وزیر اعلیٰ نتیش کمار پنچایتی راج اداروں کے نو منتخب عوامی نمائندوں کے اورینٹیشن پروگرام کا افتتاح کیا

پٹنہ:وزیر اعلیٰ نتیش کمار نے ویب کاسٹنگ کے ذریعہ مین سیکریٹریٹ واقع میٹنگ ہال میں پنچایتی راج اداروں کے نو منتخب عوامی نمائندوں کے اورینٹیشن پروگرام کا افتتاح کیا۔
اس موقع پر منعقدہ پروگرام سے خطاب کرتے ہوئے وزیر اعلیٰ نے کہا کہ میں پروگرام میں شامل تمام لوگوں استقبال کرتا ہوں۔ سال 2005 میں جب ہم لوگوں کو کام کرنے کا موقع ملا تو ہم نے پنچایتی راج نظام کو مضبوط کرنے کے لیے ایک قانون بنا کر کام کیا۔ قومی پروویژن کے مطابق پنچایتی راج اداروں میں خواتین کے لیے کم از کم ایک تہائی ریزرویشن کیا گیا ۔ سال 2006 میں پنچایتی راج اداروں اور میونسپل کارپوریشن کا انتخاب تھا۔ پنچایتی راج اداروں اور میونسپل کارپوریشن انتخابات میں خواتین کو 50 فیصد ریزرویشن دینے والی پہلی ریاست بنی۔ جس کی وجہ سے خواتین کی بڑی تعداد سماج کی نمائندگی کے لیے آگے آئی۔اب تو 50فیصد سے بھی زیادہ خواتین منتخب ہو کر آنے لگی ہیں ۔ 2001 کے انتخابات میں کسی کو کوئی ریزرویشن نہیں تھا۔ ہم نے پنچایتی راج اداروں اور میونسپل کارپوریشن انتخابات میں پسماندہ طبقات کی جگہ انتہائی پسماندہ طبقات کے لیے 20 فیصد، درج فہرست ذات کے لیے 16 فیصد اور درج فہرست قبائل کے لیے ایک فیصد ریزرویشن کا انتظام کیا ہے۔ یہ بھی طے کیا کہ دو انتخابات کے بعد ریزرو علاقوں کا روٹیشن ہوگا تاکہ تمام لوگوں کو موقع ملے۔ ہم نے ضابطہ کے مطابق اس کے لیے انتظامات کیے ہیں۔
وزیر اعلیٰ نے کہا کہ 14ویں مالیاتی کمیشن میں مرکز سے جو رقم آئی، وہ صرف پنچایتی سطح پر ملی۔ ہم لوگوں نے ضلع اور بلاک کی سطح پر بھی فنڈ کے حصول کے لیے بہت کوششیں کیں اور اس کے بعد 15ویں مالیاتی کمیشن میں تینوں سطحوں پر رقم مختص کرنے کا التزام کردیا گیا۔ انہوں نے کہا کہ پنچایت سرکار بھون تعمیر کیا جا رہا ہے۔ ہم نے پنچایت سرکار بھون کا نام دیا ، یعنی جو بھی نظام ہے، وہ ریاست میں صرف حکومت کے طور پر نہیں ہے، باقی لوگوں کی بھی حکومت ہے۔
وزیر اعلیٰ نے کہا کہ 3200 پنچایت سرکار بھون کی تعمیر کا کام شروع ہے ، جس میں 1484 میں کام مکمل ہو چکا ہے۔ باقی کام بھی جاری ہے۔ 2000 پنچایت سرکار بھونوں کے لیے مزید انتظام کیا گیا ہے۔ باقی تمام پنچایتوں کے لیے بھی اگلے سال منظوری دی جائے گی۔ ہم لوگ چاہتے ہیں کہ پنچایت سرکار بھون ہر جگہ تعمیر ہو۔ ایسا نظام ہونا چاہیے کہ لوگوں کے مسائل ٹھیک طریقے سے حل ہوں تاکہ گاوں کے لوگوں کو سہولت ہو۔ ہم نے کئی پنچایت سرکاربھونوں کا معائنہ بھی کیاہے، سہولیات میں اضافہ کرنے کو کہا، لوگوں کے کام بہتر طریقے سے ہو سکیںاس پر بھی توجہ دینے کو کہاہے۔

