے بارے میں کچھ خاص جاننا چاہتے ہیں تو ہمارے افسران حالات کو بتا دیں گے ۔ بہار حکومت کے اوپر اس رپورٹ میں ڈیمیجنگ کمنٹ کے سوال پر وزیر اعلیٰ نے کہا کہ بہار حکومت کے اوپر ڈیمجنگ کمنٹ دینے میں تشہری ملے گی ۔ آپ لوگ جانتے ہیں کہ بہار میں کتنا کام ہوا ہے اس لیے ان سب چیزوں پر ہم کوئی تبصرہ نہیں کریں گے ۔ کسی بھی علاقہ میں آپ دیکھ لیجئے کہ 2005میں بہار کی کیا حالت تھی ۔ جب سے ہم لوگ کام کررہے ہیں و ہ تشہیر کے لیے نہیں کررہے ہیں ۔ لیکن اس طرح کی چیز کوئی لکھے گا تو اس کو شہرت ملے گی یہ فطری ہے ۔ اس میں ہم لوگ کچھ نہیں کہتے ہیں ۔ اگر کہیں سے بھی کوئی چوک ہے تو اس پر مکمل نگاہ رکھی جاتی ہے اور فوری افسران کو اس بارے میں ہدایت دی جاتی ہے ۔

ذات پر مبنی مردم شماری کے لئے مکمل تیاری کروا رہے ہیں: نتیش

ذات پر مبنی مردم شماری کے لیے تما م پارٹیوں کی میٹنگ کے سوال پر وزیر اعلیٰ نے کہا کہ ہم لوگ اسے کرنا چاہ رہے ہیں ، ہم نے بات کر لی ہے ۔ نائب وزیر اعلیٰ کوبھی اپنی پارٹی کے لوگوں سے بات کر نے کے لیے کہا ہے ۔ باقی سب لوگوں سے بات ہو گئی ہے ۔ جب یہ بات کر لیں گے اور اس کے بارے میں بتائیں گے ، اس کے بعد آل پارٹی میٹنگ کی جائے گی ۔ ہم پہلے ہی سے ذات پر مبنی مردم شماری کے تعلق سے بار بار کہہ رہے ہیں ۔ ہم اس لیے آل پارٹی میٹنگ کر نا چاہتے ہیں کہ اس بارے میں تمام لوگوں کی سمجھ بالکل صاف ہو نی چاہئے ۔ مردم شماری ہم کس طرح سے کرائیں گے ۔ اس پر تمام لوگوں کی ایک رائے ہونی چاہئے ۔ کیسے کریں گے ،کس طرح سے کریں گے،کس ذریعہ سے کریں گے ، اس پر مکمل تیاری کروارہے ہیں ۔ جب اس پر سب کی رائے بن جائے گی تو تمام چیزوں کو میٹنک میں فائنل کریں گے ۔ تمام پارٹی میٹنگ میں جو رائے ہوگی اسی کی بنیاد پر فیصلہ کر کے حکومت اس کا اعلان کرے گی ۔ انہوں نے کہا کہ ہم لوگ ذات پر مبنی مردم شماری کے حق میں ہیں ۔ اس سے سب کو فائدہ ہو گا ،یہ بہت بہتر ہے ۔ ہم لوگ اسے بہتر طریقہ سے کرائیں گے تاکہ کوئی مس نہ کرے ۔ ۔ ایک ایک چیز کے لیے ہم نے لوگوں کو کہا بھی ہے ،بات بھی کی ہے ۔ کیا کیا جائے گا ، ان سب چیزوں کے بارے میں بھی کچھ نہیں کہیں گے ۔ جب میٹنگ ہو گی اس وقت کچھ بات کو رکھیں گے ۔ سب کے اتفاق سے جو بات نکلے گی اسی کی بنیاد پر حکومت کی طرف سے کاسٹ بیسڈ مردم شماری کی جو تعریف ہوگی اس کے بارے میں اعلان کیا جائے گا ۔ جیسے ہی سب کا اتفاق ہوگااس کے بعد ایک تاریخ طے کریں گے اور مکمل تفصیل میں ہم لوگ بات کریں گے ۔ ہمیں نہیں لگتا ہے کہ کسی طرح کے عدم اتفاق کی کوئی گنجائش ہے ۔

