مسائی اسکول نے پٹنہ میں آف لائن کیمپس کا آغاز کیا

پٹنہ (محمد شبیر): کیریئر پر مبنی اسٹارٹ اپ مسائی اسکول نے آج پٹنہ، بہار میں اپنے آف لائن کیمپس کے آغاز کا اعلان کیا۔ مسائی اسکول خواہش مندوں کو کامیاب سافٹ وئیر ڈویلپرز بننے اور بغیر کسی پیشگی فیس کے کوڈنگ میں اپنا کیریئر شروع کرنے کا موقع فراہم کرتا ہے۔ کمپنی 30 ہفتوں کے فل اسٹیک ڈویلپمنٹ پروگرام پیش کرتی ہے جو طلباء کو ‘ابھی مطالعہ کریں ، بعد میں ادائیگی کریں’ سہولت بھی فراہم کرتی ہے۔ کمپنی کے ذریعہ اپنائے گئے انکم شیئرنگ ایگریمنٹ (ISA) ماڈل کے توسط سے ممکن ہوا ہے۔ آئی ایس اے کے ذریعے امیدواروں کو مفت داخلہ کا متبادل ہے۔ بعد میں کورس مکمل کرنے کے بعد وہ سالانہ 5,00,000 روپے یا اس سے زیادہ کی نوکری حاصل کرنے کے بعد پروگرام کی فیس ادا کر سکتے ہیں۔

طلباء کو سافٹ ویئر انجینئرنگ میں کیریئر بنانے کا موقع

وبائی ماحول کے پیش نظر مسائی سکول نے اپنے تمام کام آن لائن منتقل کر دیے تھے۔ اب جیسا کہ ملک بھر میں لوگوں نے نیا معمول اپنایا ہے ، اسی نئے دور میں کمپنی نے پٹنہ شہر سے شروعات کرتے ہوئے اپنے آف لائن مراکز کا آغازک  کردیا ہے۔ پٹنہ کیمپس ایک نئے دور کے مطابق کو-ورکنگ اسپیس کے طور پر کام کرے گا، جہاں طلباء کو تیز رفتار انٹرنیٹ کے ساتھ ساتھ کارپوریٹ آفس کی حقیقی تجربہ اور اپنے ساتھیوں کے ساتھ رابطہ قائم کرنے کا موقع ملے گا۔

آئی آئی ٹی کانپور کے سابق طالب علم پرتیک شکلا کے ذریعہ مشترکہ طور پر قائم کیا مسائی اسکول ، نے جون 2019 میں بنگلورو شہر میں کام شروع کیا۔ سافٹ ویئر ڈویلپر بننے کے خواہشمند ہر شخص کے لیے کھلے ،اس کمپنی میں پرسنلٹی ڈیولپمنت اور سافٹ اسکلس میں کوچنگ تربیت فراہم کرنے کے ساتھ ساتھ 7 ماہ کا ہائی انٹیینسٹی فل اسٹیک ویب اور اینڈرائیڈ ڈویلپمنٹ پروگرام فراہم کیا جاتا ہے۔  مسائی اسکول کے پروگرام میں داخلے کے لیے اہلیت کا معیار 12 ویں درجہ پاس ہے اور عمر 18 سے 28 کے درمیان ہونی چاہیے۔ پروگرام کی تکمیل پر ، مسائی اسکول طلباء کو پلیسمنٹ امداد بھی فراہم کرتا ہے۔

لانچ کے موقع پر کمپنی کے وژن اور مشن کے بارے میں تفصیل بتاتے ہوئے مسائی اسکول کے سی ای او اور شریک بانی پرتیک شکلا نے کہا ، "ہمارا ماننا ہے کہ ملک میں کیریئر پر مبنی تعلیم کے لیے صحیح چینلز تک طلباء کی رسائی انتہائی ضروری ہے۔ اور اس سمت میں ہم اپنے پٹنہ کیمپس کھولنے کا اعلان کرتے ہوئے خوشی محسوس کررہے ہیں۔ ملک کے ہر شہری کے لیے معیاری تعلیم تک رسائی کو آسان بنانے کے مقصد کے ساتھ ، مسائی اسکول نے انکم شیئرنگ ایگریمنٹ (آئی ایس اے) کے ماڈل کو بزنس پریکٹس کے طور پر مربوط کیا ہے۔ ISA کے ذریعے ، ہم امیدواروں کو کوڈنگ کے لیے ایک منصفانہ اور قابل رسائی پلیٹ فارم تیار کر رہے ہیں ، اور وہ بھی بغیر کسی پیشگی فیس کے۔ ہمارے تمام پروگرام سیکھنے والوں کو ہنر مند اور نوکری کے لیے تیار پیشہ وروں کے طور پر تربیت یافتہ بنانے اور ڈھالنے کے لئے ڈیزائن کئے گئے ہیں۔ ہمارے کورسز بہت عملی ہیں اور موجودہ انڈسٹری کی ضروریات کے مطابق ڈیزائن کیے گئے ہیں۔ ایک اور خاص بات یہ ہے کہ ہم نہ صرف کوڈنگ پر توجہ دیتے ہیں بلکہ اپنے طلباء کی مجموعی ترقی پر بھی توجہ دیتے ہیں جن میں نرم مہارت اور شخصیت کی نشوونما شامل ہے۔

