کرتویہ پتھ پردنیا نے ہندوستان کی بے پناہ فوجی طاقت کا مشاہدہ کیا

نئی دہلی: 74ویں یوم جمہوریہ کے موقع پر جمعرات کو یہاں کرتویہ پتھ پر منعقد مرکزی تقریب کے دوران دنیا ہندوستان کی بے پناہ فوجی بہادری کی گواہ بنی۔
پریڈ شروع ہونے سے پہلے وزیر اعظم نریندر مودی نیشنل وار میموریل گئے اور وہاں شہیدوں کو خراج عقیدت پیش کیا۔ اس کے بعد روایت کے مطابق قومی ترانے کے بعد قومی پرچم لہرایا گیا۔ بعد ازاں ترنگے کو 21 توپوں کی سلامی دی گئی۔ اس سال یوم جمہوریہ کے موقع پر پرانی 25 پاؤنڈ توپوں کے بجائے قومی پرچم کو نئی 105 ایم ایم انڈین فیلڈ گن سے21 توپوں کی سلامی دی گئی۔ یہ فیصلہ حکومت کی میک ان انڈیا پہل کو آگے بڑھانے کے مقصد سے لیا گیا ہے۔
پریڈ کا آغاز صدر دروپدی مرمو کو سلامی دینے کے ساتھ ہوا۔ پریڈ کی کمانڈ سیکنڈ جنریشن کے فوجی افسر پریڈ کمانڈر لیفٹیننٹ جنرل دھیرج سیٹھ سنبھال رہے تھے۔ وہیں میجر جنرل بھونیش کمار، چیف آف اسٹاف، دہلی ایریا، پریڈ کے سیکنڈ ان کمانڈ تھے۔
بہادری کے اعلیٰ ترین اییوم جمہوریہ کے موقع پر کرتویہ پتھ پرمنعقدہ تقریب میں پہلی بار کرنل محمود محمد عبدالفتح الخرساوی کی قیادت میں مصری مسلح افواج کا مشترکہ بینڈ اور مارچنگ دستہ شامل ہوا۔ یہ دستہ 144 فوجیوں پر مشتمل تھا، جو مصری مسلح افواج کی اہم شاخوں کی نمائندگی کررہا تھا۔
کرتویہ پتھ پر 61 کیولری کی وردی میں پہلی ٹکڑی کی قیادت کیپٹن رائے زادہ شوریہ بالی کر رہے تھے۔ غورطلب ہے کہ 61 کیولری دنیا کی واحد خدمت کرنے والی ایکٹیو ہارس کیولری رجمنٹ ہے جس میں تمام ‘اسٹیٹ ہارس یونٹس’ کا مرکب ہے۔ ہندوستانی فوج کی نمائندگی 61 کیولری کے ایک ماؤنٹڈ کالم، نو میکانائزڈکالم، چھ مارچنگ دستے اور آرمی ایوی ایشن کور کے ایڈوانسڈ لائٹ ہیلی کاپٹر (اے ایل ایچ) کے ذریعے فلائی پاسٹ سے کیاگیا۔ اس دوران مین جنگی ٹینک ارجن، ناگ میزائل سسٹم، بی ایم پی-2 سارتھ انفنٹری فائٹنگ وہیکل، کوئیک ری ایکشن فائٹنگ وہیکل، کے-9 وجر ٹریکڈ سیلف-پروپیلڈ ہووتزر گن، برہموس میزائل، 10 میٹر شارٹ اسپین برج، موبائل مائکروویونوڈ اینڈ میکانائزڈ کالم میں موبائل نیٹ ورک سینٹر اور آکاش (نئی نسل کا سامان) مرکزی توجہ کا مرکز تھے۔
وہیں میکانائزڈ انفنٹری رجمنٹ، پنجاب رجمنٹ، مراٹھا لائٹ انفنٹری رجمنٹ، ڈوگرہ رجمنٹ، بہار رجمنٹ اور گورکھا بریگیڈ سمیت فوج کی کل چھ یونٹس نے سلامی اسٹیج کے سامنے مارچ پاسٹ کیا