وزیراعلیٰ نے کہا کہ سال 2015 سے ہم نے سات عزائم کا کام شروع کیا۔ اس کے تحت ہر گھر میں نل کاجل پہنچایا گیا۔ ہر گھر تک پکی گلی اور نالی بنائی گئیں۔ ہر گھر میں بیت الخلاءبنائے جا رہے ہیں۔ جہاں پانی میں آئرن، آرسینک اور فلورائیڈ کی شکایات ہیں وہاں پبلک ہیلتھ انجینئرنگ محکمہ کے ذریعے لوگوں کو پینے کا صاف پانی فراہم کیا جا رہا ہے۔ بہار میں ہر گھر میں نل کاجل تقریباً مکمل ہو چکا ہے، کئی جگہوں پر اس میں درپیش مسائل کو حل کرنے کا کام ہو رہا ہے۔ انہوں نے کہا کہ آپ عوامی نمائندوں سے درخواست ہے کہ کسی کے بہکاوے میں نہ آئیں، جو ذمہ داری دی گئی ہے اسے پورا کریں۔ ضلع کے تمام افسران سے کہوں گا کہ جو کام پہلے ہو چکا ہے اس میں اگر کوئی خرابی ہے اور کوئی مسئلہ ہے تو اس کا حل کریں۔ ان تمام چیزوں پر نظر رکھیں جو ہو رہی ہیں۔ سات عزائم -2 کے لیے بھی کام ہم لوگوں نے شروع کر دیا ہے۔ ہر گا ¶ں کے تمام وارڈوں میں سولر اسٹریٹ لائٹس لگائی جائیں گی،جس سے پوری رات روشنی رہے گی۔ اس کے لیے محکمہ نے کام شروع کر دیا ہے۔ لوگوں کی آمدو رفت کو مزید بہتر بنانے کے لیے کام کیا جائے گا۔ لوگوں کے علاج معالجے کی تمام سہولیات فراہم کرنے کے لیے کام تو کیا گیا ہے ، مویشیوں کے علاج کے لیے بھی تمام انتظامات کیے جا رہے ہیں۔
وزیراعلیٰ نے کہا کہ خواتین کے مطالبے پرشراب پر پابندی کی گئی۔ بڑی تعداد میں خواتین عوامی نمائندوں کی ہے۔ شراب بندی کے نفاذ پر نظر رکھیں۔ کمسنی کی شادی اور جہیز کی رواوایت پر بھی نظر رکھنی ہے ۔ سماجی اصلاحی مہم کے تحت ہم نے 12 مقامات پر پروگرام منعقد کئے۔ سال 2018 کے سروے کے مطابق 1 کروڑ 64 لاکھ لوگوں نے شراب نوشی ترک کر دی ہے۔ شراب بندی کے بعد سماج میں بڑی تبدیلی آئی ہے۔ سبزیوں، پھلوں، دودھ کی فروخت میں اضافہ ہوا ہے۔ انہوں نے کہا کہ شراب پینے والے کچھ لوگ خود کو قابل سمجھتے ہیں لیکن ایسا نہیں ہے۔ ہم سب سے گزارش کرتے ہیں کہ آپ منتخب نمائندے ہیں سماجی اصلاح کے کام پر بھی توجہ دیں۔ شادی کے لیے 18 سال سے کم عمر کی لڑکی کی شادی نہیں ہو نی چاہئے، یہ قانون بنا ہوا ہے۔ کم عمری میں شادی ہوگی تو بہت سے مسائل ہوں گے۔ انہوں نے کہا کہ جہیز لینا بری بات ہے۔ شادی کے لیے جہیز لینا کتنا برا ہے؟ ورلڈ ہیلتھ آرگنائزیشن نے سال 2016 میں پوری دنیا کا سروے کیا تھا جس کی رپورٹ 2018 میں شائع ہوئی تھی جس میں بتایا گیا تھا کہ شراب پینے سے 30 لاکھ افراد کی موت ہو تی ہے یعنی دنیا میں ہونے والی اموات میں سے 5.3 فیصد اموات شراب نوشی سے ہوتی ہیں۔ ہے20سے 39 سال کی عمر کے لوگوں میں، 13.5 فیصد اموات شراب نوشی کی وجہ سے ہوتی ہیں۔ شراب پینے سے 200 سے زائد قسم کی بیماریاں ہوتی ہیں۔ شراب نوشی کے مضر اثرات کے تعلق سے بکلیٹ کے ذریعے لوگوں کو جانکاری دی جارہی ہے۔

وزیر اعلیٰ نے کہا کہ جدوجہد آزادی کے دوران باپو نے کہا تھا کہ شراب بہت بری چیز ہے۔ یہ نہ صرف پیسہ چھینتی ہے بلکہ عقل بھی چھین لیتی ہے۔شراب پینے والا وحشی بن جاتا ہے۔ یہ بابائے قوم باپو نے کہاتھا۔ اس کا ذکر ہم نے کتابچے میں بھی کرادیا ہے۔ جب سے بہار میں شراب پر پابندی عائد کی گئی ہے، بہت سے لوگوں کو برا لگتا ہے۔ جہیزکی روایت اور کمسنی کی شادی کے بارے میں بھی لوگوں کو ہوشیار اور بیدار کر تے رہنا ہے۔ سماجی اصلاح مہم شروع کی گئی ہے اسے مسلسل جاری رکھنا ہے۔ لوگ اس شادی میں شریک نہ ہوں جس میں جہیز لیا جاتا ہو۔ ہم اسی شادی کے پروگرام میں شرکت کرتے ہیں جس کے کارڈ پر’ جہیز سے پاک شادی‘ لکھا ہوتا ہے۔ نئی نسل کے ہر بچے کو ان تمام چیزوں سے آگاہ کریں۔ انہوں نے کہا کہ پائیدار روزگار اسکیم کے تحت جو گاﺅں کے علاقوں میں جن کے پائیدار روزگار کا کوئی ذریعہ نہیں ہے ان کی حالت میں بہتری لانے کے لیے 1لاگھ روپے تک کی مدد مسلسل روزگار منصوبہ کے تحت دیا جارہا ہے ۔ جو لوگ شراب کادھندہ کرتے تھے، چھوڑنے کے بعد انہیں بھی اس کا فائدہ دیا جا رہا ہے۔ اب اسی کی توسیع کر تے ہوئے ، ہم ان لوگوں کو بھی سپورٹ دے رہے ہیں جو تاڑی کے بجائے نیرا کی پیدا وار کر تے ہیں۔ نیرا صحت کے لیے مفید ہے۔ یہ مزیدار ہے اس سے گڑ اور پیڑا بھی بنتا ہے۔ نیرا پیدا کرنے والوں کو ضرورت پڑنے پر 1 لاکھ تک کی مدد کریں گے۔

وزیر اعلیٰ نے کہا کہ پہلے لوگ شام کو گھر سے باہر نہیں نکل پاتے تھے۔ ہم لوگوں نے لاءاینڈآرڈر کی بہتری کے لیے کام کیا۔ سماج میں محبت اور بھائی چارے کی فضا کو فروغ دینے کے لیے مسلسل کام کر رہے ہیں۔ گاوں سے شہر تک سڑکیں بنائی جارہی ہیں۔ زراعت کے شعبے میں بھی اچھا کام ہو رہا ہے۔ جو بھی تعمیراتی کام ہو رہا ہے، ان تمام چیزوں کو مینٹن رکھنا بھی بہت ضروری ہے۔ سڑکوں، پل،پلیوں، سرکاری عمارتوں کی تعمیر کے بعد مینٹن رکھنا ہے۔آپ سب سے گزارش ہے کہ تمام چیزوں کاخیال رکھیں۔ان تمام چیزوں کو دیکھتے رہیں تیار ہو کر کام کر تے رہیں ۔انہوں نے کہا کہ نو منتخب عوامی نمائندےٹریننگ کے دوران ابنے فرائض کی پوری جانکاری لیں ۔ لوگوں نے آپ کو جتایا ہے،آپ کو موقع ملا ہے آپ کی جیت پر آپ تمام لوگوں کو مبارکباد دیتاہوں۔ اپنے فرائض کو سمجھ کر اس کو بہتر طریقہ سے نبھائیں گے تو سماج میں عزت بڑھے گی اور مقبول بھی رہیں گے ۔ ٹریننگ کے دوران ہر چیز کی پوری جانکاری لیں ۔ آپ کے ذریعہ بھی کوئی مشورہ ہو گا تو اس کا بھی استقبال ہے ۔ حکومت کے ذریعہ چلائے جارہے منصوبوں کی بھی بہتر طریقہ سے جانکاری لیں ۔ ہم آپ سب کو یقین دلاتے ہیں کہ حکومت پورے طور پر آپ کی مدد کرے گی ۔
پروگرام میں وزیر اعلیٰ کا خیر مقدم پنچایتی راج کے وزیر سمراٹ چودھری نے پودے کا گچھا پیش کر کے کیا۔
پروگرام کے دوران پنچایتی راج اداروں کے کاموں پر مبنی ایک مختصر فلم بھی دکھائی گئی۔
پروگرام کے دوران وزیر اعلیٰ نے تربیتی مواد کے تحت 5 کتابچے کا بھی اجرا کیا۔
پروگرام سے نائب وزیر اعلی تارکیشورپرساد، نائب وزیر اعلیٰ محترمہ رینو دیوی، پنچایتی راج کے وزیرسمراٹ چودھری، ڈیولپمنٹ کمشنر مسٹر وویک کمار سنگھ اور پنچایتی راج محکمہ کے پرنسپل سکریٹری مسٹر مہیر کمار سنگھ نے بھی خطاب کیا۔.
اس موقع پر وزیر اعلیٰ کے پرنسپل سکریٹری ڈاکٹر ایس۔ سدھارتھ، وزیر اعلیٰ کے سکریٹری مسٹر انوپم کمار، وزیر اعلیٰ کے اوایس ڈی مسٹر گوپال سنگھ، پرنسپل سکریٹری/ سکریٹریز موجود تھے۔ جبکہ ڈی ایم، بلاک سطح کے افسران، اہلکار، ضلع پریشد، پنچایت سمیتی، گرام پنچایت، نو منتخب عوامی نمائندے اور گاوں کی عدالت کے معززین کو ویب کاسٹنگ کے ذریعے جوڑا گیا تھا۔