چیتے کی واپسی کا خیرمقدم

چیتے کی واپسی کا سلسلہ شروع ہو چکا ہے اور بھارت روئے زمین پر سب سے تیز دوڑنے والے اس جانور کی واپسی کا خیرمقدم کرنے کا مزید انتظار نہیں کر سکتا۔ یہ وہی جانور ہے جس کی غراہٹ کبھی پورے ملک کے جنگلوں میں گونجا کرتی تھی۔ صرف بلند پہاڑوں اور ساحلوں میں نہیں سنائی دیتی تھی۔ 71 ستمبر کا دن وہ دن ہوگا جب چیتا بھارت میں واپس آجائے گا۔ بہت جلد چیتا مدھیہ پردیش میں واقع کونو نیشنل پارک میں چہل قدمی کرتا نظر آئے گا۔

بھارت میں چیتے کے معدوم ہو جانے کی مختلف وجوہات ہیں جن میں شکار کے لیے بڑے پیمانے پر اس کا پکڑا جانا، شوقیہ طور پر اس کا شکار، بڑے پیمانے پر اس کی رہائش گاہ کے فطری علاقوں کی تبدیلی اور اس کے نتیجہ میں اس کی غذا والے جانوروں کی تعداد کا کم ہو جانا جیسی باتیں شامل رہی ہیں۔ ان تمام امور میں انسانی عمل دخل رہا ہے اور ان سب سے ایک ہی بات ظاہر ہوتی ہے کہ انسان نے قدرتی دنیا میں سیدھے سیدھے دخل اندازی کی ہے۔ لہٰذا جنگلات میں ایک مرتبہ پھر سے چیتے کا متعارف کرایا جانا معیشت حیوانات میں در آئی اس غلطی کا ازالہ ہوگا اور ہم نے اپنے مشن کو پایہ تکمیل تک پہنچانے کے لیے جو عہد بندگی کی ہے ، اس جانب بڑھایا جانے والا قدم بھی ہوگا۔ یہ مشن ہے ایل آئی ایف ای، یعنی دنیا کو وزیر اعظم نریندر مودی نے خود یہ اصطلاح دی ہے۔ مشن لائف کا مقصد یہ ہے کہ صحیح معنوں میں ایک ایسی مبنی بر شمولیت دنیا کی تخلیق کی جائےجہاں انسانی لالچ ہمارے نباتات اور حیوانات کی بقاء کے لیے خطرہ بن جائے اور یہ دنیا ایسی ہو جہاں انسان جانوروں سمیت فطرت کے ساتھ ہم آہنگی بناکر رہنا سیکھ لے۔
مغربی نمو کا ماڈل ایسا ہے جس نے یہ تاثر لیا کہ انسان ہر لحاظ سے اعلیٰ و عرفع ہے اور تکنالوجی سے آراستہ ہو کر یہ عرفع انسان وہ سب کچھ حاصل کر سکتا ہے جس کا اسے دعویٰ ہے۔ جب یہ ماڈل عملی شکل میں نافذ کیا گیا ، اس کا نتیجہ یہ ہوا کہ انسانوں نے خسارے پر خسارہ اٹھانا شروع کیا۔ یہ بات اور ہے کہ وقتی طور پر خوشحالی کا احساس بھی ہوا۔ یہ ماڈل ایسا ہے جس نے نہ صرف یہ کہ متعدد نسلوں کو معدوم ہونے کے خطرے سے دوچار کر دیا بلکہ خود کرۂ ارض کا وجود بھی خطرے میں پڑ گیا۔ بھارت میں صدیوں سے ہم اس اصطلاح میں یقین کرتے آئے ہیں کہ فطرت ہمارا تحفظ کرتی ہے اگر ہم اس کا تحفظ کریں۔ ملک نے ہماری آزادی سے لے کر اب تک کی مدت میں ایک بڑا دودھ پر پلنے والا جانور کھو دیا۔
ہم نے متعدد اہم نسلوں کے تحفظ میں کامیابی حاصل کی ہے، ان کا ایکو نظام بھی بحال کیا ہے۔ اس میں شیر، ببر، ایشیائی ہاتھی، گھڑیال اور ایک سینگ والا گینڈا جیسے جانور شامل ہیں۔ یہ تمام کامیابیاں ہماری آبادی کے سائز اور ترقیاتی ضروریات کے شانہ بہ شانہ حاصل کی گئیں۔ پروجیکٹ ٹائیگر، پروجیکٹ لائن اور پروجیکٹ ایلی فینٹ کے ساتھ بھارت گذشتہ برسوں میں ان اہم نسلوں کی آبادی بڑھانے میں کامیاب رہا ہے۔