۔

اس بار پریڈ کی ایک اور خاص بات سابق فوجیوں کی جھانکی تھی جس کا موضوع تھا ‘ٹووارڈس انڈیاز امرت کال ود ریزولویشن- اے ویٹرنز کمٹمنٹ۔ اس میں آخری 75 سال میں ہندوستانی فوج کے بہادروں کے تعاون اور ‘امرت کال’ کے دوران ہندوستان کے مستقبل کی تشکیل میں ان کے اقدامات کی ایک جھلک پیش کی گئی۔
ہندوستانی بحریہ کا دستہ لیفٹیننٹ کمانڈر دیشا امرت کی قیادت میں 144 نوجوان سلرزپر مشتمل تھا۔ مارچ کرنے والے دستے میں پہلی بار تین خواتین اور چھ اگنی ویر میں شامل ہوئے۔ اس کے بعد بحریہ کی جھانکی نکالی گئی، جسے ‘انڈین نیوی – کامیٹ ریڈی کریڈبل، کوہیسیو اینڈ فیوچر پروف‘ تھیم پر ڈیزائن کیاگیاتھا۔ اس کے تحت ہندوستانی بحریہ کی کثیر جہتی صلاحیتوں، ناری شکتی اور ‘آتم نربھر بھارت’ کے تحت مقامی طور پر ڈیزائن اور تعمیر کردہ اثاثوں کی نمائش کی گئی۔
وارڈز کے قابل فخر فاتح ان کے پیچھے چل رہے تھے۔ ان میں پرم ویر چکر اور اشوک چکر کے فاتح شامل تھے۔ پرم ویر چکر جیتنے والے صوبیدار میجر (اعزازی کیپٹن) بانا سنگھ، 8 جے اینڈ کے لائٹ انفنٹری (ریٹائرڈ)، صوبیدار میجر (اعزازی کیپٹن) یوگیندر سنگھ یادو، 18 گرینیڈیئرز (ریٹائرڈ)، صوبیدار (اعزازی لیفٹیننٹ) سنجے کمار، 13 جے اے کے رائفلز اور اشوک چکر ایوارڈ یافتہ میجر جنرل سی اے پاٹھا والا (ریٹائرڈ)، کرنل ڈی سری رام کمار اور لیفٹیننٹ کرنل جس رام سنگھ (ریٹائرڈ) جیپ پرڈپٹی پریڈ کمانڈر کے پیچھے سوار تھے۔
قابل ذکر ہے کہ پرم ویر چکر دشمن کے سامنے بہادری اور قربانی کے سب سے نمایاں کام کے لیے دیا جاتا ہے، جبکہ اشوک چکر میدان جنگ کے علاوہ امن کے وقت بہادری اور خود قربانی کے ایسے ہی کاموں کے لیے دیا جاتا ہے۔
پریڈ کے اگلے حصے میں ڈورنیئر طیارے کی خواتین عملے نے اپنے کرتب دکھائے۔
جھانکی کے اہم حصے میں بحریہ کے ‘میک ان انڈیا’ اقدام کی نمائش کی گئی۔ اس کے تحت سمندری کمانڈوز کے ذریعہ تعینات دھرو ہیلی کاپٹر کے ساتھ نئے مقامی نیلگیری کلاس جہاز کا ایک ماڈل تھا۔ کناروں پرمقامی کلوری کلاس آبدوزوں کے ماڈلز کی نمائش کی گئی۔ جھانکی کے پچھلے حصے میں آئی ڈی ای ایکس-اسپرنٹ چیلنج کے تحت مقامی طور پر تیار کیے جانے والے خود مختار بغیر پائلٹ سسٹمز کے ماڈل دکھائے گئے تھے۔

ہندوستانی فضائیہ کا دستہ 144 فضائی جنگجوؤں اور چار افسروں پر مشتمل تھا، اس کی قیادت سکواڈرن لیڈر سندھو ریڈی نے کی۔ فضائیہ کی جھانکی، ‘سرحدوں سے پرے ہندوستانی فضائیہ کی طاقت‘ تھیم پر مبنی تھی، جس میں ایک گھومتے ہوئے گلوب کو دکھایا گیا تھا۔ اس کا مقصد ہندوستانی فضائیہ کی وسیع رسائی کو اجاگر کرنا تھا اور یہ ظاہر کرنا تھا کہ ہندوستانی فضائیہ سرحدوں کے پار انسانی امداد فراہم کرنے میں کامیاب رہی ہے۔ اس کے ساتھ ساتھ دوست ممالک کے ساتھ مشقیں بھی کی گئی ہیں۔ اس دوران لائٹ کمبیٹ ایئرکرافٹ تیجس ایم کے-II، لائٹ کمبیٹ ہیلی کاپٹر ‘پرچنڈ’، ایئر بورن ارلی وارننگ اینڈ کنٹرول ایئر کرافٹ نیترا اورسی-295 ٹرانسپورٹ ایئرکرافٹ نےکرتب دکھائے۔ جھانکی میں لیزرڈیزگنیشن آلات اور ماہر ہتھیاروں کے ساتھ لڑاکو گیئر میں گروڑکی ایک ٹیم نے بھی حیرت انگیز کرتب دکھائے۔
ریاستی راجدھانی لکھنؤ سمیت پوری ریاست میں جمعرات کو 74ویں یوم جمہوریہ پورے جوش و خروش کے ساتھ منایا گیا۔
مین تقریب لکھنؤ میں اسمبلی کے سامنے منعقد کی گئی ہے جہاں ریاست کی گورنر آنندی بین پٹیل نے پرچم لہرا اور سیکورٹی فورسزز کی پریڈ کی سلامی لی۔ اس موقع پر وزیر اعلی یوگی آدتیہ ناتھ اور دیگر وزراء کے علاوہ افسران موجود رہے۔ اسمبلی کے سامنے آرمی نے اپنی طاقت کا مظاہرہ کیا۔ بھیشم 90ٹینک اور جدید مشینوں گن سے لیس آرمی کی گاڑیوں کو دیکھ کر وہاں موجود حاضرین کافی پرجوش نظر ائے۔آرمی کی سکھ ریجمنٹ کے علاوہ یوپی اے ٹی ایس، پولیس اور ہوم گارڈکے جوانوں نے پریڈ کی۔
اس موقع پر مختلف اسکولوں اور سرکاری محکموں کی جھانکی نکالی گئی اور بچوں نے کرتب دکھائے وہیں ہیلی کاپٹر نے اسمبلی کے اوپر نیچی اڑان بھر کر پھول برسائے۔بعد میں وزیر اعلی یوگی آدتیہ ناتھ نے اپنی سرکاری رہائش گاہ پرترنگا لہرایا اور لوگوں یوم جمہوریہ کی مبارک باد پیش کی۔ اس موقع پر ریاستی راجدھانی کے سبھی سرکاری عمارتوں کو ترنگے سے لہرایا گیا تھا۔اسکولوں، سیاسی جماعتوں کے دفتر اور دیگر عوامی مقامات پر پرچم کشائی پروگرام کا انعقاد کیا گیا۔

