نتیش نے یوگی سے جے پی کی جائے پیدائش سیتاب دیاراکے اتر پردیش میں پڑنے والے علاقہ کے زیر التواءکاموں کو جلد مکمل کرنے کی درخواست کی

وزیر اعلیٰ نے ویڈیو کانفرنسنگ کے ذریعہ لوک نائک جئے پرکاش نارائن یاد گار عمارت و لائبریری،ستاب دیاراسے مین روڈ تک نو تعمیر سڑک کا افتتاح کیا ،اضافی پرائمری ہیلتھ سینٹر ستاب دیارا کو ’پرائمری ہیلتھ سینٹر ‘کی شکل میںاپ گریڈ کر نے کا اعلان کیا
پٹنہ: وزیر اعلیٰ نتیش کمار نے آج 1انے مارگ واقع سنکلپ میں ویڈیو کانفرنسنگ کے ذریعہ لوک نائک جے پرکاش نارائن”یاد گار عمارت و لائبریری“، سیتاب دیارا سے مین روڈ تک نوتعمیر سڑک کا افتتاح کیا اور اضافی پرائمری ہیلتھ سینٹر ستاب دیارا کو پرائمری ہیلتھ سنٹر میں اپ گریڈ کرنے کا اعلان کیا۔
اس موقع پر منعقد پروگرام کو خطاب کرتے ہوئے وزیر اعلیٰ نے کہا کہ لوک نائک جے پرکاش نارائن جی کے سیتاب دیارا گا ¶ں میں ویڈیو کانفرنسنگ کے ذریعے نوتعمیر سڑک کا افتتاح کیا جا رہا ہے یہ خوشی کی بات ہے۔ اس موقع پر میں وہاں سے وابستہ تمام لوگوں کا خیرمقدم کرتا ہوں۔ ہم لوک نائک جے پرکاش نارائن جی کے گا ¶ں سیتاب دیارا میں بار بار آتے رہے ہیں اور یہاں کی ہر چیز کو دیکھتے رہے ہیں تاکہ گا ¶ں کی ترقی بہتر طریقے سے ہو۔ گا ¶ں میں ہم نے پیدل چل کر بھی دیکھا ہے۔ ہم گا ¶ں والوں سے تمام چیزوں کے بارے میں معلومات لے رہے ہیں اور اس کو ذہن میں رکھتے ہوئے ترقیاتی کام کرائے گئے ہیں۔ لوک نائک جے پرکاش نارائن اسمرتی بھون کم لائبریری 18 جنوری 2018 کو لوک نائک جے پرکاش نارائن کی آبائی رہائش گاہ کے بغل میں بنائی گئی ہے۔ لوک نائک جے پرکاش نارائن اسمرتی بھون و لائبریری، سیتاب دیاراسے مین روڈ (نیشنل ہائی وے 19) تک 04 کروڑ 44 لاکھ روپے کے صرفہ سے نو تعمیرسڑک کا آج افتتاح کیا گیا ہے۔ لوک نائک جے پرکاش نارائن کی خواہش کے مطابق، لوگوں کے بہتر علاج کی سہولت کے لیے سیتاب دیارامیں اضافی پرائمری ہیلتھ سینٹر تعمیر کیا گیا۔ اب اس اضافی پرائمری ہیلتھ سنٹر کو پرائمری ہیلتھ سنٹر کے طور پر اپ گریڈ کیا جا رہا ہے۔ اس پرائمری ہیلتھ سینٹر کا نام لوک نائک جے پرکاش نارائن کی اہلیہ آنجہانی پربھاوتی دیوی کے نام پر رکھا گیا ہے۔ اب اس پرائمری ہیلتھ سنٹر کا نام ”پربھاوتی دیوی پرائمری ہیلتھ سنٹر سیتاب دیارہ” ہوگا۔ یہاں ڈاکٹروں کے ساتھ ساتھ نرسنگ اسٹاف کی تعداد بھی بڑھائی جائے گی تاکہ عوام کو علاج کی بہتر سہولیات میسر آئے۔

