کیوڑیا: وزیراعظم نریندر مودی نے گجرات میں کیوڑیا کے ایکتانگر میں مجسمہ اتحاد میں مشن لائف کا آغاز کیا اس موقع پر ایک اجتماع سے خطاب کرتے ہوئے وزیراعظم نے بتایا کہ ہندستان،سکریٹری جنرل انٹونیو گٹریس کے لئے ایک دوسرا گھر ہے اور انہوں نے اپنی نوجوانی کے دنوں میں کئی مرتبہ ہندستان کا سفر کیا تھا انہوں نےمزید کہا کہ ہندستان میں گوا کی ریاست کے ساتھ گٹریس کا آبائی تعلق ہے۔ وزیراعظم نےہندستان کا دورہ کرنے کےلئےگٹریس کا شکریہ ادا کیا اور اس دورے کو ایک اہم موقع قراردیا۔ وزیراعظم نے ا س بات کو اجاگر کیا کہ گجرات میں ان کا خیر مقدم کرنا ایسا ہے جیسا کہ کنبے کے کسی فرد کا خیر مقدم کیا گیا ہو۔

وزیراعظم نے اس حمایت پر خوشی کا اظہار کیا جو مشن لائف پہل شروع کئےجانے پر حاصل ہوئی ہے۔ انہوں نے اس شاندار موقع پر مبار ک باد کےپیغامات بھیجنے کے لئے تمام ملکوں کے سربراہوں کاشکریہ ادا کیا۔ آب و ہوا میں تبدیلی سے نمٹنےمیں اتحاد کی اہمیت کو اجاگر کرتے ہوئے جناب مودی نےکہا کہ مشن لائف کا آغازمجسمہ اتحاد کےقریب ہورہی ہے جہاں سردار ولبھ بھائی پٹیل جیسی عظیم اور قابل فخر شخصیت کا قدآور مجسمہ ہے۔ انہوں نے کہا کہ دنیا کا سب سے بڑامجسمہ طے گئےاہداف کے حصول میں تحریک کا وسیلہ بنے گا۔

وزیراعظم نے کہاکہ جب معیارات غیر معمولی ہوتے ہیں تو ریکارڈ بھی بڑے بنتے ہیں۔ گجرات میں مشن لائف کےآغاز کی اہمیت کو اجاگر کرتے ہوئے وزیراعظم نے کہا کہ گجرات ملک کی ایک ایسی پہلی ریاست ہے جس نے قابل تجدید توانائی اور موسمیاتی تحفظ کی سمت میں اقدامات شروع کئے ہیں۔ چاہے نہر پرشمسی پینل نصب کرنے کا معاملہ ہویا ریاست کے خشک سالی سے متاثرہ علاقوں کے لئےپانی کے تحفظ کے پروجیکٹ شروع کرنے کا معاملہ ہو، گجرات ہمیشہ ایک لیڈر اور پرانی روش کو توڑنےوالی ریاست کے طور پرہمیشہ آگے رہا ہے۔

وزیر اعظم نے اس عام تصور کی طرف اشارہ کیا کہ موسمیاتی تبدیلی صرف پالیسی سازوں کی غوروفکر کا ایک ایسا مسئلہ ہے جو اس تمام اہم مسئلے کو صرف حکومت یا بین الاقوامی تنظیموں پر چھوڑ دیتا ہے۔ انہوں نے کہا کہ لوگ اپنے گردونواح میں موسمیاتی تبدیلیوں کے اثرات کا سامنا کر رہے ہیں اور گزشتہ چند دہائیوں میں غیر متوقع آفات کا مشاہدہ کیا گیا۔ اس سے یہ بات پوری طرح واضح ہو رہی ہے کہ موسمیاتی تبدیلی صرف پالیسی سازی سے بالاتر ہے اور لوگ خود اس بات کو محسوس کررہے ہیں کہ انہیں ایک فرد، خاندان اور کمیونٹی کے طور پر ماحولیات میں اپنا حصہ ڈالنا چاہیے۔

وزیراعظم اور اقوام متحدہ کے سکریٹری انٹونیو گٹریس نے مجسمہ اتحاد پر گلہائے عقیدت بھی نذر کئے۔ اقوام متحدہ کے تمام خطوں کی نمائندگی کرنے والے11 ملکو ں کے سربراہان کی طرف سے مشن لائف کے آغاز پر مبارک بادی کے ویڈیو پیغامات بھی نشر کئےگئے۔