کانگریس کے ریاستی دفتر میں ریاستی صدر برج لال کھابری نے پرچم کشائی کر قومی پرچم کو سلامی دی۔ اس موقع پر پرچم محافظ کے کردار میں سیوا دل کے مین آرگنائزر ڈاکٹر پرمود کمار پانڈے رہے۔پروگرام کا آغاز ‘وندے ماترم’سے ہوا۔راشٹریہ لوک دل(آر ایل ڈی)دفتر میں ریاستی صدر رام آشیش رائے نے ترنگے کو سلامی دی۔
سہارنپور، کوشامبی، مرادآباد، کانپور، پریاگ راج، جونپور،گورکھپور اور فرخ آباد سمیت پوری ریاست کے اضلاع میں یوم جمہوریہ تقریبات پورے جوش و خروش کے ساتھ منایا گیا۔
راجستھان کے اجمیر میں پولیس لائن میں نئے تیار کردہ گراؤنڈ میں 74 ویں یوم جمہوریہ کے موقع پر ضلع سطحی پروگرام میں ریاست کے وزیر زراعت لال چند کٹاریہ نے پر قومی پرچم لہرایا، پریڈ کا معائنہ کیا اور مارچ پاسٹ کی سلامی لی۔
مسٹر کٹاریہ نے گورنر کا پیغام پڑھنے کے بعد مجاہدین آزادی کو اعزاز سے نوازا اور کھیل، سماجی اور سرکاری شعبوں میں کام کرنے والے 67 ہنرمندوں کو اعزاز سے نوازا۔ تقریب میں اسکول کے بچوں نے لوک رقص، گروپ ڈانس اور جسمانی ورزش کا مظاہرہ کیا۔
اس موقع پر اے ڈی اے، میونسپل کارپوریشن، میڈیکل ڈپارٹمنٹ کی جھانکیوں کا بھی مظاہرہ کیا گیا۔ تقریب میں ڈیویژنل کمشنر بی ایل مہرا، آئی جی روپیندر سنگھ، کلکٹر انشدیپ، پولیس سپرنٹنڈنٹ چونارام جاٹ، میئر برجلتا ہڈا، ڈپٹی میئر نیرج جین، ڈیری صدر رام چندر چودھری، سبکدوش ہونے والے سٹی کانگریس صدر وجے جین، سابق ایم ایل اے نسیم اختر انصاف، سابق ڈپٹی میئر کمل باکولیا سمیت دیگر معززین موجود تھے۔
راجستھان پبلک سروس کمیشن کے اجمیر ہیڈکوارٹر میں کمیشن کے چیئرمین سنجے شروتریہ نے قومی پرچم لہرایا اور آئین میں درج اعلیٰ اقدار اور فرائض سے وابستگی کو یقینی بنانے پر زور دیا۔ اجمیر ڈیری میں صدر رام چندر چودھری نے پرچم کشائی کی۔ انہوں نے کہا کہ یوم جمہوریہ کے اس مبارک موقع پر اجمیر ڈیری دودھ اور دودھ کی مصنوعات کے اعلیٰ معیار کے لیے خود کو وقف کرنے کا جذبہ رکھتی ہے۔
بورڈ آف سیکنڈری ایجوکیشن میں ایڈمنسٹریٹر ڈویژنل کمشنر بی ایل مہرا، اجمیر ودیوت وترن نگم لمیٹڈ میں سی ایم ڈی این ایس تعمیر، ضلع پریشد میں ضلع صدر سشیل کنور پالڈا، میونسپل کارپوریشن میں میئر برجلتا ہڈا، ضلع کلکٹریٹ میں کلکٹر انشدیپ، وائس چانسلر سنٹرل یونیورسٹی بندرسندری، وائس چانسلر مہارشی دیانند سرسوتی یونیورسٹی انل شکلا وغیرہ نے یوم جمہوریہ کو دھوم دھام سے منایا۔ اجمیر کے مختلف سرکاری اور غیر سرکاری اداروں میں بھی پرچم کشائی کی گئی۔