وزیراعلیٰ نے کہا کہ گھاگھرا ندی کے کنارے 35 کروڑ روپے کے صرفہ سے کٹا ¶ روکنے کے کام کئے گئے ہیں۔ سیتاب دیارا گا ¶ں کی سیلاب سے حفاظت کے لیے 65 کروڑ روپے کی لاگت سے رنگ باندھ تعمیر کیا گیا ہے۔ اس کا ایک حصہ اتر پردیش میں پڑتا ہے۔ ہم نے اتر پردیش کے وزیر اعلیٰ کو خط لکھ کر لوک نائک جے پرکاش نارائن جی کی جائے پیدائش سیتاب دیاراکے اتر پردیش میں پڑنے والے علاقہ کے زیر التواءکاموں کو جلد مکمل کرنے کی گزارش کی ہے تاکہ سیتاب دیارا کے لوگوں کو آمدورفت کی سہولت میسر ہو اور گا ¶ں بھی محفوظ رہ سکے۔ اس سے نہ صرف بہار کے لوگوں کو بلکہ اتر پردیش کے لوگوں کو بھی سیتاب دیارہ تک پہنچنے میں آسانی ہوگی۔ انہوں نے کہا کہ لوک نائک جے پرکاش نارائن یاد گار عمارت اور لائبریری میں لوک نائک جئے پر کاش نارائن جن کی زندگی اور پورے انقلاب سے متعلق 500 اصل تصاویر کی نمائش کی گئی ہے ۔ اورساتھ ہی 800 کتابوں کا ذخیرہ کیا گیا ہے۔ اس سے باہر سے آنے والے لوگ لوک نائک جے پرکاش نارائن جی کے بارے میں بہتر جان سکیں گے۔
وزیر اعلیٰ نے کہا کہ ہم مہاتما گاندھی جی، رام منوہر لوہیا جی اور لوک نائک جے پرکاش نارائن جی کے نظریات کو اپنا کر آگے بڑھ رہے ہیں۔ سماج کی بہتری کے لیے کام کرنا۔ سماج میں محبت اور بھائی چارے کی فضا کو برقرار رکھنے کے لیے ہندو مسلم اتحاد قائم رکھیں۔ کل 8 اکتوبر کو لوک نائک جے پرکاش نارائن کی برسی ہے۔ ہم ان کے گا ¶ں سیتاب دیارہ میں خراج عقیدت پیش کریں گے اور وہاں کے ترقیاتی کام دیکھیں گے۔ گا ¶ں والوں سے بات کرنے کے بعد ان کی تجویز پر سیتاب دیارہ کی ترقی کے لیے مزید کام کریں گے۔ پٹنہ میں بھی لوک نائک جے پرکاش نارائن جی کی رہائش تھی، جسے” مہیلا چرکھا سمیتی ”بھی کہا جاتا ہے، ہم اکثر وہاں بھی جاتے ہیں۔ وہاں ہر قسم کی سہولیات فراہم کرائی گئی ہیں۔

وزیر اعلیٰ نے کہا کہ لوک نائک جئے پرکاش نارائن جی نے ملک اور سماج کے لئے اچھا کام کیا ہے۔
جو کام انہوں نے کیا ہے اسے کبھی نہ بھولیں۔ نئی نسل کو باپو اور لوک نائک جے پرکاش نارائن جی کے خیالات کو جاننا چاہیے اور ان کے دکھائے ہوئے راستے پر آگے بڑھنا چاہیے۔
پروگرام میں محکمہ صحت کے ایڈیشنل چیف سکریٹری مسٹر پرتیے امرت نے وزیر اعلیٰ کو سبز پودا پیش کرکے ان کا استقبال کیا۔ پروگرام کے دوران اسکیم سے متعلق ایک چھوٹی دستاویزی فلم بھی دکھائی گئی۔
پروگرام کو نائب وزیر اعلیٰ اور سڑک تعمیر اور وزیر صحت تیجسوی پرساد یادو،محکمہ صحت کے ایڈیشنل چیف سکریٹری مسٹر پرتئے امرت نے بھی خطاب کیا۔
اس موقع پر وزیر خزانہ وجے کمار چودھری، وزیر اعلیٰ کے پرنسپل سکریٹری مسٹر دیپک کمار، چیف سکریٹری عامر سبحانی، صحت محکمہ کے ایڈیشنل چیف سکریٹری مسٹر پرتئے امرت، وزیر اعلیٰ کے پرنسپل سکریٹری ڈاکٹر ایس سدھارتھ، صحت کے سکریٹری مسٹر کے سینتھل کمار، بہار اسٹیٹ میڈیکل سروسز اینڈ انفراسٹرکچر کارپوریشن لمیٹڈ کے منیجنگ ڈائرکٹر مسٹر دنیش کمار، سڑک تعمیر محکمہ کے سکریٹری سندیپ پڈوکلکٹی، وزیر اعلیٰ کے اوایس ڈی مسٹر گوپال سنگھ موجود تھے، جبکہ ویڈیو کانفرنسنگ کے ذریعہ ممبر پارلیمنٹ رجیو پڑتاپ روڑی سمیت دیگر عوامی نمائندے، کمشنر سارن ڈویژن مسز پونم، ڈی آئی جی سارن زون مسٹر پی کنن، ڈی ایم سارن مسٹر راجیش مینا، ایس پی سارن مسٹر سنتوش کمار اور دیگر افسران اور معززین موجود تھے۔