جہاں شیر جنگلاتی نظام کے لیے ایک سرپرست اور تمام جانوروں کی بقاء پر احاطہ کرنے والا جانور ہونے کا کردار ادا کرتا ہے، چیتا کھلے جنگلات، سوانا اور گھاس کے میدانوں پر احاطہ کرے گا۔ چیتے کا ازسر نو متعارف کرایا جانا، ہمہ گیر کرہ ارض کی تعمیر کے اولوالعزم منصوبے کی جانب ایک قدم ہے۔ یہ ایک ایسا شکاری جانور ہے جو تاریخی طور پر ایک نشو و نما پر مبنی توازن قائم کرتا ہے اور مختلف جانوروں کی فطری رہائش گاہ کی بحالی اور ان کے تحفظ نیز خوراک کا بھی انتظام کرتا ہے۔ چیتا ایک ایسا جانور ہے جو نشو و نما کے لحاظ سے فطری طور پر انتخابی قوت کا حامل ہے جس نے اسے ہرنوں اور غزالوں کی تیز رفتار کے ساتھ اپنی رفتار کی تطبیق کے لائق بنایا ہے۔ چیتا کی واپسی اس کے فطری شکار یعنی اس کی خوراک کی دستیابی کو بھی یقینی بنائے گی، ان میں معدوم ہونے کے قریب پہنچی ہوئی نسلیں اور کھلا جنگلاتی ایکو نظام بھی شامل ہے جو کچھ حصوں میں معدوم ہونے کے قریب پہنچ گیا ہے۔
پروجیکٹ چیتا ایسے وسائل بہم پہنچائے گا جو متروکہ رہائش گاہوں کی حالت بحال کرے گا اور اس کے نتیجہ میں یہاں کا حیاتیاتی تنوع محفوظ ہو جائے گا، ایکو نظام کی خدمات بروئے کار لائی جا سکیں گی اور کاربن کے زیادہ سے زیادہ مضمرات کو بروئے کا ر لایا جا سکے گا۔ مقامی برادریاں بھی ایکو ٹورزم کی وجہ سے استفادہ کریں گی کیونکہ چیتوں کو دیکھنے کی جستجو اور شوق سیاحت کو فروغ دے گا اور ان کے روزی روٹی کے متبادل کو فروغ حاصل ہوگا اور وہ اپنے حالات زندگی کو بہتر بنا سکیں گے۔
آج دنیا مجموعی طور پر بڑے شکاری جانوروں کے تحفظ کے تئیں خبردار ہو چکی ہے اور ان کے ایکو نظام کی بحالی کی اہمیت سے بھی واقف ہے۔ تحفظ اور ازسر نو ان کو آباد کرنے کا عمل پوری دنیا میں جاری ہے تاکہ بڑے پیمانے پر شکاری گوشت خور جانوروں کی گھٹی ہوئی تعداد پر قابو حاصل کیا جا سکے۔ بھارت دل و جان سے ہمہ گیر مستقبل اور کرہ ٔ ارض کے ایک نگراں کے طور پر اپنے وعدوں کو پایہ تکمیل تک پہنچانے کے لیے اس جانب کوشاں ہے تاکہ آنے والی پیڑھیوں کے لیے اس کی حفاظت ممکن ہو سکے۔ اس نے بھی چیتا کو ازسر نو متعارف کرانے کا فیصلہ کیا ہے تاکہ اس کے ایکو نظام کے انحطاط کو ختم کیا جا سکے اور چیتا سرکردہ شکاری جانور کے طور پر پھر سے نظر آنے لگے۔
جہاں ایک جانب کیونو میں اس کو ازسر نو متعارف کرایا جارہا ہے، جب ایک مرتبہ یہاں چیتوں کی ایک وافر تعداد حاصل ہو جائے گی تو اسے گجرات، راجستھان، کرناٹک اور آندھرا پردیش سمیت دیگر ریاستوں میں بھی متعارف کرایا جا سکتا ہے۔ اس سے بھارت کے معدوم ورثے کی بحالی میں مدد ملے گی اور ساتھ ہی ساتھ ایکو نظام سے وابستہ دیگر جنگلی جانوروں اور نسلوں کی بحالی بھی ممکن ہو سکے گی۔
(بھوپیندر یادو، ماحولیات، جنگلات اور موسمیاتی تبدیلی نیز محنت و روزگار کے مرکزی وزیر ہیں)