پروگرام کی صدارت مسائی اسکول کے شریک بانی اور ایس وی پی یوگیش بھٹ نے کی۔ اس موقع پر انہوں نے کہا ، "سیکھنا اور مہارت میں مزید اضافہ کسی کی پیشہ ورانہ زندگی میں ہمیشہ سب سے اہم قدم ہوتا ہے۔ اس کے علاوہ ، نوکری کے لیے تیار افرادی قوت کی تعمیر میں صحیح مہارت کا ہونا بھی ضروری ہے۔ مسائی اسکول میں ہم سمجھتے ہیں کہ کوئی بھی شخص جو کوڈ میں دلچسپی رکھتا ہے اور صحیح تربیت کے ساتھ اپنی خواہشات کو پورا کرسکتا ہے۔ کیریئر پر مرکوز تعلیم فراہم کرنے کے اپنے مشن کو جاری رکھتے ہوئے ، ہم ہائبرڈ طریقہ کار کے نئے دور میں داخل ہونے کے موقع پر پٹنہ کیمپس کے آغاز کا اعلان کرتے ہوئے پرجوش ہیں۔ وبائی امراض کے پیش نظر ، ہم نے اپنے تمام آپریشنز کو ورچوئل سیٹ اپ میں منتقل کر دیا تھا۔ اب جب کہ ملک اور معیشت دوبارہ ٹریک پر آ رہے ہیں ، ہم اپنے طلباء کو بہترین مواقع دینے کے عمل کو جاری رکھنے کے کے لئے کوشاں ہیں۔ ہمارے کئی طلباء کو تیز رفتار انٹرنیٹ تک رسائی حاصل نہیں ہے یا ان کے گھر میں علیحدہ مطالعہ کا کمرہ یا جگہ نہیں ہے۔ ہم چاہتے ہیں کہ ان طلباء کوبھی کیمپس کے فوائد حاصل ہوں۔ "

انکم شیئرنگ ایگریمنٹ (یا آئی ایس اے) ایک مالیاتی ڈھانچہ ہے جس میں ایک فرد یا تنظیم کسی وصول کنندہ کوکچھ قیمت (اکثر ایک مقررہ رقم) پیش کرتی ہے جو کہ بدلے میں اپنی آمدنی کا کچھ فیصد حصہ مہینوں کی ایک مخصوص تعداد میں واپس کرنے کے لئے  اتفاق رکھتا ہے. مسائی اسکول کے تمام پروگراموں کے لیے سیکھنے والے مفت میں داخلہ لے سکتے ہیں اور 5 لاکھ روپے سالانہ یا اس سے زیادہ کی نوکری حاصل کرنے کے بعد پروگرام کی فیس ادا کر سکتے ہیں۔ فی الحال مسائی اسکول نے91 فیصد کی پلیسمنٹ شرح اور 7.25 ایل پی کے کی اوسط سی ٹی سی کے ساتھ 8 بیچوں میں 300 سے زائد طلباء کو گریجویٹ کیا ہے۔ فی الحال کمپنی فل اسٹیک ویب ڈویلپمنٹ (فل ٹائم اور پارٹ ٹائم پروگرامز) اور یو آئی اور یو ایکس ڈیزائن پروگرامز (فل ٹائم پروگرامز) پیش کرتی ہے اور اگلے چند مہینوں میں ڈیٹا اینالیٹکس ، پروڈکٹ مینجمنٹ اور اس طرح کے مزید پروگرام متعارف کرانے کی منصوبہ بندی کر رہی ہے۔