شراب بندی کے باوجود بہار میں شراب کی خالی بوتلیں ملنے کے میڈیا اہلکاروں کے سوال پر وزیر اعلیٰ نے کہا کہ اس معاملہ کی جانچ چل رہی ہے ۔ جانچ رپورٹ آنے کے بعد تما م باتوں کا پتہ چل جائے گا ۔ انتظامیہ اس پر الرٹ ہے ۔ اس بات کو دیکھنا پڑے گا کہ کیا حقیقت میں وہاں پر کسی نے شراب کا استعمال کیا تھا یا پھر کہیں سے بوتل لاکر وہاں پر کسی نے پھینک دیا ہے ۔ اس معاملہ میں پوری گہرائی کے ساتھ جانچ چل رہی ہے ۔ میرا کچھ بھی بولنا مناسب نہیں ہے ۔ اس بارے میں ہم نے سب کو الرٹ کر دیا ہے ۔کئی مرتبہ شراب کی خالی بوتلیں پھینک دی جاتی ہیں تاکہ یہ زیر بحث رہے ۔ دونوں زاویہ نگاہ سے اس پر کام کر نا ہے ۔ ایک مرتبہ پھر سے سخت ایکشن کی شروعات ہوئی ہے ۔ انہوں نے کہا کہ آج بھی اس پروگرام میں لوگوں نے شراب کے دھندے بازوں کو لے کر اطلاع دی ہے ۔ ہم نے اس پر سخت کارروائی کر نے کی ہدایت دی ہے ۔ شراب کے تعلق سے انتظامیہ کے لوگ اب بہت ہوشیاری برت رہے ہیں ۔ پٹنہ کے بارے میں ہم نے پہلے ہی کہہ دیا ہے کہ شراب کے تعلق سے راجدھانی میں سخت کارروائی کی جائے ۔ جب تک پٹنہ میں قابو میں نہیں کیا جائے گا تو بہار میں قابو کیسے ہو گا ۔ انہوں نے کہا کہ شراب بندی کے سلسلہ میں پٹنہ کے لوگوں میں کتنی بیداری ہے یہ اس بات سے پتہ چلتا ہے کہ سال 2016 میں شراب بندی نافذ کر تے وقت شروع میں جب ہم لوگوں نے طے کیا تھا کہ بڑے شہروں میں غیر ملکی شراب کو ابھی بند نہیں کریں گے تو پٹنہ میں لوگوں نے شراب کی فروخت کی مخالفت شروع کر دی ۔ اس دیکھتے ہوئے 5دنوں کے اندر ہی تمام مقامات پر مکمل شراب بندی نافذکر نی پڑی۔ اس سے یہ ثابت ہو تا ہے کہ تمام لوگ چاہتے ہیں کہ پوری طرح شراب بندی کامیاب ہو لیکن کچھ لوگ گڑبڑی کر نے والے ہوتے ہیں ، ایسے لوگوں پر کارروائی بھی ہو تی ہے ۔

بہا رکے اچھے کاموں کا ذکر دہلی کے انگریزی اخباروں میں نہیں رہتا

وزیر اعلیٰ نے کہا کہ بہا رکے اچھے کاموں کا ذکر دہلی کے انگریزی اخباروں میں نہیں رہتا ہے لیکن ان واقعات کی خبریں دہلی کے اخباروں میں شائع ہوئی ہیں ۔یہ سب دیکھ کر ہم کچھ نہیں بولتے لیکن سمجھ جاتے ہیں کہ کوئی نہ کوئی معاملہ ضرور ہو گا ۔ حکومت پورے معاملہ کی سنجیدگی سے جانچ کرارہی ہے ۔ جانچ کے بعد گڑبڑی کر نے والے والے اور شراب کی خالی بوتل پھینکنے والے کی شناخت ہو جائے گی ۔ ایسے لوگ پکڑے جائیں گے ۔ گڑبڑی کر نے والوں پر سخت ایکشن کی شروعات بہت تیزی سے ہوئی ہے ۔
بہار میں کھاد کی قلت کے سوال پر وزیر اعلیٰ نے کہا کہ کھا دکی کچھ دقت ہے ۔ اس بارے میں بہار کے زراعت کے وزیر نے بھی مرکزی حکومت سے بھی بات کی ہے۔زراعت کے وزیر اور چیف سیکریٹری نے خط بھی لکھا ہے ۔ انہوں نے کہا کہ اس بارے میں کل ہم نے مرکزی وزیر سے بات کی ہے ۔ انہوں نے مجھے یقین دہانی کرائی ہے کہ 7دنوں کے اندر بہار میں کھاد کی بڑ ی کھیپ پہنچ جائے گی ۔ اس تعلق سے ہم نے اپنے وزیر اور افسران کو کنسس رہنے کو کہا ہے ۔ ایک ۔دو دنوں کے بعد ہم پھر سے بہار میں کھاد کر فراہمی کے بارے میں جائزہ لیں گے ۔ انہوں نے کہا کہ کھاد کی فراہمی میں کچھ کمی آئی تھی ، اس با رے میں مرکزی حکومت کو شاں ہے ۔ مرکزی وزیر نے مجھے یقین دہانی کرائی ہے کہ کچھ دنوں میں مسئلہ کا حل نکل جائے گا ۔