مشن لائف لوگوں کو پرو پلینٹ پیپل کے طور پر جوڑتا ہے: مودی

کیواڑیہ (گجرات): وزیر اعظم نریندر مودی نے جمعرات کو کہا کہ مشن لائف زمین کے لوگوں کو پرو پلینٹ پیپل کے طور پر جوڑتا ہے، انہیں اپنے خیالات میں مربوط کرتا ہے اور انہیں متحد کرتا ہے۔
اپنی آبائی ریاست گجرات کے دو روزہ دورے کے دوسرے دن نرمدا ضلع کے کیواڑیا میں مشن لائف کے آغاز کے موقع پر خطاب کرتے ہوئے مسٹر مودی نے کہا کہ گجرات مہاتما گاندھی کی سرزمین ہے، جنم کی سرزمین۔ ان مفکرین میں سے ایک جو ماحولیات کے تحفظ اور فطرت کے مطابق زندگی گزارنے کی اہمیت کو اچھی طرح سمجھ گئے تھے۔ انہوں نے ٹرسٹی شپ کا تصور تیار کیا تھا۔ مشن لائف اس سب کو ماحولیات کا ٹرسٹی بناتا ہے۔ ٹرسٹی وہ ہوتا ہے جو وسائل کے اندھا دھند استعمال کی اجازت نہیں دیتا۔ ایک ٹرسٹی استحصال کرنے والے کے طور پر نہیں بلکہ فیڈر کے طور پر کام کرتا ہے۔
انہوں نے کہا، “مشن لائف پی 3 کے تصور کو مضبوط کرے گا۔ پ 3 کا مطلب ہے پرو پلانیٹ پیپل۔ آج ہم ایک ایسی دنیا میں رہ رہے ہیں جہاں یہ بحث چل رہی ہے کہ کون کس ملک یا گروہ کے ساتھ ہے اور کون کس ملک یا گروہ کے خلاف ہے۔ لیکن مشن لائف زمین کے لوگوں کو پرو پلینٹ پیپل کے طور پر جوڑتا ہے، انہیں اپنے خیالات میں ضم کرتا ہے، انہیں متحد کرتا ہے۔ یہ ‘لائف اسٹائل آف دی پلانیٹ، فور دی پلانیٹ اینڈ بائے دی پلانیٹ’ کے بنیادی اصول کی پیروی کرتا ہے۔
انہوں نے کہا کہ ماضی سے سبق سیکھ کر ہی ہم ایک بہتر مستقبل تیار کر سکتے ہیں۔ ہندوستان میں ہزاروں برسوں سے فطرت کی پوجا کرنے کی ایک بھرپور روایت ہے۔ ہمارے ویدوں میں بھی بالکل درست کہا گیا ہے کہ پانی، زمین، ہوا اور قدرت کی طرف سے دی گئی تمام چیزوں کی اہمیت سمجھاتے ہیں۔ جیسا کہ اتھرو وید کہتا ہے: ماتا بھومیہ پوتروہم پرتھیویہ، یعنی زمین ہماری ماں ہے اور ہم اس کے بچے ہیں۔ ‘ریڈہوس، ری یوز، ری سائیکل’ اور سرکلر اکانومی ہزاروں برسوں سے ہم ہندوستانیوں کے طرز زندگی کا حصہ رہے ہیں۔
انہوں نے کہا، ’’ہم سب جانتے ہیں کہ دنیا کے کئی حصوں میں بہت سے ممالک میں اس طرح کے رواج آج بھی رائج ہیں۔
یہ ہمیں فطرت کے ساتھ ہم آہنگی میں چلنے کی ترغیب دیتا ہے۔ مشن لائف فطرت کے تحفظ سے متعلق ہر طرز زندگی کا احاطہ کرے گا جسے ہمارے آباؤ اجداد نے اپنایا تھا اور جسے ہم اپنے طرز زندگی کا حصہ بنا سکتے ہیں۔
مسٹر مودی نے کہا، ’’آج ہندوستان میں سالانہ فی کس کاربن فٹ پرنٹ صرف 1.5 ٹن ہے جب کہ دنیا کی اوسط چار ٹن سالانہ ہے۔ پھر بھی ہندستان موسمیاتی تبدیلی جیسے عالمی مسئلے کو حل کرنے کے لیے سب سے آگے آکر کام کر رہا ہے۔ اس نے کوئلہ اور لکڑی کے دھوئیں سے نجات کے لیے اجولا اسکیم شروع کی۔ واٹر سیکورٹی کو ذہن میں رکھتے ہوئے ہم آج ہندوستان کے ہر ضلع میں 75 ‘امرت سروور’ بنانے کی ایک بڑی مہم چلا رہے ہیں۔ ہمارے یہاں ویسٹ سے ویلتھ پر بے مثال زور دیا جارہا ہے۔